Tjuesjette desember

Tjuesjette desember 1947 kom bassisten George Porter Jr til verda i jazzhovudstaden New Orleans. Porter var med å starte bandet The Meters på midten av 1960-talet, men kan hjå meg høyrast på Tori Amos si plate Under The Pink frå 1994. I 1951 vart gitaristen John Scofield fødd i Dayton i Ohio. Scofield har ei merittliste som er lengre enn eit vondt år, men hjå meg må ein enn så lenge nøye seg med å høyre han på Miles Davis si plate Amandla frå 1989. Sama dag kom gitaristen Paul Anthony Quinn til verda i Barnsley. Paul Quinn si karriere er sentrert rundt det engelske hardrockbandet Saxon og han kan høyrast på plata Wheels Of Steel frå 1980. I 1957 kom trompetisten Guy Barker til verda. I mi platesamling vert han lagt merke til for å spele flygelhorn på More Than I Can Bear på Matt Bianco si plate Whose Side Are You On frå 1984. I 1966 er dette dagen det vert hevda Jimi Hendrix skreiv songen Purple Haze. I 1989 var Toy Dolls sin verdsturne komen fram til Osaka i Japan. Muse Hall var staden det hendte for Toy Dolls-fansen denne kvelden, og det hendte like godt to gongar, fyrst klokka seks om ettermiddagen, sidan halv ni.

Tjuefemte desember

Tjuefemte desember 1939 var verdsmetropolen New York velsigna med perkussjonisten Charles ”Don” Alias. Don Alias spelte i lag med fleire store namn, som mellom anna Weather Report og Herbie Hancock. I mi platesamling kan Alias høyrast på Ian Hunter si plate All American Alien Boys frå 1976 og på Miles Davis si plate Amandla frå 1989. Alias gjekk bort i 2006. I 1945 kom Ian Kilmister til verda i fotballbyen Stoke-On-Trent. Han er i dag kjent mest kjent som Lemmy, sjefen over alle sjefar i verdas tøffaste rockeband, Motörhead. Lemmy har ei fortid som roadie for gitarguruen Jimi Hendrix og som bassist og vokalist i det legendariske undergrundsbandet Hawkwind før han stabla på beina sitt eige band midt på 1970-talet. Lemmy sin exit frå Hawkwind skuldast eit uheldig møte med det kanadiske grensepolitiet. Resten av bandet, med grunnleggar Dave Brock i spissen hadde ikkje tid til å vente på at bassisten skulle sone ferdig for smuglingsforsøk av eit par marihuanasigarettar, eit grovt brotsverk den gongen. Julegåva 2010 omfatta den nyaste Motörhead-plata, The Wörld Is Yours, så det var ei vellukka høgtid. I 1948 vart den amerikanske soulsongarinna Merry Clayton fødd i Louisiana. Clayton har ei allsidig karriere både som soloartist og korist for andre og kan hjå meg høyrast på Tori Amos si plate Under The Pink frå 1994. I 1954 vart den skotske artisten Ann Lennox fødd i oljebyen Aberdeen. Annie Lennox var den feminine halvdelen av den britiske popduoen Eurythmics, som hadde stor suksess frå starten i 1980 og framover. I 1957 kom kultikonet Shane Patrick Lysaght MacGovan til verda i landsbyen Pembury i det engelske grevskapet Kent. MacGovan er, saman med Jem Finer og Spider Stacy ein av grunnleggarane av det fantastiske folkpunkbandet The Pogues. Før tida med The Pogues hadde Shane eit mindre kjend band med namnet The Nipple Erectors. Tungt alkoholiserte Shane har også gjeve ut plater saman med The Popes og begge hovudattraksjonane er sjølvsagt på plass i mi platehylle. MacGovan kan også høyrast saman med resten av The Pogues på Johnny Come Lately frå Steve Earle si plate Copperhead Road frå 1988. MacGovan er elles kjend for å vere verdsmeister i tannlegeskrekk, noko som skal ha resultert i ein tanngard vanlege folk ikkje ville vere stolt av. I 1958 var songarinna Alannah Myles fødd i Ontario i Canada. Myles slo gjennom med kjempehitten Black Velvet i 1990, men hjå meg er det på to andre plater, den minst like gode andreplata Rockinghorse frå 1992, og Arrival frå 1998, ho kan høyrast. I 1963 kom Noël Rota til verda i Paris. Under namnet Helno eller Helno Rota gjorde mannen kjempesuksess som vokalist i det fantastiske bandet Les Negresses Vertes, som voks fram på den franske undergrunnscena på slutten av åttitalet. Rota song på dei to beste studioplatene frå bandet, Mlah (1988) og Famillie Nombreuse (1991), før han døyde av ein overdose heroin i 1993. I 1969 vart Nicolas Godin fødd like utanfor Paris. Godin er ein halvpart av den franske electronicaduoen Air. I 1979 var det Toy Dolls som var juleunderhaldninga i Northon Workmens Club i Stockton. I 2006 døyde James Brown.

Tjuefjerde desember

Tjuefjerde desember, sjølvaste julaftan, 1919 vart Henry Coker fødd i Dallas. Trombonisten Coker spelte med Count Basie på femti- og sekstitalet og kan høyrast på samleplata Atomic Swing. Coker døyde i 1979. I 1970 kom Will Oldham til verda i Louisville i Kentucky. Under artistnamnet Bonnie ”Prince” Billy har Oldham herja alternativscena sidan 1993, der han har skapt seg eit stort namn. Enno står ingen av hans eigne produksjonar i platehylle, men fortvil ikkje, for Bonnie ”Prince” Billy kan høyrast medan han syng saman med Johnny Cash på sin eigen song I See Darkness, som er å finne på plata Americana III: Solitary Man frå 2000. I 1973 vart Kjell Grutle fødd. Grutle Kjellson er vokalist og bassist i Enslaved og står for to solide bidrag til mi platehylle, Vertebrae og Axioma Ethica Odini. I 1981 bydde Birds Nest i Hartlepool til julefest med Toy Dolls som underhaldning. I 1983 var julestemninga sikra på Tin Can i Birmingham då Toy Dolls ringte jula inn. I 1989 spela Toy Dolls eit ettermiddagsshow på Street i Tokyo, og om kvelden var det E.L.L i Nagoya som fekk vitjing av dei hardarbeidande indierockarane frå Nordaust-England. I 1990 slepte Iron Maiden singelen Bring Your Daughter ... To The Slaughter som toppa listene i England i dei neste to vekene.

Tjuetredje desember

Tjuetredje desember 1929 vart jazztrompetisten Chesney Henry Baker, Jr fødd i Oklahoma. Norskætta Chet Baker fekk etter kvart mange fans for det særeigne trompetspelet sitt. Men nesten like mykje omtale har Baker hausta for narkotikabruken sin, ein uvane som sørgjer for at han fekk lang fengselsstraff i Italia, at han vart deportert frå det som den gong vart kalla Vest-Tyskland og at karrieren hans gjekk rett på skogen. Baker døyde etter at han fall ut av eit hotellvindauga i Amsterdam i 1988. I 1951 kom bassisten Doug Stegmeyer til verda på Long Island. Stegmeyer er best kjend for samarbeidet sitt med Billy Joel og kan i mi platesamling høyrast på konsertplata Kohucept frå 1987. Den stødige bassisten fekk etter kvart sparken frå Joel sitt band og ein desillusjonert Stegmeyer døyde for eiga hand i 1995. I 1956 fekk verda David Michael Murray. Gitaristen Dave Murray er i dag den eine av to gjenværande originalmedlemmer i Iron Maiden. Moonface Murray er til no representert på femten Iron Maiden studioplater i mi platehylle. Please keep it comin’. I 1962 vart trommeslagaren Sonny Emory fødd i Atlanta. Emory kan høyrast medan han spelar trommer for The B-52’s på plata Cosmic Thing frå 1989. Same dag kom Sarah Jordan til verda i den tradisjonsrike engelske industribyen Birmingham. Sass Jordan voks opp i kanadiske Montreal og kan hjå meg høyrast på Jeff Healey si plate Hell To Pay frå 1990. I 1964 kom Edward Louis Severson III til verda i Chicagoforstaden Evanston i Illinois. Eddie Vedder er vokalist i grungebandet Pearl Jam som vart starte i Seattle i 1990. I 1966 vart trommeslagaren Bobby Schayer fødd i det som vist nok skal vere englane sin by, Los Angeles. Kvifor denne er plassert på den amerikanske vestkysten er det ikkje tid eller plass til å diskutere her. Schayer var trommis i Bad Religion i ti år, frå 1991 til 2001, men måtte diverre forlate bandet på grunn av ei skada skulder. Sjølv om musikarkarrieren fekk ein lei slutt, kan Schayer sitt trommespelet høyrast på platene Stanger Than Fiction frå 1994, og No Substance, som kom på marknaden i 1998. I 1979 kom Toy Dolls til Boiler Makers Club i Sunderland. I 1983 spela Toy Dolls på Noresman i Amble. I 1998 markerte The Cranberries at det snart var jul med å gje ut singelen I Just Shot John Lennon.

Tjueandre desember

Tjueandre desember 1939 kom James Gurley til verda i Detroit. James Gurley var ein av to gitaristar i Big Brother & The Holding Company. Gurley døyde i 2009. I 1946 vart den energiske Cheap Trick-gitaristen Rick Nielsen fødd i Rockford i Illinois. Eg var så heldig at eg plukka opp konsertplata Live At Budokan ein gong tidleg på åttitalet og sidan har eg vore heilfrelst Cheap Trick-fan. I CD-hylla mi står, i tillegg til den omtala liveplata, den doble samleplate The Essential Cheap Trick, som dekkar det meste av det beste dei har gjort. Og i det siste har også den nyaste plata, The Latest, distribuert gjennom Classic Rock Magazine, dukka opp. I 1953 var Chet Baker i studio og spela inn Pro Defunctus og Moonlight Becomes You. Med seg i studio hadde han saksofonistane Herb Geller, Jack Montrose og Bob Gordon, pianisten Russ Freeman, Joe Mondragon på bass og trommeslagaren Shelly Manne. Begge låtane kan høyrast på samleplata Best Of Chet Baker Plays. I 1957 kom Richard Alexander Ross til verda i den ikkje altfor store skotske byen Dundee. Ricky Ross er best kjend som vokalist og gitarist i bandet Deacon Blue og kan hjå meg høyrast på platene Raintown og Fellow Hoodlums. I 1965 freista The Byrds å korte ned ventetida fram til jul med å spele inn det som vart alternative versjonar av Eight Miles High og Why. Begge spora kan høyrast som tilleggsmateriale på plata Fifth Dimension. I 1967 kom Manic Street Preachers gitaristen Richey James Edwards til verda i walisiske Blackwood. Edwards forsvann i 1995 og er antatt daud. I 1979 spela Toy Dolls i Football Club i Peterlee. I 1986 dundra Iron Maiden inn på hitlistene med Stranger In A Strange Land. Topplasseringa vart tjueandreplass. I 2002 døyde Joe Strummer.

Tjuefyrste desember

Tjuefyrste desember 1946 kom Carl Dean Wilson til verda i Hawthorne i California. Gitaristen Carl Wilson er den mindre kjende broren til Brian Wilson og spelte gitar i The Beach Boys. Carl Wilson døyde i 1998. I 1971 avslutta Deep Purple innspelinga av plata Machine Head. I 1981 spela AC/DC den andre konserten på to kveldar i Largo/Landover. Hendinga vart filma og eit opptak av Let’s get it up er å finne på DVD’en Family Jewels. I 1982 var Toy Dolls og spela på Julies i Newcastle. I 1983 kunne Toy Dolls opplevast på Brannigans i Leeds.

Tjuande desember

Tjuande desember 1945 vart tidlegare Kiss-trommis Peter Criss fødd med det lyriske døypenamnet George Peter John Criscoula. Criss var ein av dei fire originale medlemmene av Kiss, men slutta så tidleg som 1980 og bidrog minimalt på plata Dynasty, sjølv om han var avbilda på omslaget og har hausta det meste av æra for trommespelet på plata. Criss har seinare dukka opp på diverse attforeiningar av Kiss. I 1957 kom Stephen William Bragg til verda i London. Billy Bragg er ein kjend artist på alternativscena der han blandar element frå folk rock og punk. Billy Bragg er ein aktiv aktivist på den politiske venstresida, slike skulle det ha vore fleire av, og bidraget til mi platehylle heiter Workers Playtime. I 1964 var dette dagen Johnny Cash var i studio og spela inn Danny Boy, All Of Gods Children Ain’t Free, Orange Blossom Special og Engine 143 medan andre var ute og kjøpte julepresangar. Songane kan høyrast på plata Orange Blossom Special som kom på marknaden året etter. I 1967 fekk Jimi Hendrix Experience foreviga Crosstown Traffic i Olympic Studios i London. I 1970 hjelpte Black Sabbath til med å ringe jula inn på Olympia i Paris. Dei frammøtte fekk høyra mellom anna War Pigs og N.I.B som kan høyrast og sjåast på DVD-en Undead And Alive. I 1979 var Toy Dolls i Ferryhill for å spele i Station Workmen Club. I 1981 let AC/DC Hells Bells ringe i øyro på konsertgjengarane i Largo/Landover. Songane Back In Black og T.N.T. frå denne konserten kan nytast på DVD’en Plug Me In. I 1982 vart John Olav Nilsen fødd. Saman med Gjengen platedebuterte John Olav i 2009 med plata For Sant Til Å Være Godt, som vart ein bestsegjar i ein elles vanskeleg platemarknad. Salstala for oppfølgjaren Det Nærmeste du kommer er i skrivande stund ikkje klare, men det er lov og håpe at den vil vere ei antitese i ei verd prega av dalande platesal. I 1983 var det Toy Dolls som sikra høg førjulsstemning frå scenen på 100 Club i London. I 2009 døyde James Gurley.

Nittande desember

Nittande desember 1915 kom sporven Edith Piaff til verda som Edith Giovanna Gassion. Unge Piaf skal ha vokse opp i ein bordell i Normandie, før ho som femtanåring drog til Paris og hovdsakleg livnærte seg som gatesongarske før ho vart oppdaga og fekk platekontrakt. Piaf døyde i 1963. I 1929 vart jazzmusikaren Robert Brookmeyer fødd i Kansas City. Bob Brookmeyer kan høyrast på samleplata Best Of Chet Baker Plays. I 1935 kom Robert Henry Timmons til verda i Philadelphia. Pianisten Bobby Timmons sine leikne tonar kan høyrast på samleplata Best Of Chet Baker Plays. Timmons døyde i 1974. I 1944 vart supergitaristen Graham Barnes fødd i Nottingham. Alvin Lee starta bandet Ten Years After i 1960 og gjorde ein fantastisk konsert på Woodstock i 1969. Hjå meg kan du høyre bandet si sjette studioplate, Watt, frå 1970. I 1947 kom den skotske bassisten Jimmy Bain til verda i Newtonmore. Bain har spela med Phil Lynnot i Thin Lizzy, men er mest kjend for å ha spelt i Rainbow og Dio og hjå meg kan han høyrast på platene Holy Diver (1983) og Dream Evil (1987) frå bandet til metallgnomen Ronnie James Dio. I 1951 fekk verda den nordirske bassisten Gerry McAvoy. McAvoy er best kjend for samarbeidet med den irske gitaristen Rorry Gallagher og basspelet hans kan hjå meg høyrast på plata Calling Card frå 1976. I 1957 kom den australske bassisten Tracy Pew til verda. Tracy Pew spelte i bandet The Birthday Party og kan hjå meg høyrast på plata Junkyard frå 1982. Pew døyde i 1986. I 1958 var Count Basie og bandet hans i studio og spela inn sin versjon av Quincy Jones sin The Midnite Sun Never Sets. Komponisten sjølv var arrangør og solist var Marshall Royal på altsaksofon. I 1982 var det Legions Club i South Shields som var vertskap for Toy Dolls.

Attande desember

Attande desember 1941 kom Sam Houston Andrew III til verda i California. Sam Andrew var gitarist i, og ein av grunnleggjarane av gruppa Big Brother & The Holding Company. I 1943 vart saksofonisten Bobby Keys fødd i Texas. Keys spela på Had Me A Good Time frå Faces-plata Long Player, som kom på marknaden i 1971. I 1950 kom trommeslagaren Randolpho Francisco Castillo til verda i omsungne Alberquerque i New Mexico. Etter å ha forkorta namnet til Randy Castillo tente han lenge til livets opphald som trommeslagar for sjølvaste The Prince Of Darkness, Ozzy Osbourne, og han har fleire plateinnspelingar bak seg. Castillo er også ein av fleire trommeslagarar som har vikariert i Mötley Crüe medan deira faste trommeslagar, Tommy Lee, var innom kasjotten, etter at han vart dømd for å ha banka kona si, den kanadiske skodespelaren Pamella Anderson. I 1953 vart Elliot Easton fødd i Brooklyn. Easton var sjefsgitarist i The Cars og kan høyrast på fleire plater. I 1964 var Johnny Cash i Nashville og spela inn songane The Wall, You Wild Colorado og Wildwood Flower. Han spela også inn si versjon av Bob Dylan sin slager Don’t Think Twice, It’s Alright. Cash byrja også på innspelinga av When It’s Springtime In Alaska (it’s forty below) (duett med June Carter) og Amen. Alle songane kan høyrast på plata Orange Blossom Special, og i tillegg finn du When It’s Springtime In Alaska og The Wall på samleplata Murder frå 2000. I 1969 var eit Band Of Gypsies leia av Jimi Hendrix i studio for å spele inn Ezy Ryder. I 1971 kom den engelske Indieartisten Baxter Dury til verda i Wingrave. Baxter er son av meir meritterte Ian Dury og debuterte som frontfigur på omslaget til faren si plate New Boots And Panties som femåring. I 1974 vart Knut Schreiner fødd i Oslo. Euroboy har gjort seg merkt både i Turboneger og Kåre And The Cavemen, som etter kvart endra namn til Euroboys. I 1979 spela Toy Dolls i Rumors Disco i Sunderland. I 1983 avslutta Iron Maiden World Piece Tour med konsert i Dortmund.

Syttande desember

Syttande desember 1948 kom fiolinisten Darryl Way til verda. Mi platehylle byr på Way sitt felespel på Jethro Tull si plate Heavy Horses frå 1978, men han nådde aldri status som fullverdig medlem av bandet. I 1949 vart Paul Bernard Rodgers fødd i hamnebyen Middlesbrough. Paul Rodgers hadde stor suksess med bandet Free og som erstattar for Freddie Mercury i Queen. Hjå meg kan rockens siste gentleman høyrast som frontmann for supergruppa Bad Company på plata Straight Shooter frå 1975. I 1958 vart R.E.M.-musikaren Michael Edward Mills fødd i Orange County i California. Mike Mills kan høyrast på så mykje som ni ulike R.E.M-titlar i mi platehylle. Mills kan også høyrast medan han spelar bass for Warren Zevon på plata Sentimental Hygiene frå 1987, og medan han spelar piano for The Smashing Pumpkins på songen Soma frå plata Siamese Dream som kom på marknaden i 1993. I 1964 fekk The Long Black Veil og Mama You’ve Been On My Mind evig liv i Johnny Cash si tolking. Cash byrja også innspelinga av (I’m Proud) The Baby Is Mine. Alle songane kan høyrast på plata Orange Blossom Special som var produsert av Don Law. Dei faste musikarane Luther Perkins og Marshall Grant vart assistert Norman L. Blake, Ray Edenton og Robert L. Johnson på gitar, W.S. Holland på trommer, Floyd Cramer og William Withney Pursell på piano, Charles R. McCoy på munnspel og ei blåserekkje beståande av Homer L. Randolph på saksofon og trompetistane William K. McElhiney og Karl R. Garvin. I 1964 spela Johnny Cash inn The Long Black Veil, som enda opp på plata Orange Blossom Special. Songen kan også høyrast på ei rekkje samleplater, mellom anna Murder frå 2000. I 1976 gav AC/DC ut den internasjonale versjonen av plata Dirty Deeds Done Dirt Cheap. I 1981 spela AC/DC i War Memorial i Rochester og Toy Dolls var på plass i Turks Head i Darlington. I 1982 kom Toy Dolls til Smugglers Club i Stanley for å spele. I 1986 kom Toy Dolls til Coventry Polytechnic for å spele. I 1992 var Nash Kato, Blackie O og ”Eddie” King Roeser i Urge Overkill på plass i Studio 4 i Philadelphia for å spele inn det som etter kvart vart plata Saturation.

Sekstande desember

Sekstande desember 1939 kom Bernard Noël McKenna fødd i Irland. Banjo Barney McKenna var ein av grunnleggjarane av The Dubliners og kan hjå meg høyrast på konsertplata Live In Carré, i tillegg til fleire samleplater. I 1945 vart William Frederick Gibbons. Billy Gibbons er den skjeggete gitaristen i den texanske bluesrockgruppa ZZ Top. Sjølv var eg heldig og fekk sjå ZZ Top i levande live i Oslo Spectrum i 1996, ei oppleving eg levde lenge på. Samlinga byr, enn så lenge, på platene Fandango og Recycler. I 1946 fekk verda framtidige Hep Stars-pianist Benny Bror Göran Andersson. Andersson er meste kjent for tida i den svenske popgruppa ABBA som serverte ei rekkje hits gjennom syttiåra, men har også, i samarbeid med kompisen Bjørn Ulveus, vore med å komponere musikalar som Chess. I 1959 var Count Basie med band i studio og spela inn songen Back To The Apple. Frank Foster og Joe Newman var solistar på tenorsaksofon og trompet. I 1981 spela AC/DC i War Memorial i Rochester. I 1982 var det publikum på Mitre i Newcastle som tok i mot dei unge mennene i Toy Dolls. I 1997 døyde Nicolette Larson.

Femtande desember

Femtande desember 1955 kom Clash-bassist Paul Simon til verda. I 1957 vart Tim Reynolds fødd i Wiesbaden i det som den gongen var Vest-Tyskland. Reynolds er gitarist i Dave Matthews Band og har også spela konsertar og gjeve ut plater saman med Dave Matthews under namna Dave & Tim og Dave Matthews & Tim Reynolds. I mi platehylle finn ein plata Live At Luther College frå 1999. I 1961 kom Timoty Gaines til verda i Portland i Oregon. Tim Gaines spelar til dagleg bass i bandet Stryper. I 1979 inntok Toy Dolls Boldon Dewside Club i Sunderland og i 1981 spela AC/DC i Boston Garden i Boston. I 1982 er Toy Dolls på plass i Old Twenty Nine i Sunderland. I 1983 kunne Toy Dolls høyrast på Bear Pit i Newcastle.

Fjortande desember

Fjortande desember 1949 vart Clifford Williams fødd. Cliff Williams er beste kjend som bassist i AC/DC der han erstatta Mark Evans i juni 1977. Williams har sidan klamra seg til jobben og er i skrivande stund framleis ansvarleg for firestrengsgitaren. I 1958 såg Peter Stacy dagens ljos i den engelske badebyen Eastbourne. Fløytespelande Spider Stacy er ein av grunnleggarane av The Pogues. Spider Stacy kan også høyrast saman med resten av The Pogues på songen Johnny Come Lately frå Steve Earle si plate Copperhead Road frå 1988. Same dag vart den skotske artisten Mike Scott fødd. Scott har sidan fyrste halvdelen av åttitalet vore drivkrafta i bandet Waterboys og sidan som soloartist. Scott har fått plass i mi platehylle både som soloartist med albumet Bring ’Em All Inn og med Waterboys si plate Room To Roam. I 1959 nytta Johnny Cash denne dagen til å erklære at han var Going To Memphis, truleg ikkje for ei Seccond Honeymoon, men for å syngje The Ballad Of The Harpweaver. Alle desse tre songane kan høyrast på plata Ride This Train som står støtt i platesamlinga mi. Going To Memphis kan også høyrast på samleplata Murder frå 2000. Dette var også datoen då, i 1981, AC/DC feira bassisten sin gebursdag med å halde konsert i Boston Garden i Boston. I 1982 stod Toy Dolls for underhaldninga på Honeysuckle i Gateshead. I 1986 kunne Toy Dolls opplevast på Sala Largi i Pamplona. I 2001 døyde Conte Candoli. I 2005 gav Madrugada ut konsertplata Live At Tralfamador.

Trettande desember

Trettande desember 1948 kom Theodore Anthony Nugent til verda i traktene rundt Detroit i Michigan. Gitaristen Ted Nugent har ei fortid i Amboy Dukes, men er best kjend for arbeidet med ei solokarriere. Nugent er kjend som The Motor City Madman og får diverre omdømet sitt skjemt av ei rekkje særs høgrevridde meiningar. I 1974 vart Nicholas John Augustine McCarthy fødd i badebyen Blackpool. Nicholas McCarthy livnærer seg som gitarist i det skotske indiebandet Franz Ferdinand. I 1982 kunne Toy Dolls opplevast i New Crown Hotel i South Shields. I 1986 var Toy Dolls i Zaragoza for å spele på Metro. I 1988 gjekk Uriah Heep i PRT Studios for å spele inn det som endte opp som plata Raging Silence, som kom ut året etter på det svenske selskapet Lynx Records. I 2005 gav Beck ut plata Guerolito, som inneheld remixa versjonar av songane på plata Guero, som kom ut tidlegare same året.

Tolvte desember

Tolvte desember 1943 vart Forrest Richard Betts fødd i Florida. Dickey Betts var ein av grunnleggjarane av The Allman Brothers Band og held ut saman med resten av bandet enno. I 1944 kom Alejandro Neciosup Acuña til verda i Peru. Alex Acuña sitt trommespel kan høyrast på plata Storywille som den tidlegare The Band-nestoren Robbie Roberson gav ut i 1991. Same fødselsdag er kreditert Robert Derminer. Rob Tyner er best kjend som vokalisten med det store håret i det amerikanske punk/hardrock-bandet MC5, som inspirerte ein heil generasjon unge punkarar og hardrockarar på slutten av sekstitalet. MC5 sitt bidrag til mi platesamling heiter Back In The USA og kom på marknaden i 1970. Tyner døyde av hjerteinfarkt i 1991. I 1945 kom trommeslagaren Anthony Tillmon Williams til verda i Chicago. Tony Williams kan hjå meg høyrast medan han spelar for Miles Davis på platene In A Silent Way frå 1969, og Water Babies frå 1976. Williams døyde i 1997. I 1953 kom gitaristen Bruce Kullick til verda i New York. Kullick spelar i dag i Grand Funk Railroad, men er kan hende best kjend for at han spelte i Kiss i ei årrekkje, og han kan hjå meg høyrast på platene Crazy Nights frå 1987 og Alive III frå 1993. Same dag gav liv til den tidlegare Georgia Satellites-vokalisten Daniel John Baird. Dan Baird vert rekna som ein av pionerane i Cow/Country-punk genren og er i dag sjef i eige hus i bandet Homemade Sin. Hjå meg kan Baird høyrast på plata In The Land Of Salvation And Sin som moderbandet The Georgia Satellites gav ut i 1989. I 1972 vart Hank Williams III fødd i countrybyen Nashville. Barnebarnet til den legendariske hulkecountrystjerna Hank Williams har markert seg i den diffuse countrypunksjangeren, og står på ingen måte tilbake for korkje bestefar eller far, den nesten like vidgjetne countryartisten Hank Williams Jr. I 1976 kom Daniel Francis Hawkins til verda i Surrey. Dan Hawkins er bror av meir kjende Justin Hawkis og spelar gitar i bandet The Darkness. Same kveld gjorde AC/DC opptak for australsk fjernsyn og spelte eit seksten minuttar langt sett der ein får høyre Baby, Please Don’t Go og Problem Child. For dei som gjekk glipp av denne sendinga då ho gjekk på australsk fjernsyn er det høve til å sjå dette opptaket på DVD-plata Let There Be Rock. I 1977 spelte Willie Nelson inn Stardus, Georgia On My Mind, Blue Skies, All Of Me og Moonlight In Vermont, som alle endte opp på plata Stardust. I 1981 var AC/DC og spela i Forum i Montreal. I 1982 var Toy Dolls å finne i Shineyrow Club i Sunderland. I 1983 var Toy Dolls framleis å finne i Sunderland, på Old Twenty Nine denne gongen. Same dag var AC/DC attende i Capital Center i Largo/Landover der publikum fekk høyre Flick Of The Switch og Bedlam In Belgium. Eit tidlegare uutgjeve opptak frå denne konserten er å finne på DVD-samlinga Plug Me In. I 1985 døyde Ian Stewart. I 1986 vitja Toy Dolls Sala Txibisto i Begara. I 1989 stod Toy Dolls på scenen i Les Confert Modern i Pottiers. I 1991 døyde saksofonisten Ronnie Ross. I 2007 var dette dagen gitaristen Ike Turner gjekk bort.

Ellevte desember

Ellevte desember 1938 kom Alfred McCoy Tyner til verda i Philadelphia. McCoy Tyner er ein jazzpianist som er best kjend for arbeidet han har gjort saman med John Coltrane, og hjå meg er det på Coltrane sine plater Olé Coltrane frå 1961 og Cresent frå 1964, pianospelet hans kan høyrast. I 1958 vart Frank Carlton Serafino Ferrana Jr fødd. Ferrana er kjend for massane under namnet Nicky Sixx og tenar til sitt daglege brød som bassist i glamrockbandet Mötley Crue. I 1961 gav Miles Davis ut plata Someday My Prince Will Come. Same dag kom Darryl Jones til verda i Chicago. Jones er best kjend for å ha avløyst Bill Wyman som bassist i Rolling Stones, men i mi platesamling han han nytast som ein del av Miles Davis sin stødige rytmeseksjon hjå på plata Decoy frå 1984. I 1975 kom Samantha Maloney til verda i byen som vert kalla The Big Apple. Maloney steppa inn som trommis i Mötley Crüe då den faste trommisen, Tommy Lee, var innom kasjotten, ho skal også ha spelt trommer på Hole si tredje studioplate, Celbrity Skin, sjølv om ho ikkje er kreditert for den jobben. I 1981 spela AC/DC for andre kveld på rad i ishokeyarenaen Maple Leaf Gardens i Toronto. I 1982 var Toy Dolls på plass i Peterlee Comunity Centre. På same dag gav Slade ut konsertplata Slade On Stage, som også står trygt plassert i mi platehylle. I 1986 vart den katalanske hovudstaden, Barcelona, invadert av punkarar frå Nordaust-England, nærare bestemt Toy Dolls, og invasjonen enda på Zeleste. I 1989 var det Club Nuit i Auch som fekk vitjing av Toy Dolls.

Tiande desember

Tiande desember 1959 vart Accept-gitaristen Wolf Hoffmann fødd i Mainz. Hoffmann kan hjå meg høyrast på Accept si femte studioplate Balls To The Wall frå 1983. I 1972 kom Odd Nordstoga til verda i Vinje i Telemark. Hjå meg kan Nordstoga høyrast medan han spelar accordion på Katzenjammer si plate Le Pop frå 2008. I 1981 hadde AC/DC teke turen over grensa til Canada og spelte fyrste konsert av to i Maple Leaf Gardens i Toronto. I 1982 var Toy Dolls i 101 Club i Ferryhill. I 1985 platedebuterte Fine Young Cannibals med ei sjølvtittelert plate som inneheldt ein fantastisk versjon av sjølvaste kongen, Elvis Presley, sin slagar Suspicious Minds. I 1999 døyde Rick Danko. I 2003 kom Offspring si sjuande studioplate ut akkurat i tide for julehandelen, den fekk tittelen Splinter.

Niande desember

Niande desember 1950 vart den britiske songarinna og gitaristen Joan Armatrading fødd på den karibiske øya St. Kitts. Armatrading har fleire Grammy- og Brit Awards-nominasjonar og er tildelt den engelske ordenen MBE for arbeidet sitt. Hjå meg finn du Armatrading si tredje studioplate, med same namn som artisten sjølv, og som kom på marknaden i september 1976. I 1964 kom Heiko Paul Hiersche til verda i Berlin i DDR. Paul Landers spelar gitar og sputtar flammer i Rammstein. I 1966 slepte The Who plata A Quick One på den britiske marknaden. USA måtte vente til mai året etter. I 1971 vart Geoff Barrow fødd i Walton In Gordano i England. Barrow er medlem av den engelske elektronikatrioen Portishead og om du kjem innom kan du få høyre platene Dummy (1994) og Portishead (1997). I 1972 vart Frank Edwin Wright III fødd i Frankfurt. Frå 1990 har Tré Cool okkupert trommestolen i Green Day og mi platesamling byr på platene Dookie frå 1994 og Nimrod, som kom i 1997. I 1979 var AC/DC sin Highway To Hell-turné komen til Paris, der dei spelte på Pavillion De Paris. Eit opptak av denne konserten vart tilgjengeleg på dobbel CD i 1997 og var ein del av CD-boxen Bonfire. I 1989 fekk dei frammøtte i Youth Hall i Renteria sjå og høyre den muntre gjengen i Toy Dolls spele.

Åttande desember

Åttande desember 1943 vart middelklasseguten James Douglas Morrison fødd av millitærforeldre tilknytt US Navy. Under namnet Jim Morrison gjorde han suksess som låtskrivar og songar i hippiebandet The Doors. Han gav i tillegg ut fleire diktsamlingar. Morrison døyde i Paris i 1971. I 1947 kom Gregory Lenoir Allman til verda i country hovudstaden Nashville. Gregg Allman var saman med broren Duane med å starte bandet The Allman Brothers Band i 1969. Rus og sjukdom har lagt ein dempar på det som kunne vore ei soge om eit superband, men om du kjenner for å ha An Evening With The Allman Brothers Band (1992), så kan den fyrste delen av konsertplata med den tittelen høyrast hjå meg. I 1951 kom den norske visesongaren Jan Eggum til verda i Bergen. Sidan debuten i 1975 har melankolikaren Eggum jamleg forsynt det norske folk med visesong av høgaste klasse. Hjå meg kan du høyra plata Dingli Bang. I 1953 vart skodespelarinna Kim Basinger fødd som Kimila Ann Basinger i universitetsbyen Athens i Georgia. Grunnen til at sexsymbolet med filmar som mellom anna 9 1/2 Weeks på merittlista er nemnt her, er at dama faktisk har sunge duett med Ozzy Osbourne. Det skjedde på songen Shake Your Head som kan høyrast på plata One Up The B-Side som kom på marknaden i Sør-Afrika i 1997. I 1957 vart bassisten Johnny Rod fødd. Rod spelte bass i W.A.S.P. i to periodar, frå 1986 til 1989 og 1992 til 1993 og kan i mi platehylle høyrast på samleplata First Blood. Last Cuts frå 1994. I 1962 fekk Elvis Presley sin femtiande listeplassering i England med Return To Sender. Songen debuterte med ein andreplass, berre slått av Frank Ifield sin Lovesick Blues. Dette hendte samstundes med at Martin Adam Friedman kom til verda. Marty Friedman slo seg saman med Megadeth i 1990 og heldt ut med bandet til 1999. Friedman han høyrast på plata Rust In Peace. I 1966 vart Sinead Marie Bernadette O’Connor fødd i County Dublin i Irland. Samfunnsengasjerte Sinead O’Connor har skapt overskrifter med meiningane sine åttitalet og er best kjend for sin versjon av det lille lilla rockegeniet Prince sin Nothing Compares 2 U. I 1972 gav Lou Reed ut si andre studioplate, Transformer, som vart produsert av radarparet David Bowie og Mick Ronson. Plata inneheld somme av dei best kjende songane til Reed og produserte singlar som Walk On The Wild Side, Satellite Of Love og Perfect Day. I 1974 vart Nicholas Joseph Zinner fødd i Massachusetts. Nick Zinner spelar ei rekkje instrument i bandet Yeah Yeah Yeahs og vert i tillegg rekna som ein habil fotograf. I 1975 døyde Gary Thain. I 1979 stod Motörhead si plate On Parole ut i platehyllene. Seinare same dag var Toy Dolls underhaldning i Central Club i Darlington. I 1980 vart John Lennon skoten og drepen utanfor Dakota-bygningen i New York City. I 1981 var det klart for konsert med Toy Dolls i Newton Park Hotel i Newcastle og AC/DC sin Nord-Amerika-turné var komen til Spectrum i Philadelphia. I 1984 døyde Gene Ramey. I 1989 stod Toy Dolls på scenen i Sala Ilargi i Lacunza.

Sjuande desember

Sundag sjuande desember 1949 vart Tom Waits fødd og tildelt fullt namn Thomas Alan Waits. Tom Waits har skrive skeiv og rufsete musikk som er gjeve ut ei rekkje plater gjennom åra. Mi platesamling byr så langt på titlane Small Change, Swordfishtrombones, Rain Dogs og Mule Variation, noko som sjølvsagt er alt for lite når ein tenkjer på Waits sin produksjon. I 1977 var AC/DC og spelte i levande live i myteomspunne Atlantic Studios i like myteomspunne New York City. Eit opptak frå denne konserten var gjeven ut tjue år seinare, i 1997, og fekk plass i CD-boxen Bonfire. I 1979 slepte The Clash singelen London Calling, som nådde ellevteplassen på dei engelske singellistene. I 1980 nytta AC/DC dagen til å spele i Festhalle i Frankfurt, oppvarmar var evigunge Whitesnake med botoxkongen David Coverdale i spissen. Same dato eit år seinare, i 1981, hadde AC/DC enno ein gong teke turen over Atlanteren og spela i Spectrum i Philadelphia. I 1982 var Toy Dolls på ny på plass på scenen i 100 Club i London. I 1985 kunne Toy Dolls opplevast på University of Bangor. I 1989 var sporty engelskmenn i Toy Dolls på scenen i Sports Arena i Elorrio. I 2004 spela Motörhead i Philipshalle i Düsseldorf, ein konsert som er tilgjengeleg for alle på DVD-plata Stage Fright som eg var heldig og fekk til jul eit år.

Sjette desember

Sjette desember 1955 vart Leticia Hinojosa fødd i San Antonio i Texas. Tish Hinojosa er ein prisløna artist med mexicanske røter og stort samfunnsengasjement. Mi platesamling byr på plata Homeland frå 1989. Same dag kom trommeslagar Paul Richard Buckler til verda. Buckler er best kjend som den stødige rytmeseksjonen i Mod-bandet The Jam. I 1956 vart Randall William Rhoads fødd på St. John’s Hospital i Santa Monica i solrike California. Randy Rhoads var med å starte hardrockbandet Quiet Riot på slutten av 1970-talet, men er best kjent for å ha spelt gitar på dei to fyrste studioplatene til skrekkrockaren, fjernsynsstjerna og familiefaren Ozzy Osbourne. Rhoads sin visjon var å foreine hardrock og klassisk musikk, noko som kan høyrast på konsertplata Tribute, som Ozzy Osbourne gav ut som ei hylling fem år etter at kompisen gjekk bort. Rhoads døyde i ei småflyulukke i Florida i 1982. Ein som deler fødselsdag med Rhoads er Peter Lawrence Buck. Peter Buck er ein av grunnleggjarane av R.E.M., som etter kvart er med å setje preg på platesamlinga mi. Buck har ei rekkje sideprosjekt på gang og kan også høyrast på plata Trading With The Enemy, som han slepte med bandet Tuatara, han er i tillegg kreditert for gitarspel på Warren Zevon si plate Sentimental Hygiene frå 1987. I 1971 gjekk Deep Purple i studio i den sveitsiske festivalbyen Montreaux. Her byrja dei innspelinga av det som skulle ende opp som albumet Machine Head, der ein blant alle godbitane finn songen som er å rekne som bandet sin kjenningsmelodi, Smoke On The Water. I 1977 vart gitaristen Kjetil Grande fødd. Grande har ei fortid som gitarist i bandet Good Time Charlie og kan høyrast på plata Oochie Coochie!. I 1980 kunne Toy Dolls høyrast i East Stanley i Stanley. I 1981 spela AC/DC i Byrne Meadowlands Arena i Meadowlands. I 1985 var New College i Durham vertskap for Toy Dolls. I 1988 døyde Roy Orbison. I 1990 filma AC/DC ein promovideo av Moneytalks. Trufaste David Mallet var regissør. I 1994 kom Pearl Jam si tredje studioplate Vitalogy. I 1999 kom Kent med plata Hagnesta Hill.

Femte desember

Femte desember 1934 kom Art Davis til verda i den historiske byen Harrisburg. Bassisten Davis kan hjå meg høyrast medan han spelar for John Coltrane på plata Olé Coltrane frå 1961. Davis døyde i 2007. I 1938 vart J. J. Cale fødd, som John Weldon Cale i præriebyen Oklahoma City. Cale er godt kjend for å ha si eiga karriere i countryverda, og har i mi platesamling lurt inn ei samleplate med tittelen Classic, i tillegg kan han høyrast medan han trakterar gitaren på Neil Young-plata Comes A Time frå 1978. I 1976 spelte AC/DC live på programmet Countdown på ABC, Dirty Deeds Done Dirt Cheap kan sjåast på DVD’en Family Jewels. Same dag var dei unge rockarane på scenen i Sidney Meyer Music Bowl i Melbourne. Songen Problem Child frå denne konserten finn du på den doble DVD’en Plug Me In. I 1977 var Willie Nelson i studio. Han hadde selskap av pianisten Bobbie Nelson, trommeslagarane Paul English og Rex Ludwig, gitarist Jody Payne, bassistane Bee Spears og Chris Etheridge, munnspelar Michey Raphael og pianist og produsent Booker T. Jones. Saman arbeida dei fram det som skulle bli til plata Stardust. Don’t Get Around Much Anymore og Someone To Watch Over Me vart resultatet av denne dagens arbeid. I 1989 stod Club i Leon på Toy Dolls sin turneplan. I 1994 kom The Stone Roses si andre og, så langt, siste plate, The Second Coming. I 2000 slepte Rage Against The Machine si fjerde studioplate, Renegades, som inneheld utelukkande coverlåtar.

Fjerde desember

Fjerde desember 1944 vart Dennis Carl Wilson fødd i Marina Del Rey i solrike California. Dennis Wilson var trommis i The Beach Boys, eit band han var med å starte saman med brørne sine Carl og Brian, han var også husvert for The Manson Family i tida før drapet på Sharon Tate. Dennis Wilson døyde i 1983. I 1947 kom Terry Woods til verda i Dublin. Allsidige Woods spelar til vanleg mandolin i The Pogues. Han kan også høyrast saman med resten av The Pogues på Johnny Come Lately frå Steve Earle si plate Copperhead Road frå 1988. I 1956 spela Johnny Cash, Elvis Presley, Jerry Lee Lewis og Carl Perkins inn det som i ettertid er påstått å vere tidenes beste uutgjeve innspeling. Denne er etter kvart gjeve ut i eit heller rustent opptak som er kjekt å høyre for personar med sære interesser. I 1964 spelte Cornelis Vreeswijk i Stockholms Konserthus saman med Ann-Louise Hansson og Fred Åkerström. Brev Från Kolonien og I Natt Jag Drömde Nogot Som kan høyrast på samleplata Guldkorn Från Master Cees Memoarer. I 1976 døyde Tommy Bolin. I 1977 var det andre innspelingsdag til det som skulle bli Willie Nelson si Stardust-plate. Med hjelp av Booker T. Jones på tangentar og i kontrollrommet vart September Song festa til rullane. I 1979 var Toy Dolls innom og underheldt på Wine Loft i Sunderland. I 1981 stod eit AC/DC på Nord-Amerikaturné på scenen i Civic Centre i Providence. I 1987 var andre og siste innspelingsdag for AC/DC sin promovideo for Heatseeker. I 2001 slepte Limp Bizkit samleplata New Old Songs som inneheld remixar av tidlegare innspelingar.

Tredje desember

Tredje desember 1946 vart Geordie-gitaristen Albert Victor Malcolm fødd i Newcastle-Upon-Tyne. Vic Malcolm kan i mi platehylle høyrast medan han trakterar gitaren på samleplata Can You Do It som kom på marknaden i 1997. I 1966 kom The Who singelen Happy Jack om mannen som budde i sanden på den tidlegare vikingkolonien Isle Of Man i Irskesjøen, og som nådde tredjeplassen på listene i førjulstida. I 1977 var Willie Nelson i studioet Enactron Truck og spelte gjorde innspelingar til albumet Stardust. Resultatet av arbeidet denne dagen var Unchained Melody og On The Sunny Side Of The Street. Produsent var Booker T. Jones. I 1980 var det dei frammøtte i New Shildon W.M.C i Shildon som fekk høyre Toy Dolls. I 1981 var AC/DC sin turné omsider nådd fram til Civic Centre i Hartford. I 1987 fekk AC/DC hjelp av regissøren David Mallet for å spele inn ein promovideo til låta Heatseeker. I 1989 vitja Toy Dolls Hippo i Valladolild.

Andre desember

Andre desember 1931 vart Wynton Kelly fødd i Brooklyn. Kelly trakterar tangentane for trompetlegenda Miles Davis på plata Someday My Prince Will Come frå 1961 og på songen Freddie Freeloader på plate Kind Of Blue frå 1959. Kelly døyde i 1971. I 1941 kom Tom McGuinness til verda i tennismetropolen Wimbledon. McGuinness, som også har ei fortid i Manfred Mann, var med å starte The Blues Band i 1979 og kan i mi platehylle høyrast på platene Official Blues Band Bootleg Album frå 1979, Ready, som kom på marknaden i 1980, Itchy Feet, som stogga så langt nede som på sekstiandeplass på dei engelske listene i 1981, og Brand Loyality frå 1982. I 1948 vart The Prince Of Darkness, Ozzy Osbourne, fødd som John Michael Osbourne i den fattigslege bydelen Aston i den engelske storbyen Birmingham. Industriarbeidarsonen med den spesielle røysta slo på slutten av sekstitalet, og gjennom dei harde syttiåra, seg opp som songar saman med dei langhåra heltane i Black Sabbath, før han, i samarbeid med kona Sharon Osbourne (f. Arden) starta ei solokarriere som har sementert legendestatusen med sal av millionar av plater verda over. I 1971 gav Led Zeppelin ut singelen Black Dog med Misty Mountain Hop på B-Sida. Plata klatra til femtande plassen på dei amerikanske listene. I 1978 vart Brian Chase fødd på Long Island i New York. Chase spelar til dagleg trommer i bandet Yeah Yeah Yeahs. I 1980 la Madness seg inn på ein fin fjerdeplass på listene med Embarresment. Den legendariske arenaen Madison Square Garden i New York er kan hende mest kjend for boksekampar med avtalt utfall, men i 1981 var det AC/DC som var hovudattraksjonen då scenelysa kom på. I 1989 stod Toy Dolls for larm og lyd i Sala Rancho Bill i Burgos.

Fyrste desember

Fyrste desember 1945 vart den amerikanske skodespelaren og songarinna Bette Midler fødd i stillehavsparadiset Hawaii. Midler skapte seg legendestatus for hovudrolla i filmen The Rose, som uoffisielt handlar om livet til Janis Joplin. Midler sitt bidrag til mi platehylle heiter Some People’s Lives og kom på marknaden i 1990. I 1951 kom John Francis Anthony Pastorius til verda. Jaco Pastorius vert rekna som ein av tidenes beste jazz- og rockebassistar og vert gjerne hugsa frå tida med bandet Weather Report. I mi platesamling kan Pastorius sitt eminente basspel høyrast på Ian Hunter si plate All American Alian Boy frå 1976. Pastorius sleit etter kvart med store rusproblem og døyde etter å ha blitt sparka rått og brutalt ihel av ein dørvakt i Florida i 1987. I 1965 spelte Johnny Cash inn Happines Is You som etter kvart vart gjeven ut på eit album med same namn. Songen kan også høyrast på samleplata Love frå 2000, som står i mi platehylle. I 1977 gav Aerosmith ut plata Draw The Line. I 1989 var Salamanca vertar for Toy Dolls.

Trettiande november

Trettiande november 1945 kom den walisiske musikaren Roger David Glover til verda. Glover har tatt plass i mi platehylle som bassist på Deep Purple-plata Machine Head frå 1972, og konsertplata Nobody’s Perfekt frå 1988, samt samleplata Power House, som kom på den japanske marknaden i 1977. I 1980 var Toy Dolls attende i Durham og kunne opplevast frå scenen i West Cornfort Club. I 1981 rocka AC/DC dei frammøtte i Ruff Arena i Lexington. I 1985 kunne universitetet i Nottingham helse Toy Dolls velkomen. I 1989 hadde Toy Dolls teke turen til Spania der dei stod på scenen i Chinatown i Madrid.

Tjueniande november

Tjueniande november 1940 vart Seán Cannon fødd i Galway i Irland. Cannon har sidan 1982 vore vokalist i The Dubliners. I 1975 fekk Neil Young hjelp av kompisane sine i Crazy Horse til å forevige godlyden som enda opp som songen Like A Hurricane. Dette skal ha skjedd på Broken Arrow Ranch. Plata American Stars’n Bars frå 1977 byr på denne perla. I tillegg kan ein sjølvsagt kjøpe plata Greatest Hits. I 1981 stod AC/DC på scenen i Richfield Coliseum i Cleveland. I 1986 gav tidlegare Blondie-vokalist Debbie Harry ut den andre soloplata si, Rockbird, som var fyrste plate ho spela inn etter at Blondie skilte lag i 1982. I 1988 fekk platekjøparane høve til å kjøpe Guns n’ Roses si plate G N’ R Lies som var bandet si andre plate og inneheld fire tidlegare utgjevne livespor frå EP-plata Live ?!*@ Like A Suicide og fire akustiske spor som eigentleg var meint for Appetite For Destruction. Same dato i 1989 spela Toy Dolls i Chinatown i Madrid. I 2001 døyde George Harrison.

Tjueåttande november

Tjueåttande november 1949 vart musikaren og skodespelaren Paul Allen Wood Shaffer fødd i skimetropolen Thunder Bay. Mannen bak It’s Raining Men og musikken i Dave Letterman sitt bidrag til fjernsynsunderhaldninga kan hjå meg høyrast som ein del av The Blues Brothers på konsertplata Briefcase Full Of Blues frå 1978, og på landsmannen Jeff Healey si plate Hell To Pay frå 1990. I 1962 kom Matthew David Cameron til verda i San Diego. Matt Cameron held til dagleg takten for Pearl Jam og Soundgarden, hjå meg høyrer du han bak trommene for Hater. I 1970 gav våre beste venner frå Wolverhampton, Slade, ut plata Play It Loud. Platetittelen indikerer korleis bandet sjølv meiner musikken deira best vert formidla, og det er ei vurdering eg er heilt einig i. Produsent for denne gamle klassikaren var Chas Chandler. I 1978 platedebuterte kultbandet The Blues Brothers med A Breifcase Full Of Blues, eit meisterverk som nådde fyrsteplassen på den viktige Billboard 200-lista. I 1981 var eit AC/DC på Nord-Amerika-turné i Market Square Arena i motorsportbyen Indianapolis. I 1989 var Zeleste i den katalanske hovudstaden, Barcelona, åstad for ein Toy Dolls konsert. I 1993 døyde Jerry Edmonton.

Tjuesjuande november

Tjuesjuande november 1942 vart Johnny Allen Hendrix fødd i Seattle i delstaten Washington på den amerikanske vestkysten. Johnny Allen tok seinare namnet James Marshall Hendrix, men er i ettertid best kjend som gitarguruen Jimi Hendrix. Jimi Hendrix revolusjonerte gitaren si tyding i moderne rock og har inspirert eit utal unge gitarheltar over heile verda. Hendrix døyde i 1970. I 1962 vart Charlie Benante fødd i The Bronx i storbyen New York City. Benante sine musikalske bidrag til mi platesamling er som hardtarbeidande trommeslagar i det amerikanske hardrockbandet Anthrax. På den andre sida av det nordamerikanske kontinentet, I Los Angeles, kom Michael Andrew Bordin til verda. Trommeslagar Mike Bordin var ein av grunnleggjarane av Faith No More, i tillegg held han takten for Ozzy Osbourne ved behov. I 1965 vart gitaristen Fiachna Ó Braonáin fødd. Ó Maonlaí er fast medlem av det irske bandet Hothouse Flowers og kan hjå meg høyrast på plata Songs From The Rain frå 1993. I 1974 kom Tom Cato Visnes til verda. Visnes er best kjend under artistnamna King ov Hell, eller berre King og har spelt bass i det bergenske metallbandet Gorgoroth, men hjå meg er det som medlem i bergenske Sahg (Sahg III) og på den spelemanndekorerte plata No Hay Banda med Audrey Horne han kan høyrast. I 1979 hadde One Step Beyond sjuandeplass på singellistene. Bandet bak denne perla var galningane i Madness. I 1982 stod Our House for ein femteplass på listene. Det var Madness som fortalte om huset In The Middle Of Our Street. Same dag slepte Ozzy Osbourne konsertplata Speak Of The Devil, som var ei samling av gamle Black Sabbath-slagarar framført på The Ritz i New York tidlegare same år. Plata erstatta eit planlagt konsertopptak der gitaristen Rhandy Rhoads stod for underhaldninga, dette vart utsett på grunn av Rhoads sitt uventa dødsfall, men kom i butikkane seinare med tittelen Tribute. I 1987 var familien Timmins i spissen for det lågmælte kanadiske bandet Cowboy Junkies i Church Of Holy Trinity i Toronto, der dei spelte inn det som enda opp som plata The Trinity Sessions. I 1988 la Iron Maiden ut på ein englandsturne som inkluderte to utselde konsertar på Wembley Arena og enno tre i utskjelte, men likevel så myteomspunne Hammersmith Odeon.

Tjuesjette november

Tjuesjette november 1939 såg Tina Turner dagsens ljos som Anna Mae Bullock. Rocken si bestemor er for dei fleste best kjend for solokarrieren si, som vart revitalisert med hjelp av alltid like velkledde David Bowie på slutten av det dekadente åttitalet. Turner sin best kjende song, Nutbush City Limits, har fått ei gate oppkalla etter seg i fødebyen hennar, slå den. Turner har også ei karriere på lærretet, der ho spela i filmar som Mad Max III og Tommy. Hjå meg er bestemor rock representert med soloplatene Twenty Four Seven og Forreign Affair, i tillegg til ei samling som oppsummerar det beste ho gjorde saman med mannen som banka ho til topps på listene med duoen Ike & Tina Turner i fyrste del av karriera, den no avdøydde valdelege eks-mannen Ike Turner. I 1945 vart den engelske bassisten John Graham McVie fødd i Ealing i London. John McVie vart hyra av Peter Green til å spele i Fleetwood Mac, ein jobb han har gjort så bra at han har jobben enno. I 1981 heldt AC/DC konsert i Checkerdome i den tidlegare OL-byen frå 1904, St. Louis. I 1982 var turen komen for Annabels i Sunderland til i få ei vitjing av Toy Dolls. I 1985 sigla oktetten Madnesss over havet for å helse på Uncle Sam. Det vart løna med ein tjuefyrsteplass på singellistene. I 2007 slepte Adam And The Ants den doble samleplata Dandy Highwaymen, og gjorde med det det meste av det beste frå ein gylden æra tilgjengeleg for det platekjøpande publikum.

Tjuefemte november

Tjuefemte november 1927 kom Dick Wellstood til verda som Richard MacQueen Wellstood. Wellstood sitt pianospel kan i mi platesamling høyrast på plata The Freewhellin’ Bob Dylan frå 1963. I 1965 vart Timothy Lockwood Armstrong fødd i universitetsbyen Berkeley i California. Tim Armstrong er sjefen for Hellcat Records og har også tent til livets opphald i punkbandet Rancid. Armstrong kan i mi platehylle høyrast medan han syng og spelar gitar på Rancid-plata Life Won’t Wait frå 1998, i tillegg yt Armstrong også vokaliske bidrag på songen Television frå Bad Religion si plate Stranger Than Fiction frå 1994. I 1959 kom gitaristen Steve Rothery til verda. Rothery har vore med i Marillion sidan starten tidleg på 1980-talet. I 1974 døyde ein altfor ung Nick Drake av ein altfor stor dose antidepressiva. I 1979 var Conservative Club i Thornaby vertskap for Toy Dolls, dette var, i følgje sikre kjelder, gitaristen Hud sin einaste konsert med bandet. I 1981 var AC/DC i Ohio og spelte i Riverfront Coliseum i Cincinnati, medan ein annan stor sceneperson, Iggy Pop, hadde teke turen til San Francisco for å underhalde. Denne konserten er tilgjengeleg under tittelen Live San Francisco 1981 og inneheld klassikarar som I’m A Conservative og Lust For Life. I 1983 kunne Toy Dolls opplevast frå scenen i Henderson Hall i Newcastle. I 2003 gav Johnny Cash sitt overivrige og grådige dødsbu ut CD-boxen Unearthed, som, tross mine motførestellingar mot grådige Cash-arvingar, toppa ynskjelista til jul det året. Og i og med at boksen er nemnt her, bør det vere mogleg å tenkje seg til at ynsket vart innfridd. Same dag slepte No Doubt si samling av listefyllarar The Singles 1992-2003, og produsent var Nelle Hooper. Og som om ikkje det var nok, gav Rage Against The Machine ut konsertplata Live At The Grand Olympic Auditorium.

Tjuefjerde november

Tjuefjerde november 1941 fekk verda for fyrste gong stifte kjennskap med superbassisten Donald Dunn. Dette skal han hendt i den musikalsk belasta byen Memphis i Tennessee. “Duck” Dunn vert av fleire rekna som verdas beste bassist og kan hjå meg høyrast på plate med dei legendariske banda Blues Brothers og Booker T & The MGs. Han trakterar også bassen på Bob Dylan si plate Shot Of Love som kom på marknaden i 1981. I 1946 kom Anthony Michael Clarkin til verda i Birmingham. Tony Clarkin la i ungdomen frisørsaksa på hylla for å spele gitar i bandet Magnum. Clarkin har skrive alle songane på dei tre platene som står i mi platehylle, Kingdom Of Madness frå 1978, Magnum II, som kom i 1979 og konsertplata Marauder frå 1980, alle på plateselskapet Jet Records. I 1954 vart trommeslagaren Clem Burke fødd i Bayonne, New Jersey. Burke fekk fødenamnet Clement Anthony Bozewski og er best kjend som trommeslagar i new-wave bandet Blondie. Han har også tromma for stjerner som Joan Jett. Burke har også gjort seg merka som Elvis Ramone etter at han heldt takten for dei skinnkledde i to show i august 1987. I 1960 vart familien Meyer i Oak Ridge i Tennessee lykkelege foreldre til jazzbassisten Edgar Meyer. Saman med resten av bandet Telluride kan Meyer hjå meg høyrast på Nothing But A Child frå Steve Earle si plate Copperhead Road frå 1988. I 1962 kom John Thommas Squire til verda. John Squire var gitarist i det engelske bandet The Stone Roses og kan i mi platehylle høyrast på deira andre og siste studioplate The Second Coming frå 1994. I 1978 slepte The Clash singelen Tommy Gun, som plasserte seg på ein fin nittandeplass som høgaste plassering på dei engelske singellistene. I 1982 var ein særs produktiv Stevie Ray Vaughan i studio og spela inn songane Love Struck Baby, Pride And Joy, Testify, Rude Mood, Mary Had A Little Lamb, Dirty Pool, Lenny og Tin Pan Alley (aka Roughest Place In Town) for bruk på plata Texas Flood. Med seg i studio hadde Stevie Ray bandet Double Trouble. I 1991 døyde Eric Carr av kreft, førtiein år gamal, same dag som Freddie Mercury sa takk for seg etter å ha levd med diagnosen HIV i fire år. I 1999 slepte Luca Turilli plata King Of The Nordic Twilight. Plata var den fyrste i ein triologi.

Tjuetredje november

Tjuetredje november 1956 fekk verda for fyrste gong stifte kjennskap med ein av grunnleggarane av Iron Maiden, gitaristen Dave Murray. I 1960 kom jazzgitaristen Jean-Paul Bourelly til verda i Chicago. Ein far frå Haiti er med å forklare det franskklingande namnet på mannen som hjå meg kan høyras medan han leikar med strengane på plata Amandala, som trompetlegenda Miles Davis gav ut i 1989. I 1964 vart Sharon Marley Prendergast fødd. Sharon Marley er dotter av Rita Marley og vart adoptert av reggealegenda Bob Marley. Sharon Marley har spela i lage med halvsyskena sine i gruppa The Melody Makers. I 1979 døyde Henry Coker. I 1981 spelte AC/DC for dei frammøtte i Met Centre i Minneapolis, same dag som dei gav ut plata For Those About To Rock (We Salute You). I 1982 var Stevie Ray Vaughan i Down Town Studio i Los Angeles og spela inn Tell Me og I’m Cryin’ til bruk på plata Texas Flood. Med seg i studio hadde han bandet Double Trouble. I 1993 gav Guns’N Roses ut plata “The Spaghetti Incident?”, same dag som skaterockarane i Anthrax slepte samleplata Return Of The Killer A’s. I 1999 fekk verda for fyrste gong høve til å stifte kjennskap til plata Midnite Vultures, artisten bak meisterverket var sjølvsagt Beck. Same dag oppsummerte Beastie Boys karriera si så langt med å gje ut samleplata Beastie Boys Anthology: The Sound Of Science. I 2004 gav No Doubt-vokalist Gwen Stefani ut soloplata Love. Angel. Music. Baby.

Tjueandre november

Tjueandre november 1925 kom jazzmusikaren Gunther Schuller til verda. Schuller er i mi platesamling representert medan han spelar franskhorn på Miles Davis si plate Birth Of The Cool frå 1957. I 1946 vart bassisten Aston Francis Barrett fødd i Kingsoton på Jamaica. Aston “Family Man” Barrett var ein viktig del av lydbiletet til Bob MarleyI 1958 vart verda rikare då bondesonen og musikaren Jason Ringenberg kom til verda i den amerikanske delstaten Illinois. Som soloartist, leiar av Alt-Country-bandet Jason & The Scorchers og barne-TV-figuren Farmer Jason har Jason gleda fleire generasjonar på begge sider av Atlanterhavet, og på Facebook er det folk som føreslår han som neste president for USA. Det er absolutt lov å håpe. I 1978 kom Karen Lee Orzolek til verda i Sør-Korea. Karen O er songar i bandet Yeah Yeah Yeahs. I 1980 kom Motörhead med plata The Beer Drinkers EP. I 1981 var Toy Dolls i West Road Club i Loftus og AC/DC møtte den etter kvart trufaste fansen i Met Centre i norskamerikanske Minneapolis. I 1982 gjekk Stevie Ray Vaughan And Double Trouble i Down Town Studio i Los Angeles og starta innspelinga av det som skulle ende opp som plata Texas Flood, tittelsporet vart foreviga denne dagen. I 1988 gav Gipsy Kings ut si tredje studioplate, den hadde same namn som orkesteret og inneheldt slagaren Bamboleo. I 1993 var dette dagen Jethro Tull gav ut samleplata Nightcap. The Unreleased Masters som inneheldt ei rekkje tidlegare uutgjevne innspelingar som vart gjort tidleg i bandet si karriere. I 1997 døyde Michael Hutchence.

Tjuefyrste november

Tjuefyrste november 1926 kom prestesonen, forfattaren og songaren m.m. Odd Lunde Børretzen til verda på Hjelmeland i Rogaland. Heilt sidan sekstitalet har Odd Børretzen kombinert lyrikk og musikk med ei svært ironisk tilnærming og med suverent resultat. Han har samarbeida med fleire store norske artistar som visesongaren Alf Cranner og gitaristen Lars Myhre. Mi platehylle byr på den sjølvtittelerte debutplata frå 1974, liveplata Odd Børretzen og Alf Cranner i levende live på Sandvika kino en kald desemberdag i 1973 (1974), og Noen Ganger Er Det Al Right. I 1940 vart Malcolm John Rebennack Jr fødd i New Orleans. Dr. John har hausta fleire Grammy-titlar og var ein ettertrakta studiomusikar før han gjekk i gang med ei platekarriere som soloartist. Mi platehylle byr på Anutha Zone frå 1998. I 1948 vart keybordisten John Douglas Bundrick fødd i Houston. Bundrick sin CV tel namn som The Who, Eric Burdon og Johnny Nash, men hjå meg er det på Sleeping With The Dog frå Jethro Tull-plata Catfish Rising arbeidet hans kan høyrast. I 1960 fekk verda bassisten Brian Ritchie. Ritchie har ytt sitt bidrag til musikken si verd gjennom fleire plateinnspelingar med Violent Femmes. I 1961 kom Elvis Presley med singelen Can’t Help Falling In Love. Songen er henta frå filmen Blue Hawaii og låg fire veker på toppen av dei engelske listene. I USA var andreplass høgaste notering. I 1965 fekk verda den islandske songarinna Björk Guðmundsdóttir, som hjå meg både har fått plass til soloplata Debut frå 1993 og plata Stick Around For Joy som ho gav ut i 1992 som ein del av det fantastiske bandet Sugarcubes. I 1968 vart Steven Alexander James fødd i Bornemouth. Alex James er best kjend som bassist i Blur. I 1971 platedebuterte Gasolin’ med plata Gasolin’ (Gaz 1). I 1975 vart Erlend Øye fødd. Øye påstår han er The Whitest Boy Alive, men hjå meg kan han høyrast som den eine halvleiken av duoen Kings Of Convenience. I 1978 var Led Zeppelin i Polar Studios i Stockholm og spelte inn Wearing And Tearing. Det ferdige resultatet kan høyrast på samleplata Coda frå 1982. I 1980 slepte The Clash singelen The Call Up, som nøyde seg med ein førtiandeplass på dei engelske singellistene. Same dag la Iron Maiden ut på ein ti dagar turne i England, for å introdusere den nye gitaristen Adrian Smith for den voksande tilhengjarskaren. I 1979 gav plateselskapet CBS ut Gasolin’ si debutplate Gasolin’, i ettertid gjerne kalla Gas 1. Plata vart spela inn i Rosenberg Studios i København tidlegare same år og produsent var Sture Lindén. I 1981 spelter AC/DC i Rosemont Horizon i Chicago. I 1986 gav det amerikanske alternativbandet Soul Asylum ut den tredje plata si, While You Were Out. I 1995 underheldt Ozzy Osbourne Gordiane og tilreisande i Newcastle City Hall. I 2000 slepte Nine Inch Nails ut plata Things Falling Apart, som var ei samling remixar frå andre studioplater og som ikkje fekk noko god mottaking i kritikarkrinsar. I 2007 tapte tidlegare Magnum-trommis Kevin ”Kex” Gorin kampen mot kreften. Gorin heldt takten på Magnum sine fire fyrste studioplater, eg har berre sikra meg to av dei, Kingdom Of Madeness (1978) og Magnum II (1979), i tillegg til liveplata Marauder som kom i 1980.

Tjuande november

Tjuande november 1949 kom Ulf Gerhardt Lundell til verda på Söder i grannelandet sin vakre hovudstad Stockholm. Rockepoeten Uffe er ein skandinavisk blanding av Bob Dylan og Bruce Springsteen og rockar skjorta av dei fleste nolevande svenskar. Best kjend, frå ein rikhaldig katalog, er nok klassikaren Öpna Landskap. Lundell har også gjort seg merkt som forfattar og biletkunstnar. I mi platehylle finn du plata Män Utan Kvinnor frå 1997. I 1949 vart også William “Bill” Reichenbach Jr. Fødd i Tacoma Park i Maryland. Reichenbach spelar trombone på songen Trouble’s Braids på Tom Waits si plate Swordfishtrombones frå 1983. I 1965 kom Michael Diamond til verda i New York City. Mike D er ein av grunnleggjarane av Beastie Boys I 1981 spelte AC/DC i Rosemont Horizon i Chicago, same dag som The Clash slepte singelen This Is Radio Clash, som klatra til førtisjuandeplass på dei britiske singellistene. I 1982 hoppa Olga og dei andre gladpønkarane i Toy Dolls på scenen i Framwellgate Moor Club i kolbyen Durham. I 1986 kom Michael Jared Followhill til verda i Tennessee. Jared Followill er bassist i det søskendominerte bandet Kings Of Leon. Same dag var Tsubaki House i Tokyo vertskap for Toy Dolls. I 1995 gav The Beatles ut det meste av det beste frå dei åtte fyrste åra i bandet si karriere under tittelen Anthology 1, ein dobbel CD. Same dag spelte Ozzy Osbourne live i Ballroom Barrowlands i Glasgow. Dei frammøtte fekk mellom anna høyre klassikarar som Paranoid, No More Tears, I Don't Want To Change The World, Suicide Solution, Sabbath Bloddy Sabbath, Mama, I'm Coming Home og Bark At The Moon, som alle kan høyrast på liveplata Master Of Madness som kom på marknaden i 1996.

Nittande november

Nittande november 1960 vart trommeslagaren Matthew William Sorum fødd i California. Norsketta Matt Sorum spelte saman med Guns N’Roses i sju år og er i dag fast del av rytmeseksjonen i Velvet Revolver, to band som begge står trygt på hylla heime hjå meg. I 1981 spela AC/DC i Rosemont Horizon i Chicago. I 1982 gav Led Zeppelin ut samleplata Coda på plateselskapet Swan Song. I 1986 kunne Toy Dolls opplevast på Yubinchokin i Tokyo. Denne datoen vert også hugsa for at Toy Dolls spela på Bercham Palace i Antwerpen, det var i 1989.

Attande november

Attende november 1960 vart anonyme Kim Smith fødd i London. Kim Wilde har gjeve ut ei rekkje plater opp gjennom åra, men gjer det i dag like greitt som landskapsarkitekt. Kim Wilde prydar mi platehylle med plata Love Is frå 1992. I 1963 kom gitaristen og pianisten Thomas Darnal til verda. Darnal har gjort seg merkt i det franske punkrapbandet Mano Negra. I 1972 døyde Danny Whitten av ein overdose av den alltid like usunne blandinga av alkohol og valium. I 1981 slepte Joan Jett plata I Love Rock’n Roll som produserte megahiten med same namn. I 1983 avslutta AC/DC innspelinga av videoen til For Those About To Rock (We Salute You). Regissør var Derek Burbridge. I 1986 spela Toy Dolls på Big Ban i Kyoto. I 1993 var Nirvana i Sony Studios i New York og spela inn konserten som skulle ende opp som plata Unplugged In New York. Oppdragsgjevar var fjernsynskanalen MTV. I 1995 hadde Brixton Academy i London vitjing av Ozzy Osbourne med følgje. I 1997 gav AC/DC ut ein CD-Box med fem plater til minne om den avdøyde vokalisten Bon Scott. Boksen inneheld liveopptak og raritetar frå starten tidleg på syttitalet og fram til Scott døyde i 1980. Og som om det ikkje var nok, bydde denne dagen plateslepp frå Paul Simon og Erykah Badu. Produkta som vart tilgjengeleg denne dagen hadde namnet Songs From The Capeman (Simon) og Baduizm Live (Badu). I 1999 døyde tex-mex songaren Doug Sahm. I 2003 slepte Linkin Park konsertplata Live In Texas. Plata inneheld i tillegg ein DVD, mykje musikk for pengane med andre ord.

Syttande november

Syttande november 1940 kom Luke Kelly til verda i Dublin. Kelly var ein av grunnleggjarane av det irske folkrockbandet The Dubliners og kan hjå meg høyrast på konsertplata Live In Carré, i tillegg til fleire samleplater. Kelly døyde i 1984. I 1946 vart gitaristen Martin Barre fødd og tildelt det flotte mellomnamnet Lancelot. Barre har spelt i Jethro Tull sidan 1969 og har vore med på alle platene bandet har slept etter This Was, som kom så tidleg som 1968. I 1966 kom Jeffrey Scott Buckley til verda i Disneybyen Anaheim sør for Los Angeles. Jeff Buckley var son av musikaren Tim Buckley, men døyde tragisk tidleg i 1997. Før han gjekk bort gav Buckley ut ei studioplate, Grace, og den finn du hjå meg. I 1969 hadde Jimi Hendrix med seg Band Of Gypsies, Buddie Miles på trommer og Billy Cox på bass, og spelte inn Room Full Of Mirrors på Reccord Plant i New York. I 1970 kom Paul Allender til verda i Colchester. Gitaristen Allender er inne i sin andre periode i Cradle Of Filth og kan høyrast på to plater i mi samling. I 1979, på bandkollega Martin Barre sin gebursdag, døyde bassisten John Glascock. I 1981 spelte Ebba Grön på Kulturama i Stockholm og songen Mental Istid kan høyrast på plata Ebba Grön Live frå 1998. Same dag spelte AC/DC i Milwaukee Arena i Milwaukee. I 1983 starta AC/DC innspelinga av videoen til For Those About To Rock (We Salute You). I 1986 fekk dei frammøtte i Candy Hall i Osaka høve til å nyte Toy Dolls. I 1989 stod Toy Dolls på scenen i L’usine i Reims. I 1995 var det Centre i Newport sin tur til å vere vertskap for ein snart pensjonert Ozzy Osbourne. I 1998 kom Offspring si femte plate, Americana, med kjempe hiten Pretty Fly (For A White Guy), som kjempa seg nesten til toppen av dei viktigaste amerikanske listene.

Sekstande november

Sekstande november 1942 vart Geir Børresen fødd i Oslo. Skodespelaren Børresen opplevde gigantisk suksess då han song den norske vokalen på dei utruleg kitche smurfeplatene som herja den vestlege verda frå slutten av syttitalet. I 1945 kom Paul Martin Raymond til verda i St. Albans. Paul Raymond har livnært seg som gitarist i band som UFO og hjå meg kan han høyrast på plata Obsession frå 1978. I 1962 vart Gary Manny Mounfield fødd nær den engelske storbyen Manchester. Mani var bassist i The Stone Roses og gjør i dag teneste i Primal Scream. Hjå meg kan Mani høyrast på The Stone Roses si andre, og enn så lenge, siste studioplate, The Second Coming frå 1994, og på Primal Scream sine studioplater XTRMNTR frå 2000 og Beautiful Future frå 2008. I 1966 kom Christian Lorenz til verda i Berlin. Doctor Lorenz spelar til dagleg keyboard i Rammstein. I 1977 la Lynyrd Skynyrd spørsmålet What’s Your Name? ut på dei amerikanske singellistene, b-sida med tittelen I Know A Little gjev eit hint om at dei hadde ei aning. I 1978 var Led Zeppelin i ABBA-bastionen Polar Studios i Stockholm og spelte inn songen Darlene. Resultatet frå denne seansen kan høyrast på samleplata Coda, som kom på marknaden i 1982. I 1981 bydde datoen på konsert med AC/DC i Cobo Arena i Detroit. Tidlegare på dagen hadde Kiss slept konseptalbumet Music From The Elder, som på ingen måte vart den salssuksessen som bandet og produsenten Bob Ezrin hadde vona. Gitaristen Ace Freley forlèt bandet etter at plata var spela inn og vart erstatta av Bruce Kullic. I 1982 døyde Al Haig. I 1989 var Salle de la Cite i Rennes arena for Toy Dolls sine herjingar. I 1992 slepte Mano Negra si fyrste liveplate, In The Hell Of Patchinko. Dette var mitt fyrste møte med bandet og eg hugsar enno at håra på armen min reiste seg då den rå energien strøyma ut av høgtalarane og inn i øyrene mine. Absolutt ei av dei beste platene eg har høyrd nokon sinne. I 1999 kom Will Smith si andre studioplate Willennium og eg har ikkje anna forklaring på at eg eig denne plata enn at ein kan få mykje rart for ein tiar.

Femtande november

Femtande november 1932 vart Petula Sally Olwen Clark fødd i Surrey. Petula Clark byrja karrieren sin allereie under andre verdskrigen og skal ha selt nærare sytti millionar plater gjennom åra. I 1941 kom James Luther Dickinson til verda i Little Rock i Arkansas. Jim Dickinson sitt keyboardspel kan hjå meg høyrast på Bob Dylan si plate Time Out Of Mind frå 1997. Dickinson døyde i 2009. I 1945 vart Anni-Frid Lyngstad fødd. Lyngstad vart fødd i Balangen i Troms i Noreg, men gjorde svenske av seg i ung alder og er mest kjend for tida som songar i den svenske superkvartetten ABBA og ekteskapet med felles ABBA-medlem Benny Andersson. I 1951 kom gitaristen Frank Infante til verda. Infante slo seg saman med gruppa Blondie i 1977 og spelte med dei fram til bandet vart oppløyst fyrste gong i 1982. Infante fekk ikkje tilbod om å vere med då bandet vart attforeina tidleg på 1990-talet. Seinare har Infante heldt koken saman med store namn som Iggy Pop, Joan Jett og 4Non Blondes. I 1972 kom Gasolin’ si andre plate, Gaz 2, på marknaden på denne dagen. I 1981 introduserte Iron Maiden den nye vokalisten, Bruce Dickinson for den engelske fansen. Same dag spelte AC/DC i Cobo Arena i Detroit. I 1986 bydde dagen på plateutgjeving frå Beastie Boys, debutplata var eit meisterverk som fekk namnet Licensed To Ill, ei plate som til no har selt i meir enn ni millionar eksemplar verda over. I 1989 stod Toy Dolls på scenen i MJC jous les i Tours. I 1995 stod Ozzy Osbourne på scenen i Apollo Theatre i Manchester. I 2005 slepte Green Day konsertplata Bullet In A Bible, der dei heldige, som eg, fekk med ein DVD med konsert med bandet. Same dag bydde også på plateslepp frå popikonet Madonna, hennar bidrag til popsoga fekk namnet Confessions On A Dance Flor og var hennar tiande studioplate.

Fjortande november

Fjortande november 1951 vart trommeslagaren Frankie Banali fødd i Queens. Banali er best kjend for å ha vore medlem i Quiet Riot, men i mi platesamling er det som trommeslagar for W.A.S.P. på samleplata First Blood. Last Cuts han kan høyrast. I 1978 var Led Zeppelin i Polar Studios i Stockholm, der dei spelte inn Ozone Baby. Songen kan finnast på samleplata Coda frå 1982. I 1981 stod Toy Dolls på scenen i Arts Centre i Darlington, og datoen bydde også på ein konsert med AC/DC, det gjekk føre seg i Cobo Arena i Detroit der dei spelte for andre kveld på rad. I 1985 kunne 100 Club i London ynskje Toy Dolls velkomen attende. Theatret Barbet i Bordeaux tok i mot Toy Dolls i 1989. Same dato i 1992 kom Motörhead med The ’92 Tour EP. I 1995 kunne mørkets fyrste, Ozzy Osbourne både høyrast og sjåast på scena i Sheffield City Hall og Melissa Etheridge gav ut plata Your Little Secret. I 1996 prisa AC/DC våren i Sydney. Dei frammøtte i Entertainment Centre fekk høyre Hail Cesar, Ballbreaker og Rock’n Roll Ain’t Noise Pollution, og det gjer me andre også, om må stappar DVD’en Plug Me In i spelaren. I 1997 heldt Bee Gees konsert på MGM Grand i Las Vegas. Konserten vart spela inn og kan kjøpast som både DVD og CD. CD-versjonen har fått namnet One Night Only og kom på marknaden i 1998. I 2000 slepte Offspring plata Conspiracy Of One. I 2005 fekk Pete Doherty sitt prosjekt Babyshambles sin platedebut med plata Down In Albion

Trettande november

Trettande november 1942 kom gitaristen John Paul Hammond til verda i New York. Hammond kan i mi platesamling høyrast medan han spelar gitar for Bob Dylan på plata Bring It All Back Home frå 1965. Han er også kreditert for å spele Blues Harp på sporet Pony frå Tom Waits si plate Mule Variations som kom på marknaden i 1999. I 1953 fekk verda trommeslagaren Andrew Ranken. Ranken er best kjend for å spele trommer for The Pogues. Han kan også høyrast saman med resten av The Pogues på Johnny Come Lately frå Steve Earle si plate Copperhead Road frå 1988. Der er han rett nok omtalt som Ardren Ranken. I 1978 kom Nikolai Fraiture til verda i New York City. Fraiture er bassist i The Strokes. Same dag slepte Kate Bush si andre studioplate, Lionheart, som berre nådde ein skuffande sjetteplass på listene. I 1981 var Ferryhill staden for dei som ville høyre Toy Dolls spele og det hendte på 101 Club. Same dag spelte AC/DC i Cobo Arena i bilbyen Detroit. I 2000 kom Oasis si konsertplate Familiar To Millions, som var spela inn på Wembley Stadium tjuefyrste juli same år.

Tolvte november

Tolvte november 1944 kom Booker T. Jones til verda. Jones er kjent som både musikar og produsent og har arbeidd med alle dei store namna i bransjen. Hjå meg kan Booker T. høyrast både som sjef for eige band, det legendariske instrumentalbandet Booker T & The MGs, og som musikar for stjerner som Willie Nelson og Bob Dylan. I 1945 vart den kanadiske superstjerna Neil Young fødd i Toronta, og utstyrt med mellomnamnet Percival. Young har, aleine og saman med bandet Crazy Horse gjeve ei rekkje bidrag til mi platehylle, og Young er også kreditert for gitarspel på Warren Zevon si plate Sentimental Hygiene frå 1987. Sjølv var eg så heldig at eg fekk oppleve Neil Percival Young på Koengen i Bergen i 2008. I 1953 vart Malcolm Macdonald fødd Lochmaddy i Skotland. Calum Macdonald har vore perkusjonist for Runrig sidan starten i 1973. I 1955 kom Leslie Richard McKeown til verda i Edinburgh. Les McKeown var songar i Bay City Rollers. I 1957 var Johnny Cash i Memphis og spela inn songen Big River, produsent var Jack Clement. I 1964 vart bassisten David Ellefson fødd i den skandinaviske delstaten Minnesota. Ellefson slo seg saman med Dave Mustain og starta Megadeth i 1983, og det er på plata Rust In Peace han kan høyrast i mi platesamling. I 1968 var Miles Davis i Columbia Studio B i storbyen New York for å spele inn songen Splash, som eigentleg var med på plata Circle In The Round frå 1979, men som i mi platesamling har fått plass som bonusspor på plata Water Babies. I 1987 var Toy Dolls i Sneeke for å spele på Bolwerk same dag som Cornelis Vreeswijk døyde. I 1991 kunne ihuga fans kjøpe ein Lynyrd Skynyrd-box med same namn som bandet. I 1995 var Rock City i fotballbyen Nottingham vertskap for Ozzy Osbourne sin Retirement Sucks-turné. I 1999 slepte Marilyn Manson liveplata The Last Tour On Earth. I 2000 spelte ein Steve Earle i storform med fullt band i levande live på fjernsynsprogrammet Austin City Limits. Denne konserten er tilgjengeleg som DVD-plata Live From Austin TX. I 2001 kunne trufaste The Cure-fans kjøpe samleplata Greatest Hits, som var ein dobbel CD med det meste av det beste frå bandet. I 2002 var det plateslepp for Missy Elliot si fjerde plate, produktet fekk tittelen Under Construction og vart seinare nominert til Grammy-pris. I 2004 slepte No Doubt-vokalist Gwen Stefani soloplata Love. Angel. Music. Baby.

Ellevte november

Ellevte november 1930 kom gitaristen Walter Louis Garland til verda i South Carolina. Hank Garland spelte med store amerikanske country-artistar som Patsy Cline og Roy Orbison, men hjå meg er det hjå sjølvaste kongen, Elvis Presley, gitarspelet hans kan nytast. Garland døyde i 2007. I 1953 såg Andrew John Partridge dagens lys på Malta. Andy Partridge si merittliste er vokalist og gitarist, i tillegg til kunstnarisk leiar for det britiske New Wave-bandet XTC, som hadde utspringet sitt i Swindon. Hjå meg kan Partridge høyrast på plata Black Sea frå 1980. I 1968 var Miles Davis i Columbia Studio B i New York for å spele inn Two Faced og Dual Mr. Anthony Tillmon Williams Proces. Begge songane kan høyrast på samleplata Water Babies frå 1975, og med i studio var Wayne Shorter, Chick Correa, Herbie Hancock, Dave Holland og Tony Williams. I 1977 kunne Gasolin’ si sjuande studioplate, Gør Det Noget, kjøpast for pengar, i og med at plata var tilgjengeleg i butikken, kunne ho også stelast, men det var ikkje så populært. I 1987 var Toy Dolls underhaldninga på Wilhelm II i Den Bosch. I 1991 slepte Genisis si fjortande studioplate, We Can’t Dance. I 1995 kunne Ozzy Osbourne opplevast i levande live i Civic Hall i Wolverhampton. I 1997 slepte Ozzy Osbourne samleplata The Ozzman Cometh, som hadde fleire tidlegare uutgjevne spor frå Black Sabbath-tida. Skikkeleg mat for fansen med andre ord.

Tiande november

Tiande november 1966 var The Who i CBS Studios i London og spelte inn Happy Jack, også denne gongen med Kit Lambert som produsent. I 1967 kunne ein treffe The Who i De Lande Lea Studios i London der dei var i ferd med å spele inn sin eigen versjon av Eddie Cochran sin låt May Way. I 1973 kom den kvinnelege vokalisten i The Beautiful Sout, Jacqui Abbot, til verda i nordvest-England. Dama med døypenamnet Jaqueline Abbot forlèt bandet etter at plata Painting It Red kom på marknaden i 2000. I 1975 nytta Neil Young dagen til å gje ut plata Zuma, som han hadde spelt inn saman med dei hardtrockande kompisane sine i Crazy Horse. I 1978 vart Drew McConnell fødd i Dublin. McConnell er bassist i Babyshmables og i mi platehylle kan han høyrast på plata Down In Albion. Same dag fekk BBC One sine entusiastiske sjåarar oppleve AC/DC i eit opptak frå University Of Essex. Musikkelskande fjernsynssjåarar kunne nyte dei framtidige slagarane Problem Child, Sin City og Bad Boy Boogie. For dei som måtte kjenne for å gjennoppleve denne hendinga er det berre å gå til innkjøp av DVD-samlinga Plug Me In. I 1981 inntok Toy Dolls East Stanley Club i Stanley, same dag som den hårfine gjengen i Mötley Crüe platedebuterte med Too Fast For Love. I 1987 bydde dagen på Toy Dolls-konsert på Paradiso i Amsterdam. I 1989 var Toy Dolls på tur til Toulouse der dei spelte på Bikini. I 2008 døyde Miriam Makeba.

Niande november

Niande november kom 1941 kom Thomas Richard Fogerty til verda i Berkeley i California. Tom Fogerty er storebroren til meir kjende John Fogerty og var den fantastiske gitaristen i Creedence Clearwater Revival, som herja platelistene for eit par generasjonar sidan. Fogerty døyde i 1990. I 1954 vart den engelske gitaristen Dennis Stratton fødd i Canning Town. Stratton spelte i Iron Maiden frå 1979 til 1980 og deltok på innspelinga av bandet si debutplate. I 1985 kom den andre plata frå W.A.S.P., The Last Command. Steve Riley hadde erstatta Tony Richards på trommene. Blind In Texas og Wild Child kan i tillegg høyrast i remixa versjonar på samleplata First Blood. Last Cuts frå 1993. I 1986 fekk Paradiso i Amsterdam vitjing av Toy Dolls. I 1987 spelte Toy Dolls på Bisqethalle i Bonn. I 1989 stod Toy Dolls på scenen i Rockstore i Montpellier. Same dag døyde den amerikanske jazzsongaren Kenny Hagood. ”Pancho” Hagood, som var fødd i bilbyen Detroit i 1926, kan hjå meg høyrast som hjelpevokalist for Miles Davis på plata Birth Of The Cool. I 1992 gav Mano Negra ut liveplata In The Hell Of Patchinko. I 1995 stod Ozzy Osbourne på scenen i Guildhall i Portsmouth.

Åttande november

Åttande november 1954 vart den amerikanske artisten Richie Lee Jones fødd i Chicago. Den allsidige songarinna var i mange år betre kjend for å vere dama til Tom Waitz enn for eigne prestasjonar, men står seg godt på eiga hand. Jones er i mi platehylle representert med plata The Magazine frå 1984. I 1968 kom den amerikanske skodespelaren Parker Christian Posey til verda i Baltimore. Parker Posey lærte seg å spele mandolin i samband med ei rolle i filmen A Mighty Wind frå 2003, noko The Dandy Warhols sørgja for å utnytte, Posey spelar mandolin på songen I Am Sound frå plata Welcome To The Monkey House frå 2003. I 1970 kom reggeaartisten Diana King til verda i Jamaica. King platedebuterte med Tougher Than Love i 1995, ei plate som også har fått heim hjå meg. I 1971 fekk platekjøparane høve til å sikre seg Led Zeppelin si fjerde studioplate, Led Zeppelin IV. Plata inneheld klassikaren Stairway To Heaven, gruppa sin best kjende song, som utruleg nok aldri vart gjeven ut som singel. I 1980 fekk platekjøparane høve til å hente heim Motörhead si etter kvart udødlege Ace Of Spades plate. I 1986 venta Madness på toget. Singelen Waiting For The Ghost Train stogga på ein åttandeplass på platelistene. Gutane i Toy Dolls nytta dagen til å spele på De Koog i Noordesharwoude. Same dag slepte W.A.S.P. den tredje plata si, Inside The Electric Circus. Etter at Randy Piper forlèt bandet har Blackie Lawless gått over til gitar og bassisten Johnny Rod er på plass. Ein remixa versjon av I Don’t Need No Doctor kan høyrast på samleplata First Blood. Last Cuts frå 1993. I 1989 såg dei frammøtte på Ferrand Maison du People i Clermont Toy Dolls gjere sitt frå scenen. I 1990 var Violent Femmes på vitjing til Australia og spelte live på The Palace i Melbourne. Songen Kiss Of kan høyrast på samleplata Add It Up frå 1993. I 1995 var Ozzy Osbourne sin Retirement Sucks-turne komen til Regent Theatre i Ipswich. Fear Factory varma opp for The Mad Man.

Sjuande november

Sjuande november 1943 vart Roberta Joan Andreson fødd i Fort McLeod i canadiske Alberta. Joni Mitchell var med å setje sitt preg på den nordamerikanske folkrock-scena på sekstitalet og har samarbeida med dei fleste av dei store artistane frå den tida. I mi platehylle finn du Mitchell sine bidrag til musikkhistoria på plata Hejira frå november 1976. I 1963 kom bassisten Petter Taranger til verda i Bodø. Petter Pogo har vore innom ei rekkje punkband i både heimbyen Bodø og i Oslo, men har gjort størst suksess i Jokke & Valentinerne, der han fekk med seg ein spelemannspris for plata Frelst i 1991. I 1964 vart Liam Ó Maonlaí fødd i Irland. Maonlaí var ein av grunnleggjarane av Hothouse Flowers i 1985 og kan hjå meg høyrast på plata Songs From The Rain frå 1993. I 1969 spela Crosby, Stills, Nash & Young inn nydelege Helpless i Wally Heider studios. For dei som ikkje vil investere i Neil Young Greatest Hits er Crosby, Stills, Nash & Young-plata Deja Vu ein grei stad å leite etter denne perla. Same dag gav ein ung og framstormande David Bowie ut plata Space Odity. I 1974 kom Tom Cato Visnes til verda. King ov Hell er best kjend for tida han spelte i Gorgoroth, men hjå meg er det med bandet Sahg han kan høyrast. Plata har fått tittelen III og er bandet si tredje studioplate. Visnes spelte også bass på Audrey Horne si spellemannsvinnande plate No Hay Banda frå 2005. Same dag vart Christer Engen fødd. Engen, som også nyttar scenenamnet Chris Summers kan høyrast både i Turboneger og Euroboys. I 1981 hadde Le-Metro i Sunderland gleda av å presenterer Toy Dolls som den lokale haustunderhaldninga. I 1982 var dette datoen Iron Maiden opna sin fyrste Australia-turné og ti konsertar venta dei ”down under”. I 1986 døyde Tracy Pew, same dag som ein kunne oppleve Toy Dolls i Youth Hall i Den Bosch. I 1987 bydde denne dagen på ein konsert med Toy Dolls i Waginingen Youth Club. I 1988 slepte Iron Maiden singelen The Clairvoyant, som tok seg til sjetteplass på listene. R.E.M. sitt bidrag til platemarknaden fekk tittelen Green. I 1989 var Toy Dolls på scenen og underheldt på Le Transbordeur i den franske mathovudstaden Lyon. I 1997 gav Ulf Lundell ut plata Män Utan Kvinnor.

Sjette november

Sjette november 1941 kom ein av Tex-Mex musikken sine mest markante skapningar til verda i myteomspunne San Antonio i Texas. Douglas Wayne Sahm debuterte som musikar i ein alder av fem år, han spelte i ulike band fram til han starta Sir Douglas Quintett i 1965. SDQ hadde ei rekkje hits og gjorde stor suksess i Skandinavia. Saman med kompisen Freddy Fender og Augie Myers og Flaco Jimenez starta Sahm Texas Tornardos i 1990. Bandet gav ut fire plater og fekk med seg ein Grammy. Både SDQ og TT er representert i mi platehylle. Sahm døyde i 1999. I 1948 vart bassisten John Russel Morgan fødd. Morgan nytta artistnamnet Rushton Moreve då han spelte i legendariske Steppenwolf. Same dag kom George Redburn Young til verda i den einaste skotske storbyen, Glasgow. Seinare utvandra heile Young-familien til Australia og unge George toppa hitlistene verda over saman med resten av The Easybeats med hiten Friday On My Mind. Men kan hende er det som produsent for dei to brørne sine George Young har gjort seg best kjend, han har produsert dei tidlegaste AC/DC-platene, og kan i mi platesamling høyrast medan han spelar bass på Little Lover og She’s Got Balls på den internasjonale versjoen av plata High Voltage. I 1961 kom Craig Goldie til verda. Goldie har vore innom band som Venegance og Rough Cut, men i mi platehylle er det som gitarist på Dio-plata Dream Evil frå 1987 han kan høyrast. I 1964 kom geologiprofessoren og vokalisten i Bad Religion, Gregory Walter Graffin til verda. Greg Graffin er i dag einaste gjenværande originalmedlem av gruppa og kan i mi platehylle høyrast medan han gaular ut si vrede på platene Stranger Than Fiction frå 1994, og No Substance (1998). I 1978 nytta Blondie kvelden til å underhalde i The Walnut Theatre i Philadelphia. I Know But I Don’t Know kan høyrast som bonuskutt på plata Parallel Lines. I 1981 var det punkrock på programmet i Brewers Arm i Durham, underhaldninga var det Toy Dolls som stod for. I 1986 var endeleg Toy Dolls attende på Bolverk i hollandske Sneek. I 1987 hadde Toy Dolls teke turen til Hamburg for å spele på Markthalle. I 1988 var Iron Maiden-singelen Infinite Dreams til sals, det same var videoen Maiden England. I 1990 gav The Pogues ut plata Hells Ditch, og Scorpions slepte plata Crazy World, som var deira ellevte studioplate og byr på den særs plagsame Wind Of Changes. I 1992 platedebuterte Rage Against The Machine med ei sjølvtittelert plate. I 2004 døyde Pete Jolly.

Femte november

Femte november 1931 er dagen Ike Turner kom til verda. Turner var gitaristen som stod for den drivande gode gitarlyden i duoen Ike & Tina Turner på slutten av sekstitalet, men vert gjerne hugsa for å ha brukt nevane til anna enn gitarspel. Turner skal ha banka kona Tina Turner ut av ektesenga og ned i rennesteinen, noko som har gjeve ein glitrande musikar eit slett ettermæle. Ike Turner døyde i 2007. I 1947 vart Peter Blair Denis Bernard Noon fødd. Peter Noon var vokalist og spela rolla som Herman i det engelske tyggegummipopbandet Herman’s Hermits, som produserte ei rekkje hits på sekstitalet. I 1959 kom den kanadiske rockesviskesongaren Bryan Guy Adams til verda i Ontario. Adams har herja listene med bidrag av ulik kvalitet dei siste åra, Waking Up The Neighbours frå 1991, som du finn i mi platehylle, er neppe det beste produktet hans. I 1965 gav The Who ut singelen My Generation, som også var titelen på debutplata som kom ut ein månad seinare. Singelen nådde andreplassen på listene. I 1973 kunne Lynyrd Skynyrd-singelen Gimme Three Steps kjøpast for pengar. I 1974 kom David Ryan Adams til verda i Jacksonville i North Carolina. Ryan Adams er ein utruleg produktiv og kreativ artist som diverre er tynt representert hjå meg. Love Is Hell frå 2004 er einaste bidrag, enn så lenge. I 1980 stod Coach and Eight i Durham som vertskap for Toy Dolls. I 1982 kom Toy Dolls til Central Club i Newbiggen. I 1983 var The Sun And The Rain tema for Madness sitt listebidrag. Publikum var såpass fornøgd at det vart ein femteplass. I 1986 kunne fastbuande og tilreisande i Köln gå på Luxor og sjå Toy Dolls spele. I 1987 spelte Toy Dolls på Batschlapp i Frankfurt. I 1996 gav Johnny Cash ut plata Unchained. Plata var nummer to i serien American Recordings og produsent var framleis Rick Rubin. I 2002 gav Johnny Cash ut plata American IV: The Man Comes Around. Plata resulterte i eit ras av nominasjonar og titlar på utdelingar som Grammy og MTV Awards. Dagen bydde også på plateslepp frå Justin Timberlake, debutplata selde i meir enn sju millionar eksemplar.

Fjerde november

Fjerde november 1928 vart Lawrence Benjamin Bunker fødd i Long Beach. Trommeslagaren Larry Bunker har namn som Gerry Mulligan, Ella Fitzgerald og Billy Holiday på merittlista, men hjå meg er det på plata Best Of Chet Baker Plays trommespelet hans kan høyrast. Larry Bunker døyde i 2005. I 1976 kom Freddy Cricien til verda. Cricien tenar til vanleg til livets opphald som vokalist i det amerikanske punkbandet Madball, og den som stikk innom ein dag eg er i godlune, kan få høyre han skrike lungene sine ut på plata Hold It Down frå 2000. I 1977 var dagen Ramones kom med plata Rocket To Russia. Åstad for innspelinga av meisterverket var Media Sound, New York i august og september same år og produsentar var Tony Bongiovi og T. Erdelyi aka trommeslagar Tommy Ramone. Songane Rockaway Beach, Teenage Lobotomy, Cretin Hop og We’re A Happy Family kan høyrast på plata Ramones Mania. I 1978 spelte Blondie live på The Paradise i Boston. Deira versjon av Marc Bolan sin Bang A Bong (Get It On) kan høyrast som bonuskutt på plata Parallel Lines. I 1980 var The Who i Odessey Studios i London og spelte inn You Better You Bet. Erstattar for trommeslagar Keith Moon var Kenny Jones. I 1981 stod Toy Dolls på scenen i Biddic Farm Centre i Washington. I 1986 fekk gjestane på Zeche oppleve ein konsert Toy Dolls. I 1987 var Toy Dolls i Freiburg for å spele på Cräsh. I 1989 var Toy Dolls og rocka Paris frå scenen i Elysee Montmartre. I 1991 kom My Bloody Valentine si andre studioplate Loveless. I 1992 enda Iron Maiden sin Fear Of The Dark Tour i Yoyogi Olympic Pool i Japan. I 1994 døyde Fred ”Sonic” Smith. I 2002 slepte Badly Drawn Boy plata Have You Fed The Fish?, som inneheld hans einaste topp ti single You Were Right.

Tredje november

Tredje november 1926 kom Billy Mitchell til verda i Kansas City. Billy Mitchell vert rekna som ei av drivkreftene i jazzmiljøet i Detroit under andre verdskrigen. Hjå meg kan Mitchell sin saksofon høyrast på Count Basie si samleplate Atomic Swing. Mitchell døyde i 2001. I 1952 vart Derek Peter Palmer. Del Palmer spelar bass på Kate Bush si plate Lionheart frå 1978. I 1954 vart den amerikanske cellisten Melissa Hasin fødd i Newport Beach i California. Missy Hasin har ei imponerande merittliste som tel både Barbara Streisand, Page & Plant og Nathalie Cole, men i mi platesamling er det på platene Under The Pink, som Tori Amos slepte i 1994, og Tragic Kingdom, som No Doubt gav ut i 1995, ho kan høyrast. I 1960 kom tangentmannen i skotske Deacon Blue til verda. James Prime vart fødd i Kilmarnock og var med å starte bandet i 1985, men forlèt den glade forsamlinga i 1998. I 1963 kom den norske biletkunstnaren May Iren Aasen til verda. Aasen er for massane kjend for å spele trommer for Jokke & Valentinerne og kan i mi platesamling høyrast medan ho held takten på platene III (1990) og Frelst (1991). I 1964 fekk verda høve til å kjøpe Elvis Presley sin versjon av den tyske barnesongen Muss I Den. Wooden Heart var henta frå familiefilmen G.I. Blues, den fyrste filmen der ”Kongen” ikkje spela rolla som rebell, og låg seks veker på topp av dei engelske listene, men fekk ikkje notert listeplassering i USA. I 1980 slepte Neil Young plata Hawks & Doves, der Levon Helm frå The Band slepte til på trommer på eit av spora. I 1981 vitja Toy Dolls Casablanca i Newcastle. I 1982 kom Toy Dolls til Fandangos i Hexham. I 1984 kom Iron Maiden med singelen Aces High. I 1986 kunne ein høyre Toy Dolls frå scenen på Tor III i Düsseldorf. I 1987 var Toy Dolls attende på Theatre Fabrik i München. I 1989 døyde Eddie Davis, same dag Exil i den tidlegare romerske grensebyen Trier var åstad for ein konsert med Toy Dolls. I 1998 kom Alanis Morissette si plate Supposed Former Infatuation Junkie, og same dag vart Bee Gees sin konsert frå MGM Grand i Las Vegas året før tilgjengeleg på CD, produktet fekk namnet One Night Only. Plata vart fyrst slept på den engelske marknaden september same året.

Andre november

Andre november 1928 vart saksofonisten Herb Geller fødd i Los Angeles. Geller kan høyrast medan han spelar for Chet Baker på samleplata Best Of Chet Baker Plays. I 1938 kom den norske kunstnaren Oddvar Torsheim til verda på Herland i Askvoll kommune. Torsheim er betre kjend som målar enn som plateartist, men han har gjeve ut fleire soloplater og har delteke i talentkonkurransar. Mi platehylle byr på plata Tur-Retur Blues, som kom ut på plateselskapet Tylden i 2000. I 1947 vart David Pegg til verda. Dave Pegg har spelt med store folk-rock namn som Fairport Convention, og i mi platehylle kan han høyrast medan han speler med Jethro Tull på studioalbumet Catfish Rising frå 1991 og konsertplata A Little Light Music frå 1992. I 1961 kom Kathryn Dawn Lang til verda i canadiske Alberta. k.d lang har seld millionar av plater og er verdas best kjende lesbiske countryartist. I mi platehylle finn ein plata Watershed frå 2008. I 1976 gav Miles Davis ut plata Water Babies som inneheldt studioinnspelingar han hadde gjort saman med eit elitelag av musikarar på slutten av sekstitalet. Mi nyutgjevne CD-plate inneheld songen Splash, som ikkje var blant dei fem utvalde spora på den originale plata. I 1977 var Neil Young i Woodland Sound Studios i Nashville og spela inn songen Comes A Time som vart utgjeven på plata med same namn. Same dato i 1979 stod Toy Dolls på plakaten i Comrades Club i Horden. Etter den konserten forlèt Pete Zulu bandet for fyrste gong. I 1981 spela Toy Dolls sin konsert nummer hundre og det jubileet vart markert i Legions Park i South Shields, same dag gav Neil Young ut plata Re-Ac-Tor saman med husrockarane i Crazy Horse. I 1986 stod Toy Dolls på scenen i Salle De Faubourg i Genève. I 1989 fekk Luxor i Köln gleda av å høyre og sjå Toy Dolls. I 1991 spela Mano Negra live på Club Chitta i Kawasaki, ein konsert som er foreviga på plata In the Hell of Patchinko som sjølvsagt står trygt plassert i platehylla mi. I 1999 gav Rage Against The Machine ut plata The Battle Of Los Angeles.

Fyrste november

Fyrste november 1960 stilte Elvis Presley stilte Elvis Presley spørsmålet mange ungjenter vona å få. Are You Lonesome Tonight? begeistra platekjøparane nok til at det var seks veker på fyrsteplass i USA, fire i England. I 1962 kom Red Hot Chili Peppers-vokalisten Anthony Kiedis til verda i Grand Rapids i Michigan. I tillegg til Kiedis sitt musikalske innslag, vert han gjerne hugsa for ei rekkje dameaffærar, og i mi platesamling er det forholdet til den aust-tyske punkdronninga Nina Hagen som utmerkjer seg. I 1968 slepte souldronninga Aretha Franklin singelen See Saw. I 1972 gav Slade ut plata Slayed?, som inneheldt mange av dei store hitene dei vert hugsa for i dag. Mama, We’re All Crazy Now nådde fyrsteplassen på dei britiske singellistene, Gudbuy T’Jane kom aldri høgare enn nummer to, men det sikra dei plass i historiebøkene. I 1977 var det andre og siste innspelingsdag for Keith Jarrett si plate My Song. Plata vart spela inn i Talent Studios i Oslo og foruten Jarrett var det berre skandinaviske musikarar i bandet. I 1986 kunne ein høyre Toy Dolls på Meerhaus i den sveitsiske hovudstaden, Bern. I 1987 var Toy Dolls innom Graz for å spele på Haus der Jugend. Same dag gav Black Sabbath ut plata The Eternal Idol, den fyrste plata der vokalist Tony Martin fekk prøve seg som frontmann. I 1988 platedebuterte My Bloody Valentine med Isn’t Anything, som var bandet sitt fyrste studioalbum etter ei rekkje singlar. I 1989 var dette dagen då Cafe Europa i Bielefeld tok i mot Toy Dolls. I 1994 vart det høve til å kjøpe Nirvana sin akustiske MTV-konsert på plate, og hadde ein pengar og lyst stod også The Black Crows si tredje studioplate, Amorica, i platehyllene denne dagen. I 2004 slepte brørne Caleb og Nathan Followill og resten av Kings Of Leon plata Aha Shake Heartbreak i UK og Irland, resten av verda måtte vente nokre månader. Her heime var det plateslepp for Enslaved, deira produkt hadde tittelen Isa.

Trettifyrste oktober

Trettifyrste oktober 1939 kom trommeslagaren John Payne Guerin til verda på Hawaii. John Guerin sitt arbeid kan høyrast på Joan Baez si plate Diamonds And Rust frå 1975. Guerin døyde i 2004. I 1949 vart Robert Layne Siebenberg fødd i Glendale i California. Trommeslagar Bob Siebenberg var lenge det einaste amerikanske innslaget i britiske Supertramp. I 1956 var Chet Baker i studio og spela inn C.T.A., To Mickey’s Memory og Jumpin’ Off A Clef. Alle tre kan høyrast på samleplata Best Of Chet Baker Plays. I 1963 er dagen svensk-grekaren Mickale Delaouglou kom til verda i Göteborg. Folk flest kjenner mannen som Mickey Dee, han er kan hende verdas beste nolevande trommis og, etter ei fortid i meritterte hardrockband som King Diamond og Dokken, spelar han for tida trommer i det som utan tvil er verdas beste hardrockband, Motörhead. I mi platesamling kan Dee sitt trommespel høyrast på platene Kiss Of Death, Motorizer og The Wörld Is Yours. Same dag vart John Martin Maher fødd i Manchester. Johnny Marr var gitarist i eksentriske The Smiths og mi platehylle byr på gitarspelet hans på plata Strangeways, Here We Come. I 1966 vart Adam Keefe Horovitz fødd i New Jersey. Ad-Rock er ein av grunnleggjarane av rap-trioen Beastie Boys. I 1977 var det klart for fyrste innspelingsdag for Keith Jarrett si plate My Song, som kom på marknaden året etter. I 1982 opna Witton Club i Durham dørene for eit jubilerande Toy Dolls, dette var bandet sin hundre-og-femtiande konsert. I 1985 var Toy Dolls komen til Bochum for å spele på Zeche for andre gong dette året. I 1987 var Toy Dolls i Wien for å spele på Fritz. I 1989 var Top Act i Zapfendorf åstad for ein konsert der Toy Dolls framførde musikken sin og Billy Joel nytta dagen til å gje ut si ellevte studioplate, Stormfront. I 2000 slepte Cradle Of Filth si fjerde studioplate, Midian.

Trettiande oktober

Den trettiande oktober 1946 kom Christopher Rees til verda i det kongelause monarkiet Wales. Cris Slade har ei fortid som trommeslagar for Bad Company-sjefen Paul Rogers, men hjå meg kan han høyrast medan han held takten for AC/DC på plata The Razors Edge frå 1990. Denne plata er ei av fleire som er så grom at ho står trygt plassert mine platehyller, både som LP og CD. I 1960 song Elvis Presley inn Surrender med bandet The Jordanaires. Dette var også dagen den same Elvis Aron Presley spela inn Crying In The Chappel, sjølv om det i dette tilfellet gjekk fleire år før songen vart tilgjengeleg for platekjøparane. I 1967 slepte Buffalo Springfield si andre studioplate, Buffalo Springfield Again. I 1977 var dette dagen då Ramones spela det som vart den siste konserten deira på den legendariske punk- og rockeklubben CBGB (eigentleg Country, Bluegras, Blues) i New York. I 1983 var turen komen for Toy Dolls å spele på Jilly’s i Manchester. Same dag kunne texanarar, og andre tilreisande, oppleve AC/DC i Houston. Eit opptak av songen Shoot To Thrill kan nytast på DVD-samlinga Plug Me In. I 1986 kunne ein få høyre Toy Dolls spele i levande live, om ein var tilstades på Razzia i bankbyen Zurich. I 1989 spela Toy Dolls på Live Station i Dortmund, same dag som supergitaristen Joe Satriani slepte plata Flying In A Blue Dream. I 1995 fekk nostalgikarane høve til å kjøpe Bryan Ferry og Roxy Music si samleplate More Than This, medan dei med ein meir moderne musikksmak kunne gå til innkjøp av Pulp si plate Different Class, som kunne by på kjempehiten Common People.

Tjueniande oktober

Tjueniande oktober 1945 kom Michael William Gallacher til verda i Newcastle-upon-Tyne. Mick Gallagher har ei fortid i The Animals og har spela med The Clash, men hjå meg finn du tangentspelet hans på plata Do It Yourself med Ian Dury & The Blockheads. I 1949 vart David Paton fødd i Edinburgh. Paton spelar bass for Kate Bush på plata Lionheart frå 1978. I 1976 spela Elvis Presley inn Way Down heime på Graceland. J.D. Sumner og The Stamps stod for bakgrunnsvokalen. I 1977 fekk dei som hadde klikka seg inn på BBC2 sjå AC/DC opptre på fjernsynsprogrammet Sight & Sound In Concert. Showet var eit opptak frå to dagar tidlegare og kan i dag opplevast på DVD-plata Plug Me In. I 1985 kunne Toy Dolls opplevast på Batschkoff i den europeiske finanshovudstaden Frankfurt. I 1986 var Toy Dolls underhaldninga på Totentanz i Basel. I 1987 spelte Toy Dolls på Opal i Bregenz. I 1989 var Toy Dolls på scenen i Schlacthof i Bremen.

Tjueåttande oktober

Tjueåttande oktober 1934 vart gitaristen Johnny Western fødd i Two Harbour i Minnesota. Western sitt gitarspel kan i mi platesamling høyrast på Johnny Cash-platene Ride This Train og Now There Was A Song, begge frå 1960. I 1957 kom trommeslagaren Stephen Morris til verda. Morris har ei fortid i New Order og Joy Division og kan hjå meg høyrast på sistnemnde si solide samleplate Substance frå 1988. I 1958 vart William Reid fødd i skotske storbyen Glasgow. Reid er den eldste av Reid-brørne, som styrar The Jesus And Mary Chain, og er representert med så mykje som tre titlar i mi samling, Psychocandy (1985), Darklands (1987) og Sound Of Speed (1993). I 1978 var AC/DC på University Of Essex i Colchester. Delar av konserten vart vist på programmet Rock Goes To College på BBC One i november same året. I 1985 spela Toy Dolls sin konsert nummer tre hundre. Det jubileet vart markert på Maxim i Stuttgart. I 1987 var Toy Dolls i Genève for å spele på Salle de Faurbourg. I 1989 spela Toy Dolls i Markthalle i Hamburg. I 1991 gav Mano Negra ut samleplata America Perdida. I 1991 gav Genesis ut si fjortande studioplate, We Can’t Dance, som var bandet si siste plate med trommeslagar/vokalist Phil Collins. I 1999 slepte rockebestemora Tina Turner plata Twenty Four Seven, som var hennar tiande soloplate. I 2003 fekk verda høve til å kjøpe The Strokes si plate Room On Fire.

Tjuesjuande oktober

Tjuesjuande oktober 1933 vart den amerikanske pianisten Floyd Cramer fødd i Louisiana. Cramer sin CV inneheld pianospel for storleikar som Elvis Presley, Patsy Cline og Chet Atkins, men i mi platesamling er det på Johnny Cash sine plater Ride This Train og Now There Was A Song, begge frå 1960, tangentleiken hans kan høyrast. Cramer døyde i 1997. I 1970 kom Adrian Erlandsson til verda i Malmö. Erlandsson sitt trommespel kan hjå meg høyrast på Cradle Of Filth si fjerde studioplate Median. I 1977 fullførde The Who innspelinga av ein ny song, tittelen var New Song. Same dag var AC/DC på scenen i Golder’s Green Hippodrome i London. Dei frammøtte fekk, mellom anna, høyre Hell Ain’t A Bad Place To Be og Rocker, som også kan sjåast på DVD’en Plug Me In. I 1979 var dette dagen Motörhead si plate, Bomber, kom på marknaden. Eg har også ei kjelde, CD-boksen Protect The Innocent, som hevdar dette også var dagen dei same karane slepte den etter kvart legendariske liveplata No Sleep ’Till Hammersmith laus på folk. Diskografien på Motörhead sin eigen nettstad påstår at plata ikkje kom før tjuesjuande juni 1981. I 1979 var også Toy Dolls på scenen i Ryhope Popular Club i Sunderland. I 1986 var Toy Dolls attende og spelte for dei frammøtte i Alabamhalle i München. I 1989 var Toy Dolls innom Kiel og spelte på Max Music Hall. I 1992 slepte George Jones plata Walls Can Fall. I 1998 slepte R.E.M. plata Up.