Trettiande mars

Trettiande mars 1935 kom Karl Hanns Berger til verda i Heidelberg. Musikksosiologen Karl Berger er ein allsidig jazzmusikar og i mi platehylle er han kredittert for strengearrangement på Jeff Buckley si debutplate Grace frå 1994. I 1945 vart Eric Patric Clapton fødd i Surrey. Eric Clapton vert av fleire omtala som sjølvaste gitarguden og har sidan tida i Yarbirds og Cream vore opphav til fleire tusen timar med intest luftgitarspel frå tilhengjarar over heile verda. I mi platehylle finn du konsertplata Unplugged (1992) frå fjernsynskanalen MTV sin akustiske serie. I 1964 kom gitaristen og songskaparen Tracy Chapman til verda i “Home Of Rock’n Roll Hall Of Fame”, Cleveland i Ohio. Chapman slo gjennom med ei sjølvtittelert debutplate i 1988, og det er nettopp denne som prydar mi platehylle. Seinare har Chapman levert fleire sterke album, desse kjem eg vonleg attende til seinare ein gong. I 1967 kom Martin Ivor Kent til verda i Cheltenham. Kent nyttar artistnanmet Ash når han opptrer som medlem av det engelske hardrockbandet Skunk Anansie, og kan i mi platehylle høyrast på plata Stoosh frå 1996. I 1982 bydde dagen på konsert med Toy Dolls, dei hadde teke turen til Derby for å spele på Lonsdale College. I 1987 slepte The Smiths samleplata Louder Than Bombs, som selde til gull i USA. I 1998 gav tyske Modern Talking ut plata som annonserte at dei var Back For Good, diverre.