Nittande november

Nittande november 1932 kom Henry Macleod Robinson fødd i skotske Elgin. Bandleiaren Harry Robinson skreiv og arrangerte for det meste musikk for film- og fjernsynsbranjen, i mi platehylle er han kreditert for strengearrangement på Nick Drake si debutplate Five Leaves Left frå 1969. Robinson døyde i 1996. I 1952 vart Anthony Edward Charles Rayner fødd i den New Zealandske hovudstaden Wellington. Tangentmannen Eddie Rayner har spelt med ei rekkje band «down under», i mi platehylle er han kreditert for keyboardspel på to spor på Crowded House si tredje studioplate Together Alone frå 1993. I 1956 vart Garry George Johnson fødd i Chicago i Illinois. Jellybean Johnson trakterar både trommer og gitar, og hjå meg kan han høyrast på Janet Jackson si plate Janet Jackson’s Rhythm Nation 1814 frå 1989. I 1957 kom Philip Trevor Spalding til verda i London. Bassisten Philip Spalding er i mi platesamling representert på Joe Cocker si plate Across From Midnight frå 1997. I 1960 vart Matthew William Sorum fødd i Mission Viejo i California. Den norsketta trommeslagaren Matt Sorum avløste Steven Adler på trommestolen i Guns’n Roses og spelte saman med bandet i sju år (1990-1997). Sorum har frå 2002 vore fast del av rytmeseksjonen i Velvet Revolver. Hjå meg kan Sorum sitt trommespel nytast på Guns’n Roses sine plater Use Your Illution I og II (1991) og The Spaghetti Incident? (1993), og på Velvet Revolver si debutplate Contraband frå 2004. I 1961 vart Margaret Mary Emily Anne Hyra fødd i Farifield i Connecticut. Skodespelarinna Meg Ryan syng i mi platehylle bakgrunnsvokal på songen Heal Me på Melissa Etheridge si plate Skin frå 2001. I 1972 kom Erik Hjärpe til verda i Sverige. Musikaren Hjärpe er i mi platehylle kreditert for å traktere den spanandes tangentinstrumentet bandoneon på Timbuktu si plate Oberoandeframkallande frå 2007. I 1975 kom Cynthia Loving til verda på Long Island i New York City. Songerinna Lil’ Mo sitt bidrag til mi platehylle høyrer du på Missy Elliott si plate Miss E… So Addicitve frå 2001. I Longwiev i skytegale Texas vart Monte Lee Pittman fødd. Gitaristen Monte Pittman sitt bidrag til mi platehylle finn du på Madonna si studioplate Confessions On A Dance Floor frå 2005. I 1981 spela AC/DC i Rosemont Horizon i Chicago i Illinois. I 1982 gav Led Zeppelin ut samleplata Coda på plateselskapet Swan Song. I 1986 kunne Toy Dolls opplevast på Yubinchokin i Tokyo. I 1989 spelte Toy Dolls på Bercham Palace i Antwerpen. I 2002 platedebuterte Audioslave med ei plate som fekk same tittel som bandet, og som fekk fleire låtar inn på dei viktige singellistene verda over. I 2004 døyde Terry Melcher. I 2014 døyde Riff West.