30.09.2017

Trettiande september

Trettiande september 1907 vart Harry Bluestone fødd i England. Violinisten Bluestone emmigrerte til USA og livnerte seg i hovudsak ved å spele for fjernsynsbransjen. Hjå meg er Bluestone kreditert for å spele violin på Tom Waitz si plate Small Changes frå 1976. Bluestone døydde av tuberkulose i 1992. I 1933 kom Emily Houston til verda i flyplassbyen Newark i New Jersey. Songerinna Cissy Houston har stått i bakgrunnen for artistar som Elvis Presley og Mahalia Jackson. Hjå meg kan ho høyrast med hjelpevokal for Bette Midler på plata Some People’s Lives frå 1990. I 1940 vart den kanadiske trommeslagaren Walter Milton Dwayne Midkiff fødd i Chesterville i Ontario. Dewey Martin er best kjend for å ha tromma for supergruppa Buffalo Springfield og kan i mi platehylle taktfast høyrast på bandet si andre studioplate Buffalo Springfield Again frå 1967. Dewey Martin døydde i 2009. I 1947 kom Mark Feld til verda i olympiabydelen Hackney i London. Marc Bolan var sjølvast symbolet på Glamrock og saman med bandet T. Rex hadde han fleire store hits på eiga hand. Hjå meg kan Bolan høyrast medan han hjelper Electric Light Orchestra med litt gitarspel på samleplata Greatest Hits frå 1979. Bolan døydde i ei trafikkulukke i 1977. I 1952 kom John Lombardo til verda i Jamestown i den amerikanske delstaten New York. Lombardo var ein av grunnleggjarane av 10 000 Maniacs, men forlet bandet etter studioplata The Wishing Chair (1985), som også er hans einaste bidrag til mi samling av knakande god musikk. I 1954 kom songarinna Basia Trzetrezelewska til verda i Jaworzno i Polen. Basia er kjend for samarbeidet med gruppa Matt Bianco og er sjølvsagt på plass i mi platehylle med sofistikert jazzpop av åttitalstype på plata Who’s Side Are You On frå 1984. I 1958 vart John Marty Stuart fødd i Philadelphia i Mississippi. Gitaristen Marty Stuart har lang fartstid i Johnny Cash sitt band og kan i mi platehylle høyrast medan han spelar på studioplatene Unchained frå 1996, American III: Solitary Man (2000), American IV: The Man Comes Around (2002), og American V: A Hundred Highways frå 2006. I 1960 kom William Rieflin til verda i Seattle i delstaten Washington. Trommeslagaren Bill Rieflin har spela med ei rekkje artistar, hjå meg kan han høyrast medan han held takten for Ministry på konsertplata In Case You Didn’t Feel Like Showing Up frå 1990, i tillegg til vår eigen Anne Grete Preus si plate Alfabet frå 2001. I 1977 gav Ian Dury ut plata New Boots And Panties!! Nyutgjevingar av plata inneheld det som på mange måtar er blitt Dury sin kjenningsmelodi, Sex & Drugs & Rock & Roll, men denne er utruleg nok ikkje med på originalskiva. I 1983 spelte Toy Dolls sin konsert nummer to hundre. Dette jubileet vart markert på Top Rank i hamnebyen Brighton på den engelske sørkysten. I 1985 slepte Tom Waits si niande studioplate, Rain Dogs, også dette eit album meritterte Rolling Stone Magazine skal ha plassert trygt inne på lista over dei fem hundre platene gjennom tidene. The Clash nytta dagen til å sleppe singelen This Is England, som klatra til ein tjuefjerdeplass på dei engelske listene. I 1987 var Toy Dolls på Dingwals i London. I 1991 slepte R.E.M. si fyrste Best Of-plate, medan Robbie Robertson slepte si andre soloplate etter tida med The Band, produktet fekk namnet Storyville. Også Simply Red nytta dagen til plateslepp, deira bidrag til musikksoga fekk namnet Stars og var bandet si fjerde studioplate. I 1997 gav Portishead ut sitt andre studioalbum, dette hadde same namnet som bandet. Same dag kom to meir etablerte artistar, Bob Dylan og Patti Smith, med kvar si plate, høves vis Time Out Of Mind og Peace And Noise. I 2003 slepte den tidlegare The Police-sjefen Sting si sjuande studioplate, Sacred Love.

29.09.2017

Tjueniande september

Tjueniande september 1935 vart den grensesprengande rockepianisten Jerry Lee Lewis fødd i Ferryday i Louisiana. Hardtlevande og -slåande Lewis er fetter av den berykta svovelpredikanten Jimmy Swaggart og starta karriera si i grenselandet mellom gospel og country. Fleire ekteskap med uheldig utgang har gjeve Lee Lewis tilnamnet The Killer og han er for mange meir kjend for å ha gifta seg med den tretten år gamle kusina si enn han er for dei stundom ekselente musikalske bidraga sine. Lewis leverar ikkje sitt beste på plata Great Balls Of Fire frå 1989, og diverre er det den einaste av platene hans eg har brukt pengane mine på. I 1946 fekk verda ein ny trommeslagar, då vart Ian Russel Wallace fødd i Bury i England. Ian Wallace spelte med King Crimson tidleg på 1970talet, men kan i mi platesamling høyrast på plata A Bit Of What You Fancy, som Quireboys gav ut i 1990. Wallace døydde i 2007. I 1948 var det jubel hjå familien Farner. Mark Fredrick Farner vart fødd i bilbyen Flint i Michigan. Mark Farner er gitarist, vokalist og komponist i det amerikanske bandet Grand Funk Railroad, som har levert ei lang rekkje storselgjande plater sidan slutten av 1960-talet. Hjå meg kan Farner høyrast medan han herjar på gitaren, og torturerar eigne stemmeband på studioplatene On Time og Grand Funk, begge frå 1969, og begge på Capitol Records. I 1963 kom Leslie Edward Claypool til verda i Richmond i California. Bassisten Les Claypool er kjend for den rå lyden og uortodokse teknikken som er ein vesentleg del av lydbiletet i Primus. Claypool sitt Primus-bidrag til platehylla mi heiter Pork Soda og kom på marknaden i 1993. I mi platesamling kan Claypool også høyrast medan han trakterar bassen for Tom Waits på låten Big In Japan på plata Mule Variations, som kom ut i 1999. I 1965 vart Iain Richard Foxwell Baker fødd i engelske Carshalton. Radioverten Iain Baker kan hjå meg høyrast medan han spelar keyboard for Jesus Jones på plata Doubt frå 1991. I 1967 kom Brett Lewis Anderson til verda i engelske Haywards Heath. Brett Anderson er vokalisten i Suede og kan i mi platehylle høyrast på studioplatene Dog Man Star (1994), Coming Up (1996) og Head Music (1999), i tillegg til samleplata Sci-Fi Lullabies (1997), som inneheld B-sidene av bandet sine singlar frå dei tre fyrste studioplatene.I 1983 kom Macellus Rodrígues-Lopez til verda i Bayamon i Puerto Rico. Multiinstrumentalisten Marcel Rodrígues-Lopez sitt bidrag til mi platehylle kan høyrast som tangentspel på The Mars Volta si plate Bedlam In Goliath frå 2008. I 1985 kunne Toy Dolls opplevast på Bowes Lyon House i Stevenage. I 1987 kunne Red Hot Chili Peppers si tredje soloplate, The Uplift Mofo Party Plan, kjøpast, og, sjølv om eg venta nokre dagar, gjorde eg det, og det har eg så absolutt ikkje angra på. I 1992 slepte Londonbeat plata In The Blood, dette var bandet si andre studioplate. Stone Temple Pilots platedebuterte med Core, og Alice In Chains slepte si andre studioplate Dirt, som etter kvart selde til fire gongar platina i USA og nådde til ein sjetteplass på Billboard si Top 200-liste. I 1995 slepte Rule 62 plata Love & Decline. I 1997 gav The Verve ut plata Urban Hymns. I 2008 platedebuterte Katzenjammer med plata Le Pop. Same dag slepte Enslaved ut si tiande studioplate, Vertebrae, som var miksa av legenda Joe Barresi, kjend for å arbeide med store namn som Tool og Queens Of The Stone Age.

28.09.2017

Tjueåttande september

Tjueåttande september 1947 vart musikaren og forfattaren Gustav Lorentzen fødd i Bergen. Saman med kompisen Øystein Dolmen underheldt Lorentzen fleire generasjonar nordmenn i duoen Knutsen og Ludvigsen som sjølvsagt er på plass i mi platehylle, med den Spelemannprisløna plata Juba Juba frå 1983. Lorentzen er i mi platesamling også kreditert for å syngje bakgrunnsvokal på Trygve Thue si plate Jeg – En Beach Boy (1994), ei plate der Lorentzen også stod for oversetjinga av Beach Boys-tekstar til norsk. Lorentzen døydde brått under trening i 2010. I 1956 kom Elvis Presley med singelen Love Me Tender. Plata låg fem veker på fyrsteplass i USA, men nådde ikkje høgare enn ellevte plass i England. I 1966 kom Kenneth Robert Wilson til verda i Framingham i Massachusetts. Trommisen Ginger Fish spelte for skrekkrockaren Marilyn Manson frå 1995 til 2011 og i mi platehylle finn du arbeidet hans på studioplata Mechanical Animals (1998), og konsertplata The Last Tour On Earth, som kom på marknaden i 1999. I 1974 vart The Who si plate Odds & Sods, som inneheldt uutgjeve materiale og alternative versjonar av kjende låtar, gjeve ut i England. Plata nådde ein sterk tiandeplass på dei engelske listene. I 1987 slepte The Smiths si fjerde og så langt siste studioplate, Strangeways, Here We Come, same dag som Depeche Mode slepte si sjette studioplate, Music For The Masses. I 1991 var AC/DC på scenen på Tushino-flyplassen i den russiske hovudstaden, Moskva. Dei frammøtte fekk høyre Back In Black, Highway To Hell, Whole Lotta Rosie og For Those About To Rock (We Salute You), som alle er å finne på DVD-samlinga Plug Me In. Same dag ebba livet ut for den legendariske jazztrompetisten Miles Davis. I 1998 slepte PJ Harvey plata Is This Desire?, som klatra til ein syttandeplass på dei britiske platelistene, medan The Beta Band slepte sine tre fyrste EPar på samleplata The Three E.P’s. I 1999 kom Creed si andre studioplate, Human Clay, som har selt i millionopplag. I 2004 slepte Brian Wilson plata Brian Wilson Presents Smile, som er ei vidareføring av Beach Boys sitt ufullførde prosjekt frå 1966. I 2012 slepte Muse si sjette studioplate, den fekk tittelen The 2nd Law.

27.09.2017

Tjuesjuande september

Tjuesjuande september 1943 kom Randolph Charles Bachman fødd i kanadiske Winnipeg. Randy Bachman er best kjend som opphav til den eine halvleiken av bandnamnet Bachman-Turner Overdrive og har i mi platehylle fått plass på ei samleplate kalla Best Of BTO, som kom på marknaden fyrste gongen i 1976. I 1947 vart Marvin Lee Aday fødd i cowboy-byen Dallas i skytegale Texas. Meat Loaf er fyrst og fremst kjend for kjempesuksessen med plata Bat Out Of Hell frå 1977. Plata, som var produsert av Todd Rundgren, var i all hovudsak eit samarbeid med komponisten Jim Steinman, som elles har hatt suksess i samarbeid med walisiske Bonnie Tyler. Sjølv om ”kjøttpuddingen” har sine gode dagar, har eg aldri tatt heil av på den pompøse musikken hans noko som gjer at det berre står fire titlar, studioplatene Bat Out Of Hell (1977), Bat Out Of Hell II: Back Into Hell (1993), Bat Out Of Hell III: The Monster Is Loose (2006), samt samleplata Hits Out Of Hell, i hylla. I 1949 kom Jan Teigen til verda i Tønsberg. Eurovisjonsgjengangaren Jahn Teigen har ei fortid i band som Lions Of Judea og Popol Ace. Hjå meg kan Teigen høyrast i samarbeid med Herodes Falsk og Tom Mathiesen på Prima Vera si samleplate Absolute Prima Vera frå 1994. I 1953 kom Gregory Norman Ham til verda i den australske olympiabyen Melbourne. Saksofonisten Greg Ham spelte i Men At Work og er kjend for fløytespelet i superslagaren Down Under. Hjå meg høyrer du Ham på samleplata Contraband: The Best Of Men At Work frå 1996. Ham døydde i 2012. I Kingston på Jamaica vart Robbie Shakespare fødd. Bassisten Shakespare er best kjend for å spele reggea, gjerne saman med Sly Dunbar, i duoen Sly & Robbie. I mi platehylle kan Shakespare høyrast på Peter Tosh si studioplate Wanted Dread Or Alive (1981), samleplata The Best Of Peter Tosh (1999), i tillegg til utvalde spor på Bob Dylan si samleplate The Bootleg Series Vol 1-3 frå 1991. I 1971 kom Cass Browne til verda i London. Trommisen Browne sitt bidrag til mi platehylle heiter Demon Days og vart slept av Gorillaz i 2005. I 1982 spelte Ozzy Osbourne det andre av to show på The Ritz i New York. Brad Gillis (gitar), Rudi Sarzo (bass) og legenda Tommy Aldrige (trommer) stod for musikken. Same dag gav Depeche Mode ut plata A Broken Frame, bandet si andre studioplate. I 1984 kom Avril Ramona Lavigne til verda i Belleville i Ontario. Avril Lavigne er eit vidunderbarn som fekk platekontrakt med Arista allereie som sekstenåring, og ho vart seinare den yngste artisten som toppa platelistene i England. Hjå meg finn du Avril si debutplate Let Go frå 2002. I 1985 spelte Toy Dolls for frammøtte fans på Metro i Rosyth. I 1986 var Toy Dolls på plass i Gateshead Leisure Centre for å spele. Same dag krasja Metallica sin turnébuss utanfor Stockholm, bassist Clif Burton omkom. I 1987 var det Rathole i Tamworth sin tur til å få vitjing av Toy Dolls. I 1994 platedebuterte samfunnsengasjerte Dave Matthews Band med Under The Table And Dreaming. I 2005 slepte dødsbuet etter Ravi Shankar konsertplata The Ravi Shankar Collection – In Concert. I 2010 slepte The Batallion si andre studioplate, Head Up High, som absolutt er verdt ei gjennomhøyring eller fleire for alle som er tilhengjarar av skitten og rufsete rock ’n roll. Same dag var det plateslepp hjå dei lokale metallkonkurrentane Enslaved, deira bidrag fekk namnet Axioma Ethica Odini og var bandet si ellevte studioplate. I 2015 døydde Wilton Felder.

26.09.2017

Tjuesjette september

Tjuesjette september 1945 vart Bryan Ferry fødd i Washington ved Sunderland i England. Ferry var songar i Roxy Music på syttitalet og gjorde stor suksess med det. Hjå meg kan Ferry høyrast på samleplata More Than This – The Best Of Bryan Ferry & Roxy Music frå 1995. I 1954 kom César Rosas til verda i Hermosillo i Mexico. Rosas er sentral i Los Lobos, både som låtskrivar, gitarist og songar, men hjå meg må du nøye deg med å høyre gitarspelet hans på Paul Simon si studioplate Graceland frå 1986. I 1955 vart Rebecca Carlene Smith fødd i country hovudstaden Nashville i Tennessee. Songerinna Carlene Carter er dotter av June Carter Cash og hennar fyrste ektemann, Carl Smith. Carter har sidan skapt seg si eiga karriere som country-songarinne og kan hjå meg høyrast på ei dobbel plate som inneheld dei to studioplatene Two Sides To Every Woman (1979) og Musical Shapes (1980). I 1964 kom John Tempesta til verda i Bronx i New York City. Trommeslagaren John Tempesta kan hjå meg høyrast på The Cult si plate Born Into This frå 2007. I 1967 kom Richard Shannon Hoon til verda i Lafayett i Indiana. Blind Melon-vokalisten Shannon Hoon er hjå meg kreditert for hjelpevokal på begge Use Your Illution-platene som Guns ‘N Roses slepte i 1991. Shannon Hoon døydde av ein overdose kokain i 1995. I 1970 vart Erik Gavriluk fødd i Huntington i delstaten New York. Plateprodusenten Gavriluk er i mi platehylle kreditert for å spele orgel på The Dandy Warhols si plate Thirteen Tales Of Urban Bohemia frå 2000. I 1976 kom Dean Butterworth til verda i engelske Rochdale. Trommisen Butterwort er truleg prega av at fotballaget i byen presterar ganske så usselt og valte å satse på ei karriere i musikken i staden. Hjå meg kan mannen som er best kjend for å halde takten for Morrisey høyrast medan han trommar for John Lee Hooker på utvalde spor på samleplata Best Of Friends frå 1998. AC/DC nytta dagen til å spele på Circus Krone i München. Dei frammøtte fekk mellom anna høyre Baby, Please Don’t Og, som vart sendt på Szene 77 på fjernsynskanalen ARD i januar året etter. I 1980 var Toy Dolls å finne i Labour Club i Peterlee. Denne datoen i 1981 er den dagen Iron Maiden slepte live EP-en Maiden Japan. I 1982 spelte ein Ozzy Osbourne i storform den fyrste av to konsertar på The Ritz i New York. Resultatet enda opp på konsertplata Speak Of The Devil. I 1984 døydde Shelly Manne. I 1985 var Toy Dolls på plass i den skotske oljehovudstaden Aberdeen for å spele på Ritzy. I 1987 hadde Toy Dolls teke turen til Hereford for å spele på Porter House. I 1994 kom R.E.M med plata Monster. I 1995 gav Prince ut plata The Gold Experience. Plata var ikkje signert med artisten sitt namn, men berre eit symbol. I 2003 døydde Robert Palmer.

25.09.2017

Tjuefemte september

Tjuefemte september 1914 vart Anders Valter Persson fødd i Gäddede i nord i svenske Jämtland. Under aliasen Andrew Walter underheldt Persson svenskane med trekkspelet sitt og i mi platehylle kan han høyraste på utvalde spor på samleplata Guldkorn (Samhällskritikern), som dødsbuet etter Cornelis Vreeswijk slepte i 2001. Andrew Walters døydde i 1978. I 1949 kom Steve Mackay til verda i Grand Rapids i Michigan. Saksofonspelande Mackay er best kjend for å spele på The Stooges si plate Fun House og kan i mi platehylle høyrast medan han lagar god musikk på Violent Femmes si studioplate The Blind Leading The Naked frå 1986. Mackay døydde i 2015. I 1955 vart Anna Paola Francia fødd i den italienske universitetsbyen Terni. Songerinna Lalla Francia kan i mi platesamling høyrast medan ho yt vokalhjelp på Fiorella Mannoia si tiande studioplate Belle Speranze frå 1998. I London kom Steven John Baily til verda. Steven Severin har hatt ei suksessrik karriere som bassist i det engelske bandet Siouxsie And The Banshees, som han gav ut elleve studioplater saman med. Hjå meg kan Steven Severin høyrast på plata Tinderbox frå 1986. I italienske Reggio Emilia vart Adelmo Fornaciari fødd. Songaren Zucchero har seld meir enn førti millioner plater på eiga hand, men hjå meg må du nøye deg med å høyre den hese røysta hans på eit spor på Tom Jones si plate Reload frå 1999. I 1957 kom Donald Gene Fleming til verda i Valdosta i Georgia. Don Fleming si karriere starta i ulike alternativband tidleg på åttitalet, han har mellom anna spelt med Afghan Wigs-sjefen Greg Dulli, men han er nok like kjend for arbeidet han har gjort som produsent. Hjå meg kan Fleming høyrast medan han syng bakgrunnvokal nokre av spora på Sonic Youth si plate Goo frå 1990. I 1967 kom Ashwin Sood til verda i engelske Birmingham. Den kanadiske perkusjonisten Ash Sood har vore gift med Sarah McLachlan og mange av hans musikalske merittar er knytt til hennar røyst. I mi platehylle kan Sood høyrast medan han held takten for Rufus Wainwright på plata Rufus Wainwright frå 1998. I 1968 kom skodespelaren Will Smith til verda i Philadelphia i Pennsylvania. Solbrillefine Smith gjev ut plater på sida av all filminnspelinga og kan i mi platehylle høyrast på plata Willennium, som ikkje akkurat er mitt stoltaste kjøp. I 1970 vart Michael Melchiondo Jr. fødd i New Hope i Pennsylvania. Gitaristen Dean Ween kan i mi platehylle høyrast medan han spelar som gjestemusikar på Queens Of The Stone Age si plate Songs For The Deaf frå 2002. I 1980 døydde John Bonham, og Toy Dolls heldt konsert på Norseman Hotel i Peterlee. I 1985 kunne Toy Dolls opplevast på La Sorbonne i den skotske hovudstaden Edinburgh. I 1998 slepte PJ Harvey plata Is This Desire?, dette var hennar fjerde studioplate. I 2001 slepte Ryan Adams si andre studioplate Gold. I 2007 slepte Queen Latifah si sjette studioplate, Trav’lin’ Light.

24.09.2017

Tjuefjerde september

Tjuefjerde september 1928 kom Anders Burman til verda i Sverige. Skodespelaren, plateprodusenten og trommeslagaren Burman var ein av grunnleggjarane av plateselskapet Metronome og kan i mi platehylle høyrast medan han held takten på utvalde spor på Cornelis Vreeswijk si samleplate Guldkorn Från Master Cees Memoarer frå 1996. Burman døydde i 2013. I 1938 kom Steven Douglas Kreismann til verda i Hollywood i California. Saksofonisten Steve Douglas har ei omfattande karriere som også inkluderar produksjon av andre artistar sine album, noko som har sikra at han er trygt plassert i Rock’n Roll Hall Of Fame, riktig nok posthumt. Hjå meg kan Steve Douglas høyrast med lekre saksofontrillar på The Beach Boys si tjuande studioplate, 15 Big Ones frå 1976 og på Bob Dylan si tjuuefyste studioplate, Shot Of Love frå 1981. Steve Douglas døydde i 1993. I 1941 vart Linda Louise Eastman fødd i New York City. Linda McCartney gifta seg med Paul McCartney i 1969 og markert seg som vegetaraktivist og kokebokforfattar, i tillegg til den musikalske karrieren saman med ektemannen. I mi platesamling kan Linda McCartney høyrast på plata Flaming Pie, som er kreditert Paul McCartney og kom på marknaden i 1997. McCartney er også kreditert for vokalhjelp på Carly Simon si samleplate The Best Of Carly Simon frå 1975. Linda McCartney døydde etter lang kamp mot kreften i 1998. I 1946 vart Jerry Donahue fødd i New York City. Folkrock-gitaristen Donahue har ei fortid i mellom anna Fairport Convention. Hjå meg kan arbeidet hans høyrast på Joan Armatrading si sjølvtitulerte tredjeplate frå 1976. I 1954 kom Gabriele Melotti til verda i italienske Bologna. Trommeslagaren Lele Melotti sitt bidrag til mi platehylle kan høyrast på Fiorella Mannoia si plate Belle Speranze frå 1998. I 1956 kom Stan Soble til verda. Gitaristen Stan Lee er ein av grunnleggjarane av The Dickies og hjå meg kan han høyrast på plata All This And Puppet Stew frå 2001. I 1957 vart Ted Howarth fødd. Gitaristen Howarth er i mi platehylle kreditert for å synge hjelpevokal på Ted Nugent si plate Penetrator frå 1984. Dagen bydde også på plateslepp, og det var tittelsporet frå Elvis Presley sin tredje langspelfilm som vart tilgjengeleg på vinyl. Jailhouse Rock var nummer ein på platelistene i sju veker i USA, men platekjøparane i England meinte tre veker på toppen fekk vere nok. I 1971 kom Peter Anthony Salisbury til verda i engelske Bath. Trommeslagar Peter Salisbury var ein av grunnleggarane av The Verve og kan hjå meg høyrast på plata Urban Hymns frå 1997. I 1972 vart Jesse Hughes fødd i Greenville i South Carolina. Hughes er til dagleg frontmann i bandet Eagles Of Death Metal, men i mi platehylle kan han høyrast medan han spelar fløyte på Queens Of The Stone Age si fjerde studioplate, Lullabies To Paralyze frå 2005. I 1977 vert denne datoen hugsa for at den sjølvtitulerte Motörhead-debuten kom på marknaden. I 1984 slepte Depeche Mode si fjerde studioplate, Some Great Reward. I 1985 spelte Toy Dolls på Shelleys i pottemakarbyen Stoke. I 1987 kunne Toy Dolls opplevast på Mardi Gras i Nottingham. I 1990 gav AC/DC ut plata The Razors Edge. Plata, som er produsert av Bruce Fairbairne og som eg eig både CD og LP versjon av, er den einaste av gruppa sine innspelingar der ein får høyre trommeslagaren Cris Slade. Same dag slepte Megadeth si fjerde studioplate Rust In Peace. I 1991 kom meksikanske Maldita Vecindad Y Los Hijos Del Quinto Patio med si andre studioplate, El Circo, Nirvana gav også ut si andre plate, Nevermind, noko som resulterte at det tidlegare undergrunnsfenomenet grunge brått var over alt og verda vart aldri den same. Same dag kom eit, kan hende, like stort kommersielt gjennombrott, Red Hot Chili Peppers si fyrste plate i samarbeid med den eksentriske amerikanske superprodusenten Rick Rubin. Blood Sugar Sex Magic selde i meir enn tretten millionar kopiar og produserte ei nesten endelaus rekkje av hit-singlar. Ein annan kar som herja hitlistene var Bryan Adams, som nytta dagen til å sleppe plata Waking Up The Neighbours. Like stor merksemd vart det neppe rundt Staus Quo si tjuande studioplate, Rock ’Til You Drop, som også kom på marknaden denne dagen, men dei som har denne plata kan høyre dei syngje Nothing Comes Easy, noko som lemnar liten tvil om at dei to herrane Parfit og Rossi har jobba hardt for å kome der dei er i dag. I 1996 slepte Weezer si andre studioplate, Pinkerton. Og Rosa Mota slepte deira andre studioplate, denne fekk tittelen Bionic. I 2002 slepte Elvis Presley sitt dødsbu plata Elvis Presley 30 #1 Hits. I 2007 kom PJ Harvey si sjuande studioplate på marknaden. White Chalk fekk stort sett strålande omtale i musikkpressa. I 2008 døydde Cherry Smith.

23.09.2017

Tjuetredje september

Tjuetredje september 1926 kom saksofonisten John William Coltrane til verda i Hamlet i North Carolina. Eg er den lukkelege eigaren av platene Olé Coltrande frå 1962 og Cresent frå 1964, sistnemnde utgjeve under signaturen John Coltrane Quartet. Coltrane kan også høyrast på Miles Davis si plate Kind Of Blue frå 1959, og medan han spelar saksofonsolo på plata Someday My Prince Will Come, som same artist gav ut i 1961. Coltrane døydde i 1967. I 1928 vart Frank Foster fødd i Cincinatti i Ohio. Foster sitt saksofonspel var ofte å høyre i Count Basie sitt band og kan hjå meg høyrast på samleplata Atomic Swing frå 1999. Foster døydde i 2011. I 1947 vart Neal Smith fødd i Akron i Ohio. Smith var i gamle dager trommeslagar i Alice Cooper Group og hjå meg høyrer du han i taktfast driv på platene School’s Out, som kom på marknaden i 1972, og på Billon Dollar Babies frå 1973, samt på den obskure og høgst uoffisielle konsertplata Nobody Likes Me, som skal vere frå ein konsert Alice Cooper Group heldt i Toronto i 1969, og sjølvsagt samleplata The Beast Of Alice Cooper. I 1959 kom Martin George Page til verda i den engelske hamnebyen Southampton. Bassisten Martin Page er best kjend som studiomusikar og kan mi platehylle høyrast på Robbie Robertson si andre soloplate Storyville frå 1991. I 1961 kom bassisten Anders Jørgen Grønneberg til verda i Fredrikstad. Anders Grønneberg sine karrierehøgdepunkt er å høyre for bandet CC Cowboys, og hjå meg er høgdepunkta samla på samleplata Ekko CC Cowboys Beste. I 1964 vart Ivar Christian Eidem fødd. Ivar Eidem kan hjå meg høyrast medan han spelar keyboard på to dei to studioplatene, Flowerground (1989) og Itchy Bitchy (1990), som Matchstik Sun slepte i si karriere. I 1968 kom Cato Bekkevold til verda i Oslo. Sportsfiskaren Bekkevold livnærer seg som trommeslagar i Enslaved og kan hjå meg høyrast medan han held takten på studioplatene Vertebrae (2008) og Axioma Ethica Odini (2010). I 1972 vart Christopher Higgins fødd ein stad i USA. Musikaren kjend som X-13 var ein del av The Offspring i tida frå 1994-2005 og kan i mi platehylle høyrast på studioplatene Americana (1998), Conspiracy Of One (2000) og Splinter frå 2003. I 1974 døydde Robbie McIntosh. I 1977 slepte The Clash singelen Complete Control, som nådde ein tjueåttandeplass på dei engelske singellistene. I 1983 spelte Jimmie Ray Vaughan And Double Trouble på ein stad kalla The Pallace i Hollywood. Songane Testify, Mary Had A Little Lamb og Wham frå denne konseren har fått plass som bonus spor på kompaktplate versjonen av Texas Flood. På Durham University spelte Toy Dolls i levande live. I 1985 gjorde 10 000 Maniacs sin debut på eit av dei store plateselskapa. Det var Electra som slepte den kritiskarroste The Wishing Chair. I 1991 slepte Primal Scream plata Screamadelica. Dette var bandet si tredje studioplate. Og The Pixies slepte kritikarroste Trompe Le Monde, som var bandet si fjerde studioplat. I 2003 slepte Dwight Yoakam plata In Others Words, som var ei samleplate med Yoakam sine tolkingar av andre artistar sine songar.

22.09.2017

Tjueandre september

Tjueandre september 1952 kom Gary Frederic Holton til verda i London. Songaren Gary Holton slo gjennom med Heavy Metal Kids tidleg på syttitalet, men her heime er han best kjend for samarbeidet med Casino Steel, som resulterte i omgrepet Riggrock, etter ei saftig skrøne om at dei to rockarane skal ha møttes om bord på ein oljerigg i Nordsjøen. Hjå meg kan du høyre Holton på dei to fyrste platene frå samarbeidet med Steel, Gary Holton & Casino Steel (1981) og Part II. Holton døydde av ein overdose av alt som er meir enn godt i 1985. I 1956 vart bassisten Doug Wimbish fødd i Hartford i Connecticut. Bassisten Wimbish spelar til dagleg i Living Colour, og har i tillegg spelt med store artistar som George Clinton, Madonna og Depeche Mode. I mi platesamling kan Wimbish høyrast medan han spelar på Living Colour-plata Stain, i tillegg til Mick Jagger si plate Wandering Spirit, begge frå 1993. I 1957 var dette dagen Nickolas Edward Cave kom til verda i Warracknabeal (ja, eg har sjekka stavemåten fleire gonger) i den australske delstaten Victoria. Cave starta sitt musikalske eventyr i bandet The Boys Next Door/The Birthday Party heime i Australia, og har sidan prega punk- og alternativscena verda over. I tillegg til eiga solokarriere, er Cave i dag kjend for samarbeidet med banda The Bad Seeds og Grinderman. For tida er eg den lukkelege eigaren av platene Junkyard, med The Birthday Party, og soloplatene From Here To Eternity og The Boatman’s Call, men eg er meir enn overmoden for å utvide denne delen av samlinga mi. I 1958 vart Joan Marie Larkin fødd i Wynnewood i Philadelphia i Pennyslvania. Joan Jett har ei fortid som gitarist i jentebandet The Runaways der ho, mellom anna, spelte saman med supergitaristen Lita Ford. Joan Jett har til vanleg hjelp av bandet The Blackhearts og er i mi platehylle representert med slagaren I Love Rock’n Roll, som toppa Billboardlista i 1982 og er henta frå ei plate med same namn. I 1969 kom Matthew Kelly Sharp til verda i Thailand sin eksotiske hovudstad Bangkok. Bassisten Matt Sharp var ein av grunnleggarane av Weezer, og kan hjå meg høyrast på bandet si debutplate Weezer (The Blue Album) frå 1994, og den vanskelege andreplata Pinkerton frå 1996. Sharp slo opp med Weezer i 1998 for å spele ofre seg for sitt eige band The Rentals, men har med ujamne mellomrom opptrådd saman med moderbandet. I 1970 vart Yanul David Hernandez-Campos LaBastida Barreras fødd i Guadalajara i Mexico. Gitaristen Dave Hernandez har spela med The Shins i to periodar og kan i mi platehylle høyrast på bandet si andre studioplate Chutes Too Narrow frå 2003. I 1978 slepte Ramones plata Road To Ruin. Plata var spela inn i perioden mai/juni same år i Media Sound i heimbyen New York City og produsentar var T. Erdilyi og Ed Stasium. Songane I Just Wanna Have Something To Do, I Wanna Be Sedated og Needles And Pins kan i tillegg høyrast på samleplata Ramones Mania. I 1983 kunne Toy Dolls høyrast på 100 Club i London. I 1987 spelte Toy Dolls i Piece Hall i Halifax. I 1991 residerte Neil Young hjå Redwood Digital i Woodside i California. Resultatet frå denne seansen vart songen Harvest Moon frå plata med same namn og songen kan i tillegg høyrast på plata Greatest Hits frå 1998. I 1992 slepte Bel Canto plata Shimering Warm And Bright. I 2003 slepte Rufus Wainwright si tredje studioplate, Want One.

21.09.2017

Tjuefyrste september

Tjuefyrste september 1933, det var ein torsdag, var Blind Willie McTell og Curley Weaver i studio i New York City og spela inn B&O Blues No 2 #1, B&O Blues No. 2 #2, Weary Hearted Blues, Bell St. Lightnin’, Southern Can Mama, Runnin’ Me Crazy & East St. Louis Blues (Fare You Well). Alle songane finn du på den doble samleplata The Definitive Blind Wilie McTell som Columbia/Legacy slepte i 1994. 1934 vart den kanadiske Leonard Norman Cohen fødd i den kanadiske olympiabyen Montreal. Poeten Leonard Cohen har spela inn meir enn to tusen songar gjennom ei karriere som strekk seg over seks tiår, og ti av desse songane kan du høyre på plata Ten New Songs, som var Cohen sitt bidrag til populærkulturen i 2001, og som står på ein av dei mange heidersplassane i mi platehylle. Cohen døydde i 2016. I 1943 kom David Hood til verda i Sheffield i Alabama. Bassisten Hood kan hjå meg høyrast medan han spelar for Bob Seger på plata Beautiful Loser frå 1975. I 1947 vart Donald William Felder fødd i Gainsville i pensjoniststaten Florida. Don Felder er best kjend for glitrande sologitarspel i Eagles i to periodar, men hjå meg er det på utvalde spor på Bob Seger And The Silver Bullet Band sine studioplater Stranger In Town (1978) og The Distance (1982) gitarspelet hans kan høyrast. I 1952 kom David Gregory til verda i engelske Swindon. Dave Gregory er best kjend for å ha spelt gitar i det engelske New Wave-bandet XTC. Mi platesamling byr på Gregory sitt gitarspel på plata Black Sea frå 1980. I 1954 vart den dyriske trommeslagaren Philty Animal Taylor fødd som Phil Taylor i byen sigarettmerket Chesterfield truleg har namnet sitt frå. Philty spelte trommer på dei mest kjende Motörheadplatene, men fekk diverre sparken frå bandet i 1992, etter å ha delteke på ti studioplater og den mest legendariske konsertplata av dei alle No Sleep ‘till Hammersmith. Taylor døydde i 2011. I 1962 kom Michael Algar til verda i engelske Marsden. Gitaristen og vokalisten, som er kjend under artistnamnet Olga, er leiar av, og einaste gjenværande originalmedlem i punkbandet Toy Dolls, som alltid har vore eit kuriøst innslag i mi assorterte platesamling. Hjå meg kan Olga høyrast på studioplatene Dig That Groove Baby, A Far Out Disc, Bare Faced Cheek (1987), Fat Bobs Feet og Absurd Ditties, i tillegg til konsertplata Twenty Two Tunes Live From Tokyo og samlplata Ten Years Of Toys. I 1970 vart Tyler Joseph Stewart fødd i kanadiske Toronto. Trommisen Tyler Stewart spelar til dagleg i Barenaked Ladies og kan i mi platehylle høyrast medan bandet hjelp Tom Jones med eit spor på hans studioplate Reload frå 1999. I 1972 kom Oasis-vokalisten og Manchester City-tilhengjaren William John Paul Gallagher til verda i engelske Manchester. Den humøsjuke jet-setaren Liam Gallagher var tidlegare fast innslag i skandalepressa, i dag er han fast innslag i platesamlinga mi med plater som Definitely Maybe (1994), (What’s The Story) Morning Glory (1995), Be Here Now (1997), Unplugged, og konsertplata Familiar To Millions frå 2000. Gallagher er også kreditert for bakgrunnsvokal på tre av spora på The Verve si tredje studioplate Urban Hymns frå 1997. I San Leandro i California vart David Randall Silveria fødd. Trommisen David Silveria var med å starte Korn i 1993, men sa takk for seg i bandet i 2006. Hjå meg kan Silveria høyrast med taktfaste bidrag på samleplata Proud frå 2000. I 1976 vart Jonas Bjerre Terkelsbøl fødd i København. Jonas Bjerre er vokalist og gitarist i det danske indiebandet Mew, og i mi platehylle kan han høyrast på plata And The Glass Handed Kites frå 2005. I 1982 slepte Dolly Parton samleplata Dolly Parton’s Greatest Hits. I 1985 nytta alltid like elleville Toy Dolls høve til å spele på Klub Foot i London. I 1987 døydde Jaco Pastorius. I 1990 gav Bette Midler ut plata Some People’s Lives. I 1992 slepte Abba samleplata Gold-Greatest Hits, som inneheld nitten av dei største hitsene frå den svenske superkvartetten. I 1993 gav Melissa Etheridge ut plata Yes, I Am og det langt meir hardtrockande Seattle-bandet Hater platedebuterte med ei skive med same namn som bandet. I 1999 kom Tori Amos si femte studioplate, To Venus And Back, som var ein dobbel CD. I 2006 døydde Boz Burrell.

20.09.2017

Tjuande september

Tjuande september 1938 vart Eric J. Gale fødd i New York-bydelen Brooklyn. Gitaristen Eric Gale er eigentleg utdanna kjemikar, men slo seg etter kvart opp som jazz-musikar. Hjå meg kan Gale sitt gitarspel høyrast på samleplatene The Bang Masters (Van Morrison, 1991) og The Greatest Hits (Nina Simone, 2003). Gale døydde av lungekreft i 1994. I 1946 kom Michael Oldroy til verda i Dovercourt i Essex. Gitaristen Mick Rogers er mangeårig medlem av Manfred Mann’s Earth Band og kan hjå meg høyrast på utvalde spor på samleplata The Best Of Manfred Mann’s Earth Band frå 1999. I 1954 vart Antti Juhani Seppälä fødd i finske Lavia. Bassisten ndeppälä spelte i Leningrad Cowboys frå 1989 til 2000 og hjå meg kan han høyrast på studioplatene We Cum From Brooklyn (1992), Happy Together (1994) og Go Space frå 1996, i tillegg til filmmusikken til Leningrad Cowboys Go America frå 1989 og konsertplata Live In Provinzz, som kom på marknaden i 1993. I 1960 kom David Robert Hemingway til verda i den engelske hamnebyen Kingston upon Hull. Songaren Dave Hemingway har ei fortid i bandet The Housemartins, men hjå meg kan han høyrast medan han syng på bandet The Beautiful South sine plater Welcome To The Beautiful South (1989) og Painting It Red frå 2000. I 1966 vart gitaristen Kjetil Melkersen fødd i Bergen. Melkersen kan høyrast som gitarist i bandet CC Cowboys på samleplata Ekko CC Cowboys beste frå 1998. I 1967 kom tvillingane Gunnar Eric og Matthew Gray Nelson til verda i Santa Monica i California. Tvillingane er søner av det tidlegare tenåringsidolet Ricky Nelson og har seld plater i bøtter og spann under namnet The Nelsons. Hjå meg kan The Nelsons høyrast med hjelpevokal på Meat Loaf si plate Bat Out Of Hell II: Back Into Hell frå 1993. I 1968 kom Hunter Benedickt Shepherd til verda i Okinawa i Japan. Soundgarden-bassist Ben Shepherd kan hjå meg høyrast på studioplatene Badmotorfinger (1991) og Superunknown (1994), i tillegg som vokalist for bandet Hater på deira sjølvtitulerte debutplate frå 1993. I 1976 gav AC/DC ut plata Dirty Deeds Done Dirt Cheap, men berre for det australske markedet denne gongen. Resten av verda fekk sitt desember same året, men på den internasjonale versjonen er diverre songen Jailbreak fjerna. I 1986 var St.Albans City Hall rett stad for dei som ville høyre musikken Toy Dolls hadde å by på denne kvelden. I 1988 slepte Billy Bragg plata Workers Playtime. I 1994 vart Grant Lee Buffalo si andre studioplate, Mighty Joe Moon, tilgjengeleg for det platekjøpande publikummet. I 2000 slepte Madonna plata Music, som var den allsidige dama si åttande studioplate.

19.09.2017

Nittande september

Nittande september 1933, det var ein tysdag, var Blind Willie McTell og partnaren Curly Weaver i studio i New York City og spela inn songane Love Makin’ Mama #1, Love Makin’ Mama #2, Death room Blues #1, Death Room Blues #2, Death Cell Blues, Lord Send Me An Angel #1 og Lord Send Me An Angel #2. Alle songane finn du på den doble samleplata The Definitive Blind Wilie McTell som Columbia/Legacy slepte i 1994. I 1941 kom Ellen Naomi Cohen til verda i Baltimore i Marryland. Songerinna Cass Elliot, også kjend som Mama Cass, var ein av grunnleggjarane av The Mamas & The Papas. Hjå meg kan Mama Cass høyrast på plata The Papas & The Mamas frå 1968. Elliot døydde i 1974. I 1942 vart Ray Cooper fødd i engelske Watford. Trommeslagaren Cooper sine bidrag til mi platehylle kan høyrast medan han held takten for Rod Stewart på plata Smiler (1974), Carly Simon på samleplata The Best Of Carly Simon (1975), og for Eric Clapton på den akustiske konsertplata Unplugged frå 1992. I 1946 fekk verda nok ein trommeslagar, for då vart John Coghlan vart fødd i Dulwich i London. Coglan heldt takten for Status Quo frå tidleg på sekstitalet og fram til 1981. Coghlan var også med då Quo-kollega Allan Lancaster starta The Bombers, men gav seg i god tid før dei starta innspelinga plata Aim High, som er The Bombers sitt bidrag til mi platesamling. Hjå meg kan Coglan høyrast på Status Quo sine samleplater 12 Gold Bars (1980) og 12 Gold Bars II (1984). I 1947 kom Laurence Neil Crem til verda. Lol Crem er best kjend som gitarist i det engelske bandet 10cc. I 1951 vart produsenten Daniel Lanois fødd i Hull i canadiske Quebec. Lanois har bidrege på ei rekkje plateproduksjonar og kan hjå meg høyrast medan han spelar gitar på Bob Dylan si plate Time Out Of Mind frå 1997. I 1952 kom gitaristen Nile Gregory Rodgers til verda i New York City. Den mykje nytta studiomusikaren Nile Rodgers kan i mi platehylle høyrast medan han spelar gitar på The B52s si studioplate Cosmic Thing frå 1989, på utvalde spor på samleplata More Than This This – The Best Of Bryan Ferry And Roxy Music, som Bryan Ferry og kompisane i Roxy Music slepte i 1995, i tillegg til låta I’m A Scientist på The Dandy Warhols si studioplate Welcome To The Monkeyhouse frå 2003. I 1957 vart Rusty Egan fødd i London. Trommeslagaren Egan har ei fortid i The Rich Kids, hjå meg høyrer du han på utvalde spor på Phil Lynott si plate The Phillip Lynott Album frå 1982. I 1958 vart Carmelita Rossanna Ford fødd i London. Runawaysgitaristen Lita Ford, som saman med Joan Jett er dei einaste av Runawaysmedlemmene som har hatt ei karriere etter at bandet vart oppløyst, vert rekna som ei av verdas beste kvinnelege hardrockgitaristar og kan i mi platesamling høyrast på songen Sunset And Babylon frå W.A.S.P si samleplate First Blood. Last Cuts frå 1993. I 1963 kom Jarvis Branson Cocker til verda i den engelske stålbyen Sheffield. Jarvis Cocker var frontmann i det klassemedvitne britpop-bandet Pulp og kan hjå meg høyrast på plata Different Class frå 1995. I 1971 kom Paul Winter-Heart til verda i Hammersmith i London. Trommeslagaren Paul Winterheart spelar til dagleg i Kula Shaker og kan hjå meg høyrast på plata Peasants, Pigs & Astronauts frå 1999. I 1976 kom Jannicke Larsen til verda. Larsen er vokalist og pianist i den bergenske jentevisepoptrioen Ephemera og kan hjå meg høyrast på platene Glue (1996) og Air (2003). I 1985 kunne Toy Dolls høyrast medan dei rocka amerikansk-inspirerte Stars and Stripes i Carlisle. I 1986 kunne dei same Toy Dolls opplevast i Bridgewater Art Centre. I 1988 gav Anthrax ut plata State Of Euphoria same dag som Janet Jackson slepte si fjerde plate, Janet Jackson’s Rhythm Nation 1814, som skulle toppe albumlista Billboard 200 og har seld i meir enn fjorten millionar eksemplar. I 1990 innleia Iron Maiden UK Inter City Express Tour. Togturen vara til attande oktober. I 1995 slepte Dreat Theater plata A Change Of Season, dette er ein EP med mykje konsertopptak med spanandes versjonar av andre sine låtar. I 2000 gav Madonna ut plata Music. I 2004 gav det sjarmerande og utruleg energiske bandet Trick-Babys, med vokalist Lynne Von i spissen, ut plata Player som stadig vekk vert plukka fram frå mi platehylle for ei god lyttaroppleving. I 2005 kunne ein kjøpe danske Mew si fjerde studioplate And The Glass Handed Kites. I 2008 døydde Earl Palmer.

18.09.2017

Attande september

Attande september 1933, det var ein mondag, var Blind Willie McTell og partnaren Curly Weaver i studio i New York City og spela inn You Was Born To Die, Lord Have Mercy If You Please og Don’t You See How The World Made A Change. Effektive McTell spela I tillegg inn Savannah Mama, Broke Down Engine, Broke Down Engine No. 2 og My Baby’s Gone på eiga hand. Alle songane finn du på den doble samleplata The Definitive Blind Wilie McTell som Columbia/Legacy slepte i 1994. I 1951 vart Douglas Glenn Colvin fødd i Fort Lee i Virginia. Bassisten Dee Dee Ramone var ein uvurderlig del av punkbandet Ramones, både som bandet sin primære låtskrivar, og som songar, i tillegg til hovudoppgåva som bassist. Hjå meg kan Dee Dee Ramone sitt basspel høyrast på studioplatene Leave Home (1977), End Of The Century (1980) og Pleasant Dreams (1981), og samleplata Ramones Mania (1988). Dee Dee Ramone døydde av ein overdose heroin i 2002. I 1953 kom Carl Eugene Jackson til verda i Louisville i Kentucky. Songaren Carl Jackson lev greitt innom country- og bluegrassjangeren. I mi platehylle kan Jackson høyrast på utvalde spor på Dwight Yoakom si samleplate In Others Words frå 2003. I 1962 kom Anthony Harnell til verda i San Diego i California. Tony Harnell har ei fortid som songar i TNT og kan i mi platehylle høyrast på bandet si sjuande studioplate, Transistor, frå 1999. I 1966 kunne platekjøparane gå i butikken og sikre seg singelen Magic Bus frå eit ungt og framoverstormande The Who. Songen, som heilt klart er ein av mine personlege favorittar, vart spela inn i IBC Studios i London med Kit Lambert som produsent og nådde berre ein skuffande tjuesjetteplass på listene. I 1970 døydde supergitaristen Jimi Hendrix i London og verda vart aldri meir den same for dei av oss som elskar god og støyande gitarrock, eller kan hende er det sagnet om gitaristen som har vekse seg så stort at det overskuggar mannen sjølv. Det får me aldri vete, men tanken på ein overvektig Hendrix på scenen i eit kasino i Las Vegas gjer at det hender eg tenkjer dette var ei god dag alt i alt. I 1978 gav Kiss ut dei fire soloplatene, ei for kvar av bandmedlemmene, som skulle vere med å tøyle dei store egoa som bandet inneheldt. Alle kan sjølvsagt tenkjer seg at dette var ei umogleg oppgåve, men bandet held framleis saman, med dei to aller største egoa på plass. I 1982 spelte Toy Dolls i Whicham Club i Newcastle upon Tyne. I 1985 kunne Toy Dolls høyrast frå scenen i Adam and Eve i Leeds. I 1986 var Toy Dolls på plass for å spele på Tiffanys i Rochdale. I 1987 gav Kiss ut plata Crazy Nights, bandet si fjortande studioplate, som etter kvart selde til platina i USA etter meir enn ein million selde eksemplar.

17.09.2017

Syttande september

Syttande september 1926 kom William Patton Black jr til verda i Memphis i Tennessee. Gitaristen Bill Black vert rekna som ein av pionerane innom rockabilly og kan i mi platehylle høyrast på utvalde spor på samleplata 30 #1 Hits, som dødsbuet etter Elvis Presley slepte i 2002. Black døydde i 1965. I 1951 vart Will Gregory fødd i engelske Bristol. Allsidige Gregory kan hjå meg høyarst medan han spelar obo for Tori Amos på studioplata Little Earthquakes frå 1992. I 1961 kom Anders Herrlin til verda i svenske Halmstad. Bassisten Herrlin er kjend for å spele i Gyllene Tider, men har også to verdsturnéar med Roxette på CVen. Hjå meg kan Herrlin sitt basspel høyart på Roxette si studioplate Joyride frå 1991. I 1969 kom Keith Flint til verda i London. Flint var eigentleg dansar for The Prodigy, men er etter kvart forfremma til songar. Hjå meg kan Flint høyrast på plata The Fat Of The Land frå 1997. I 1979 slepte Judas Priest si fyrste konsertplate, Unlashed In The East, som vart spela inn under to konsertar i Tokyo på turnéen i Japan i februar same året. I 1982 slepte Phil Lynott soloplata The Phillip Lynott Album. The Clash slepte singelen Should I Stay Or Should I Go, som nådde syttandeplassen på dei britiske listene. Singelen vart relansert i 1991, denne gongen med topplassering som resultat. I 1987 var Toy Dolls i Portsmouth for å underhalde dei frammøtte på Basins. I 1991 gav Guns n’ Roses ut dei to Use Your Illution-platene, som begge selde i bøtter og spann og som truleg tok livet av den energien bandet var kjend for. Ozzy Osbourne nytta høvet til å sleppe plata No More Tears. Same dag gjekk eit amerikansk hardrockikon bort, Rob Tyner døydde så altfor tidleg. I 2002 gav Manu Chao ut konsertplata Radio Bemba Sound System. I 2006 døydde Al Casey.

16.09.2017

Sekstande september

Sekstande september 1925 kom Riley B. King til verda i Itta Bena i elvedelstaten Mississippi. B.B. King vert rekna som ein av verdas desidert framste gitaristar og har underheldt små og store bluesfans sidan han signerte kontrakt med RPM Records i 1949. Insatsen er etterkvart løna med fleire Grammy-prisar og ein plass i prestisjetunge Rock’n Roll Hall Of Fame. I mi platehylle kan King sitt gitarspel nytast i friskt samarbeid med ei anna gitarlegende, Eric Clapton, på plata Riding With The King frå 2000. King spelar også gitar på songen Since I Met You Baby på Gary Moore si plate After Hours frå 1992. King døydde i 2015. I 1934 vart Joseph Ronald Drew fødd ikkje langt frå den irske hovudstaden Dublin. Ronnie Drew spelte fleire periodar i dei irske folk-legendene The Dubliners og kan hjå meg høyrast på konsertplata Live In Carré, som vart spela inn i under eit radioshow i Amsterdam i 1985. Drew døydde i 2008. I 1942 kom Bernie Calvert til verda i engelske Brierfield. Calvert var bassist og tangentmann for The Hollies frå 1966 til 1981 og kan i mi platehylle høyrast på den høgs uoffisielle samleplata 20 Great Love Songs. I 1946 vart Kenneth Thommas Jones fødd i London. Trommeslagaren Kenney Jones si karriere omfattar band som Small Faces, Faces og The Who. Hjå meg kan Jones høyrast på Faces si plate Long Player frå 1971, Smiler, som Rod Stewart slepte i 1974, og på Joan Armatrading si sjølvtitulerte plate frå 1976. I 1957 kom Anna Simion til verda i rumenske Câmpulung Moldovenesc. Jazzsongerinna Anca Parghel (Parchel) var ei levande legende i heimlandet Romania, men hadde sine mest produktive år i utlendighet i Brussel. Hjå meg kan du høyre Parghel si røyst på tre spor på Wizard Of Ooze si plate The Dipster, som kom på marknaden i 1997. Anca Parghel døydde i 2008. I 1961 kom Bilinda Jayne Butcher til verda i metropolen London. Bilinda Butcher er best kjend som gitarist og songar i My Bloody Valentine og hjå meg kan ho høyrast på studioplatene Isn’t Anyting (1988) og Loveless (1991). I 1963 kom Richard Noel Marx til verda i Chigaco i Illinois. Songaren Richard Marx, med fleire halvstore hits i heismusikk-sjangeren, kan i mi platesamling høyrast med hjelpevokal på Madonna si plate True Blue frå 1986. I 1977 døydde Marc Bolan. I 1999 gav Tom Jones ut plata Reload, som inneheld megahiten Burning Down The House, ein song som var eit samarbeid med svenske The Cardigans og revitaliserte karrieren for den gamle rundbrennaren. I 2006 døydde Mary Travers. I 2011 døydde Willie “Big Eyes” Smith.

15.09.2017

Femtande september

Femtande september 1928 kom Julian Edwin Adderley til verda i Tampa i pensjoniststaten Florida. Saksofonisten Cannonball Adderley har spela med fleire store, amerikanske jazzartistar og kan hjå meg høyrast på Miles Davis si plate Kind Of Blue frå 1959. Adderley døydde i 1975. I 1954 var Chet Baker i studio og spela inn Stella By Starlight. Til å hjelpe seg med smektande jazztonar denne dagen hadde han eit band beståande av Bob Brookmeyer Valve på trombone, Bud Shank på barytonsaksofon, pianisten Russ Freeman, Carson Smith på bass og trommeslagaren Shelly Manne. Samleplata Best Of Chet Baker Plays frå 1992 er rett stad for den som vil høyre denne perla. I 1960 vart Michel Dorge fødd i forblåste Winnipeg i Canada. Trommeslagaren Mitch Dorge spelar til vanleg i Crash Test Dummies og kan hjå meg høyrast på plata God Shuffeled His Feet frå 1993. I 1967 kom Huw Cennydd Bunford til verda i Cardiff. Huw Bunford er gitarist i det walisiske bandet Super Furry Animals og kan høyrast på platene Love Kraft og Songbook vol 1. I 1969 gjekk Jimi Hendrix i gang med innspelinga av songen Steppingstone. Med seg på denne innspelinga hadde han Mitch Mitchell på trommer og Billy Cox på bass. I 1976 kom Paul Robert Jude Nester Thomson til verda Glasgow. Paul Thomson er ansvarlig for den stødige takten i det skotske indiebandet Franz Ferdinand. Hjå meg kan Thomson høyrast på platene Franz Ferdinand (2004), You Could Have It So Much Better (2005) og Tonight: Franz Ferdinand (2009). I 1980 døydde Bill Evans. I 1984 fekk verda servert Motörhead si No Remorse-plate på denne datoen. Same dag kom Iron Maiden sitt bidrag til ein god platehaust, Powerslave. Eg legg ikkje skjul på at eg er stolt av å eige begge desse platene. I 1987 vert datoen hugsa for at det var den dagen Ramones gav ut Halfway To Sanity. Plata vart spela inn i Intergalactic Studios i New York i mars og april same år og dei skinnkledde gjorde produksjonen sjølv, i samarbeid med Daniel Ray. I 2004 tapte Johnny Ramone ein lang kamp mot kreften på denne datoen.

14.09.2017

Fjortande september

Fjortande september 1933, det var ein torsdag, var Blind Willie McTell og Curley Weaver i studio i New York City og spela inn Warm It Up To Me, It’s Your Time To Worry og It’s A Good Little Thing. Alle songane finn du på samleplata The Definitive Blind Wilie McTell som Columbia/Legacy slepte i 1994. I 1949 vart Edward C. King fødd i Glendale i California. Gitaristen Ed King var med i det attforeina Lynyrd Skynyrd i 1987, men forlét bandet grunna hjarteproblem i 1996. Hjå meg kan King sitt gitarspel høyrast på studioplata Lynyrd Skynyrd 1991. I West Virginia kom Frederick Dewey Smith til verda. Saman med resten av MC5 gav gitaristen Fred «Sonic» Smith ut tre studioplater som var med å revolusjonere den meir rufsete delen av rocken, før bandet av ulike årsaker fann det like greitt å skilje lag. Sonic Smith var gift med Patti Smith frå 1980 og spelte også ein kort periode i Patti Smith Band før han døydde i 1994. Hjå meg kan Smith sitt gitarspel høyrast på MC5 si studioplate Back In The USA frå 1970. I 1952 vart Deborah Gray fødd i New York City. Songerinna Diva Gray vert rekna som ei av populærmusikken sine best bevarte løyndomar og har songe bakgrunnsvokal for største delen av eliten av amerikanske artistar. Hjå meg kan Diva Gray si røyst høyrast på platenen Gene Simons Solo Album (Kiss, 1978), Once In A Lifetime – The Best Of Talking Heads (Talking Heads, 1982), Never Let Me Down (David Bowie, 1987), og Sister Sledge (Sister Sledge, 1996). I 1955 kom Steve Berlin til verda i Philadelphia i Pennsylvania. Saksofonisten Berlin er best kjend for å spele i Los Lobos. Hjå meg finn du Berlin medan han leikar seg i hobbybandet sitt, Tuatara på plata Trading With The Ennemy frå 1998, elles er han kreditert for å spele på plata Document, som R.E.M. slepte i 1987. Berlin kan også høyrast på Paul Simon si plate Graceland frå 1986. I 1970 vart Mark Andrew Webber fødd i engelske Chesterfield. Gitaristen Mark Webber var tidlegare formann i Pulp sin fanklubb, men vart headhunta til å spele med bandet i 1995. Hjå meg kan Webber høyrast på plata Different Class frå 1995. I 1983 vart Amy Jade Winehouse fødd i London. Amy Winehouse er best kjend for songen Rehab og eit stormfullt ekteskap med den valdelege ektemannen Blake Fielder-Civil. Eit ublidt møte med politiet i Bergen skapte litt ekstra blest rundt den rusavhengige syngedama her heime. Hjå meg kan ein høyre Winehouse si andre studioplate Back To Black frå 2006. Winehouse døydde av ein overdose i 2011. I 1987 spelte R.E.M. levande musikk for Vara Radio i Holland. Songen Time After Time etc. kan høyrast på samleplata Dockument, i tillegg til som B-side på Finest Worksong. I 1992 fekk platekjøparane høve til å investere i konsertplata A Little Light Music. Mennene som stod for musikken kallar seg for Jethro Tull. I 1993 oppsummerte Violent Femmes dei fyrste åra av karrieren si med plata Add It Up (1981-1993). På same dag platedebuterte New York-bandet Piss Factory, som hadde tatt namnet sitt frå ein Pattie Smith-låt, med ei plate som fekk same sjarmerande namn som bandet. Nasegrus hylling av den vitale punkprinsessa med andre ord. Også Meat Loaf fann det bryet verdt med å yte eit bidrag til platehyllene denne dagen. Produktet fekk titelen Bat Out Of Hell II og var eit nytt samarbeidsprosjekt med suksesskomponisten Jim Steinman. I 1998 slepte Manic Street Preacher si femte studioplate, This Is My Truth Tell Me Yours, same dag som Marilyn Manson slepte si tredje studioplate, Mechanical Animals, på den australske marknaden, resten av verda måtte vente til dagen etter. I 2004 gav The Modfather, Paul Weller, ut plata Studio 150. I 2009 platedebuterte det fantastiske Loddefjord-bandet John Olav Nilsen Og Gjengen med den like fantastiske plata For Sant Til Å Være Godt.

13.09.2017

Trettande september

Trettande september 1922 vart Tony Russell Brown fødd i Texas City i skytegale Texas. Pianisten Charles Brown slo gjennom i tida rett etter andre verdskrigen og serverte ei rekkje blues-hits på eiga hand. Hjå meg kan Brown høyrast med tangentspel på John Lee Hooker si samarbeidsplate Best Of Friends frå 1998. Brown døydde i 1999. I 1932 kom Eddie Brown til verda i Clarksdale i Mississippi. Perkusjonisten Eddie «Bongo» Brown sitt bidrag til mi platehylle kan høyrast på Marvin Gaye si plate I Want You frå 1976, samt på utvalde spor på Carly Simon si samleplate The Best Of Carly Simon, frå 1975. Brown døydde i 1984. I 1940 vart Alex Riel fødd i København. Jazz-trommeslagaren Riel var i 1968 med å starte bandet The Savage Rose som hjå meg kan høyrast på studioplatene Black Angel og Tameless. I 1952 vart Don Fagenson fødd i bilbyen Detroit i Michigan. Produsenten Don Was trør gjerne til på gitaren i festleg lag, og festlig var det nok både då Bob Seger And The Silver Bullet Band var i studio for å feste The Fire Inside til rullane i 1991, og då B52s spelte inn plata Good Stuff i 1992. I 1955 kom Joni Sledge til verda i Philadelphia i Pennsylvania. Saman med systrene Kim, Debbie og Kathy, starta Sledge jentekvartetten Sister Sledge i 1971. Hjå meg finn du Sledge sitt arbeid på ei uautorisert plate med same tittel som bandet. I 1956 vart David Mansfield fødd i stålbyen Pittsburgh i Pennsylvania. Allsidige Mansfield, som trakterar ei rekkje strengeinstrument spelte fast i Bob Dylan sitt band i åra 1975-1978, akkurat lenge nok til at han er kreditert for å spele på konsertplata Hard Rain (1976), samt utvalde spor på samleplata The Bootleg Series Vol.1-3, som kom på marknaden i 1991. I 1957 fekk den tradisjonelt norske bydelen i New York, Brooklyn, ein hardtslåande tilvekst i Appice-familien sin andre trommelslagar, Vincent Paul. Storebror Carmine var truleg stolt. Vinny Appice var i sine yngre dagar innom i Black Sabbath før han, saman med Ronnie James Dio ”hit the road” og starta bandet Dio, The Road Trip vart avslutta med at dei kom saman for å danne Heaven & Hell. I mi platehylle er Dio-platene Holy Diver frå 1983 og Dream Evil frå 1987 rett stad å leite for den som vil høyre Vinnie Appice sitt trommespel, og er ikkje det nok, kan ein også leite på utvalde spor på Black Sabbath si samleplate Beteween Heaven & Hell, som kom på marknaden i 1995. Appice har også heldt takten for Black Sabbath-kloningen Heaven & Hell. I 1961 vart David Scott Mustaine fødd i La Mesa i California. Etter at Dave Mustaine fekk sparken i Metallica i 1983 gjekk han i gang med å starte sitt eige band, Megadeth, og det er på plata Rust In Peace frå 1990 den musikalske dugleiken hans kan høyrast i mi platesamling. I 1967 kom Stephen Andrew Perkins til verda i Los Angeles i California. Trommisen Stephen Perkins sitt taktfaste arbeid kan hjå meg høyrast på Jane’s Addiction si plate Nothing’s Shocking frå 1988, han er i tillegg kreditert som hjelpeperkusjonist på eitt spor på Rage Against The Machine si debutplate Rage Against The Machine frå 1992, på eitt spor på One Hot Minute, som Red Hot Chili Peppers slepte i 1995, og på like mange spor på Rancid si fjerde studioplate Life Won’t Wait frå 1998. I 1970 spelte Mott The Hople ein fantastisk konsert i Farifield Halls i bydelen Croydon sør i London. Songen Keep A Knocking enda opp på plata Wildlife, ei plate som eg reknar som ein pryd for platesamlinga mi. Ein versjon Keep A Knocking, der det utruleg nok er klipt ut ein seksjon midt i ?!?, kan høyrast på samleplata Walking With A Mountain, Best Of Mott The Hoople som kom på marknaden i 1990. I 1976 nytta dei langhåra sørstastatsrockarane i Lynyrd Skynyrd denne datoen til å sleppe konsertplata One More For The Road, som sjølvsagt var full av drivande godt gitarspel. Også Bob Dylan slepte konsertplate på denne dagen, den fekk tittelen Hard Rain og vart spela inn over to kveldar i mai same året. I 1982 entra Toy Dolls på scenen i Barracks i Albemarle. I 1986 var Toy Dolls attende på Klub Foot i London. I 1989 slepte Tina Turner plata Foreign Affair. I 1993 kom Nirvana-plata In Utero på marknaden. I 1994 gav Nitro Records ut Guttermouth si andre plate, Friendly People. Dette var den fyrste plata i det heile frå plateselskapet Nitro Records. I 2000 heldt Rage Against The Machine andre og siste konsert i Grand Olympic Auditorium. Konserten vart foreviga og kan høyrast på plata Live At The G.O.A. frå 2003. I 2005 slepte The Dandy Warhols plata Odditorium Or Warlords From Mars.

12.09.2017

Tolvte september

Tolvte september 1923 kom Joseph Shulman til verda i smeltedigelen New York City. I mi platehylle er det på Miles Davis si samleplate Birth Of The Cool frå 1957 at bassisten Joe Shulman sitt arbeid kan høyrast. Shulman døydde i 1957. I 1931 vart George Glenn Jones fødd i Saratoga i skytegale Texas. George Jones er ein respektert countryartist med mange storselgjande plater på merittlista, men for mange er han like, om ikkje betre, kjend for å ha vore gift med den kvinnelege countrysongerinna Tammy Wynette, og for å ha levd eit hardt liv med mykje fyll og spetakkel. Hjå meg kan Jones høyrast på plata Walls Can Fall frå 1992. Jones døydde i 2013. I 1938 kom Judith Grace Guions til verda i St. Pauls i North Carolina. Songerinna Judy Clay leverte sterke vokalprestasjonar i ulike vokalduoar på sekstitalet. Hjå meg kan Clay høyrast som bakgrunnssongar på utvalde spor på Van Morrison si samleplate The Philosopher’s Stone frå 1998. Clay døydde etter ei bilulukke i 2001. I 1944 vart Barry Eugene Carter fødd i Galveston i skytegale Texas. Barry White var artist og produsent og hausta fleire Grammy-titlar i løpet av karrieren. Hjå meg kan White høyrast på ei samleplate med det optimistiske namnet The Ultimate Collection. Barry White døydde i 2003. I 1949 kom Anders Bru til verda i Stavanger. Bru var med å starte Stavangerensemblet i 1974 og har skrive dei fleste låtane til bandet. Hjå meg høyrer du Bru i fri dressur på platene Ska Det Ver…Så Ska Det Ver (1981) og Knappar Og Glansbilder (1984). I 1952 kom Neil Ellwood Peart fødd i Hamilton i kanadiske Ontario. Trommisen Neil Peart spelar til dagleg i det kanadiske bandet Rush, og kan hjå meg høyrast på studioplatene Fly By Night (1975), Grace Under Pressure (1984) og Hold Your Fire (1987). I 1954 vart Nigel Benjamin fødd i Hackney, nord i London. Gitaristen Benjamin var innom fleire lokale London-band før han slo seg saman med restane av Mott The Hoople. Her spelte han på platene Drive On & Shouting And Pointing, dei to platene som står i mi hylle. I 1956 vart Brian David Robertson fødd i skotske Clarkston. Gitaristen Brian «Robbo» Robertson er best kjend for arbeidet han har gjort i Thin Lizzy og Motörhead, hjå meg kan Robbo høyrast medan han trakterar gitaren på Shane MacGowan And The Popes si plate The Snake frå 1995. I London kom Barry Andrews til verda. Den tidlegare XTC-vokalisten Andrews kan i mi platehylle høyrast medan han spelar keyboard for Iggy Pop på plata Soldier frå 1980. I 1968 kom Reid Lawrence LaLonde til verda i Oakland i California. Gitaristen Larry LaLonde livnærar seg til dagleg ved å spele i det amerikanske punkrockbandet Primus, som har lurt plata Porc Soda frå 1993 inn i platehylla mi. Larry LaLonde yt også eit bidrag til mi platesamling når han spelar gitar på songen Big In Japan på Tom Waits si plate Mule Variations frå 1999. I Newport Beach i California vart Warren Fitzgerald fødd. Gitaristen Fitzgerald spelar til dagleg i The Vandals og kan i mi platehylle høyrast på plata The Quickening frå 1996. I 1976 var Led Zeppelin på plass i Mountain Studios i Montreux i den sveitsiske Alpane og spelte inn Bonzo’s Montreux. Songen kan høyrast på samleplata Coda frå 1982. I 1977 kom James Louis McCartney til verda i London. Som son av Paul og Linda McCartney har James eit opphav som forpliktar, og han innfrir. Hjå meg kan James McCartney høyrast medan han spelar gitar på faren si plate Flaming Pie frå 1997. I 1980 gav Andy Partridge og resten av XTC ut plata Black Sea. I 1981 vart Jennifer Kate Hudson fødd i Chicago i Illinois. Songerinna og skodespelaren Jennifer Hudson slo gjennom på fjernsynsfesjået American Idol i 2004. Hjå meg kan Hudson høyrast på eit spor på plata Bat Out Of Hell III: The Monster Is Loose, som Meat Loaf slepte i 2006. På kvelden spelte traktorpunkpionerane Violent Femmes konsert på The Beneath It All Cafe i motorsykkelbyen Milwaukee i Wisconsin. Hendinga vart festa til lydband og songen Johnny kan høyrast på samleplata Add It Up frå 1993. I 1986 kunne dei frammøtte på Porterhouse i Retford nyte både synet og lyden av våre venner i Toy Dolls. I 1992 spelte Black Sabbath på Monsters Of Rock i Reggio Emilia i Italia. Ein driftig publikummar nytta høve til å ta konserten opp på band, noko som resulterte i bootlegplata Reviviscence som kom ut same år til tross for elendig lydkvalitet. I 1995 spelte Ozzy Osbourne i Buenos Aires i Argentina. Arenaen heit Estadio Obras og songane Desire, I Don't Know, Flying High Again, Mr. Crowley, War Pigs og Crazy Train kan høyrast på konsertplata Master Of Madness. Same dag slepte Red Hot Chili Peppers plata One Hot Minute, som var bandet sitt sjette studioalbum. Plata selde mindre enn halvparten så mange eksemplar som den førre plata og var kommersielt sett skuffande. I 2000 heldt Rage Against The Machine fyrste konsert, av to, i Grand Olympic Auditorium. Konserten vart foreviga og kan høyrast på plata Live At The GOA frå 2003. I 2003 var dette ein triste dag og det skuldast at ein av mine store heltar, komponisten, tekstforfattaren, country- og rockestjerna, og outlawlegenda Johnny Cash, døydde etter lengre tids sjukdom. I 2004 døydde Kenneth Buttrey. I 2014 døydde Joe Sample.

11.09.2017

Ellevte september

Ellevte september 1943 kom Michael Steven Hartman til verda i metropolen New York City. Trommeslagaren Hartman nyttar til dagleg aliaset Mickey Hart og er best kjend for å ha helde takten for hippielegendene i Grateful Dead. Hart, som i dag turnerar med sitt eige Mickey Hart Band, spelte med The Dead i to periodar, fyrst frå september 1967 til februar 1971 og sidan frå 1974 til 1995. Hart sitt trommespel kan i mi platesamling høyrast på plata Dylan & The Dead, ei konsertplate frå 1989 der den trufaste fanskaren, The Deadheads, fekk høve til å følgje heltane medan dei turnerte saman med Bob Dylan. Mickey Hart er også kreditert for å holde takten for David Crosby på hans debutsoloplate If I Could Only Remeber My Name frå 1971, også her spelar Hart saman med Rhythm Devil-kollega Bill Kreutzmann frå Grateful Dead. I 1945 vart Leo Kottke fødd i universitetsbyen Athens i Georgia. Gitaristen Kottke sine foreldre flytta så ofte gjennom oppveksta at han skal ha hatt adresse i tolv ulike statar før han var ferdig med grunnskulen, og spesielt skal tida i Oklahoma ha påverka det musikalske uttrykket hans. Kottke sin spesielle spelestil skal skyldast ein muskelsjukdom. I mi platehylle er Kottke kreditert for å traktere gitaren på Violent Femmes si studioplate The Blind Leading The Naked frå 1986. I 1947 vart Robert Adrian Catley fødd i engelske Aldershot. Bob Catley si røyst har vore med å prega lydbildet i det engelske hardrockbandet Magnum frå starten og han kan hjå meg høyrast på studioplatene Kingdom Of Madness (1978), Magnum II (1979), og konsertplata Marauder frå 1980. I Leeds kom John Porter til verda. Plateprodusenten Porter er i mi platehylle kreditert for å spele på The Smiths si studioplate Meat Is Murder frå 1986 og samleplata Louder Than Bombs frå 1987. I 1960 kom Neal Whitmore til verda i Market Drayton i Shropshire. Gitaristen Neal X spelte tidlegare i Sigue Sigue Sputnik og hjå meg kan han høyrast på plata Flaunt It frå 1986. I 1965 kom Richard Melville Hall til verda i Harlem i New York. Moby er ein multiinstrumentalist og DJ som har gjeve ut plater under mange ulike artistnamn. I mi platehylle kan du finne platene Play og Play: The B-Sides, begge frå 2000. Moby varma opp for Red Hot Cilli Peppers i Oslo Spektrum i 1996, ein konsert eg var heldig å få vere til stades på. I 1971 kom Richard Paul Ashcroft til verda i engelske Wigan. Richard Ashcroft var vokalist i The Verve og kan hjå meg høyrast på plata Urban Hymns frå 1997. I 1977 vart Jonathan Mark Buckland fødd i London. Johnny Buckland er gitarist i Coldplay og hjå meg kan han høyrast på plata X&Y frå 2005. Dagen bydde også på ein nyfødd rapartist i Champaign i Illinois. Christopher Brian Bridges er kjent under scenenamnet Ludacris og hjå meg finn du hans vokalbidrag på Missy Elliott sine plater Miss E…So Addictive frå 2001 og Under Construction frå 2002, i tillegg til Snoop Dogg si plate Paid Tha Cost To Be Da Boss frå 2002. I 1986 var Toy Dolls og heldt konsert på Rockhouse i Derby. I 1987 vart den jamaicanske reggaeartisten Peter Tosh drepen i sin eigen heim, førtitre år gamal. I 1989 slepte Eurythmics si åttande studioplate, We Two Are One, og Melissa Etheridge slepte Brave And Crazy, hennar andre studioplate. I 1993 var dei engelske blueslegendene Bernie Marsden og Mick Moody i Hell i Trøndelag for å spele på Hell Blues Festival. Til å hjelpe seg på scena hadde dei to veteranane bassisten Peter Stroud, som har vore innom i Sheryl Crow sitt band, og trommeslagar John Trotter, som seinare var innom i legendariske Mannfred Mann’s Earth Band. Konserten vart seinare gjeven ut på plate med tittelen The Moody Marsden Band Unplugged Live In Hell. I 1995 nytta Blur høvet til å gje ut studioplate nummer fire, The Great Escape. I 2001 gav Bob Dylan ut plata Love And Theft, og Boz Scaggs slepte plata Dig. I 2006 slepte Stonegard si andre studioplate, From Dusk Till Doom. I 2007 døydde Joe Zawinul. I 2009 døydde Jim Carroll. I 2014 døydde John Gustavson.

10.09.2017

Tiande september

Tiande september 1946 vart Donald Georg Powell fødd i engelske Bilston. Trommeslagaren Don Powell har gjort seg merkt som takthaldar i Slade og kan mi platehylle høyrast medan han gjer jobben sin på studioplatene Play It Loud (1970) og Slayed (1972), konsertplatene Slade Alive (1972) og Slade On Stage (1982), og samleplata The Slade Collection ’81-87. I San Diego i California kom Christopher Reutinger til verda. Den alsidige musikaren Chris Reutinger driv det stort, både som mosaikkunstnar og tennistrenar, men er best kjend for at han har traktert strengeinstrument på meir enn fem hundre og femti Hollywood-filmar, og nesten like mange plateproduksjonar. I mi platehylle kan Reutinger høyrast medan han spelar fiolin på plata Under The Pink, som Tori Amos slepte i 1994. I 1949 kom Barrimore Barlow til verda i engelske Birmingham. Trommeslagaren Barry Barlow er best kjend for tida han spelte trommer for Jethro Tull og kan hjå meg høyrast på studioplatene Too Old To Rock & Roll: Too Young To Die frå 1976 og Heavy Horses frå 1978, samt utvalde spor på samleplata M.U. The Best Of Jethro Tull, som fyrste gongen kom på marknaden i 1976. Barlow er også kreditert for å spele på det eksotiske instrumentet gong på eitt av spora på Babyshambles si debutplate Down In Albion frå 2005. I 1950 kom Anthony Joseph Perry til verda i Lawrence i Massachusetts. Aerosmith-gitaristen Joe Perry og riffa hans har i ei årrekkje vore med å setje standarden for amerikansk hardrock. Det gnistrande gitarspelet han kan hjå meg høyrast på Aerosmith-platene Rocks (1976) og Draw The Line, som kom på marknaden i 1977. Perry er også kreditert for gitarspel på eit par spor på Kiss-bassist Gene Simmons si soloplate frå 1978. I 1964 vart Donna Eve DeLory fødd i Calabasas i California. Songerinna Donna DeLory har vore profesjonell artist sidan jentedagane og er best kjend for samarbeidet med Madonna, som varte frå 1987 til 2006. I mi platehylle kan DeLory si røyst høyrast på plata I’m Breathless frå 1990. I 1970 var dette dagen Mott The Hoople i Island Studios i London og spela inn nydelege Lay Down. Det ferdige resultatet enda opp på bandet si tredje studioplate, Wildlife frå 1971. I 1983 spela Lou Reed i Roma og godlyden frå denne konserten kan høyrast på konsertplata Lou Reed in Concert frå 1996. Same kveld hadde Toy Dolls teke turen vest til Carlisle Market Hall for å spele for tilhøyrarane der. I 1984 kom Queensryche si fyrste LP-plate, The Warning. I 1985 kom Cameron Matthew Followill til verda i Oklahoma. Matthew Followill er søskenbarn til dei tre Followill-brørne som han spelar saman med i bandet Kings Of Leon og kan i mi platehylle høyrast på studioplata Aha Shake Heartbreake frå 2004. I 1986 var Iron Maiden i Beograd og spelte fyrste konsert på turneen Somewhere On Tour. Same kveld hadde Toy Dolls teke turen til Leeds for å spele på Adam and Eve. I 1990 var dette dagen Iron Maiden-fansen fekk høve til å kjøpe singelen Holy Smoke. Tredjeplass vart høgaste listeplassering. I 1991 gav Jethro Tull ut plata Catfish Rising. I 2005 døydde Clarence Brown.

09.09.2017

Niande september

Niande september 1927 vart Elvin Ray Jones fødd i Pontiac i Michigan. Trommeslagaren Elvin Jones held i mi platehylle takten for John Coltrane på platene Olé Coltrane (1962), og Live At Birdland 1962 (1963), og for Wayne Shorter på hans femte studioplate Juju frå 1964. Jones døydde i 2004. I 1943 kom Bruce Palmer til verda i Belleville i Canada. Bassisten Bruce Palmer er best kjend for å spele saman med bandet Buffalo Springfield og kan hjå meg høyrast på bandet si andre studioplate Buffalo Springfield Again frå 1967. Palmer døydde i 2004. I 1952 kom den engelske artisten David Allan Stewart til verda i hamnebyen Sunderland. Dave A. Stewart var den mannlige, og minst profilerte, halvdelen av den britiske popduoen Eurythmics, som hadde stor suksess verda over frå starten i 1980 og framover. Stewart sitt bidrag til mi platehylle heiter We Too Are One, er kreditert Eurythmics, og kom på marknaden i 1989. I London vart Phillip John Palmer fødd. Gitaristen Phil Palmer sitt bidrag til mi platehylle høyrer du på Tina Turner sine studioplater Foreign Affair, som kom på marknaden i 1989 og Twenty Four Seven frå 1999, og på George Michael si plate Listen Whitout Prejudice. Vol. 1 frå 1990. I 1957 kom Adrian Lee til verda i London. Tangentmannen Lee sitt arbeid kan i mi platehylle høyrast på Mike + The Mechanics si plate Word Of Mouth frå 1991. I 1968 vart Øyvind Gimse fødd på Kongsvinger. Hjå meg kan du høyre Gimse sitt Cello-spel på Tre Små Kinesere si femte studioplate Tro, Håp & Kjærlighet frå 1996. I 1970 kom Sascha Paeth til verda i Wolfsburg i Tyskland. Gitaristen og produsenten Paeth kan i mi platehylle høyrast medan han trakterar ei rekkje strengeinstrument på Luca Turilli si plate King Of The Nordic Twilight frå 1999. I 1972 vart Rodney Hylton Smith fødd sør i London. Rapparen Roots Manuva sitt bidrag til mi platehylle kan du finne på eit av spora på Gorillaz si plate Demon Days frå 2005. I 1974 kom Marcos Curiel til verda i San Diego i California. Gitaristen Curiel spelar til dagleg i det kristne Nu-Metal-bandet P.O.D. (Payable On Death) og kan hjå meg høyrast på plata Testify frå 2006. I 1977 kom Stuart David Price til verda i engelske North Yorkshire. Stuart Price er ein ettertrakta produsent som hjå meg kan høyrast medan han spelar tangentar på Madonna si plate Confessions On A Dance Floor frå 2005. Jethro Tull slepte si tredje samleplate Repeat-The Best Of Jethro Tull Vol. II. I 1978 spelte The Blues Brothers i levande live på The Universal Amphitheathre i Los Angeles i California. Høgdepunkta frå konserten vart samla på den storselgjande konsertplata Briefcase Full Of Blues, som kom ut seinare same året. I 1983 var Shieldfield Club i Newcastle vertskap for Toy Dolls. I 1986 platedebuterte deLillos med Suser Avgårde, ei plate som inneheld fleire av bandet sine best kjende låtar. I 1991 slepte Gianna Nannini si andre konsertplate, Giannissima. I 1996 slepte R.E.M. plata New Adventures In Hi-Fi. I 2007 døydde Hughie Thomasson.

08.09.2017

Åttande september

Åttande september 1897 kom James Charles Rodgers til verda, truleg i Meridian i Mississippi. The Singing Brakeman Jimmy Rodgers var kjend for å jodle på den amerikanske måten, som er minst like enerverande som den austerriske. Mi platehylle byr på Rodgers sin stemmeprakt på samleplata Americas Blue Yodeler 1930-1931. Rodgers døydde av tuberkolose i 1933. I 1932 vart Virginia Patterson Hansley fødd i Winchester i Virginia. Patsy Cline hadde kometkarriere i countrymusikken før ho døydde i ei flyulukke, berre tretti år gamal, i 1963. Hjå meg kan Cline høyrast på to ulike samleplater som kom på marknaden lenge etter at flyet hennar traff bakken. I 1945 kom Kelly Groucutt til verda i Coseley i England. Bassisten Groucutt byrja i Electric Light Orchestra i 1974 og spelte med bandet frå til 1983. Hjå meg høyrer du Groucutt på samleplata Greatest Hits frå 1979. Groucutt døydde i 2009. I 1947 kom Benjamin Orzechowski til verda i Lakewood i Ohio. Benjamin Orr var bassist og songar i The Cars og kan i mi platehylle høyrast medan han spelar på studioplatene The Cars og Door To Door, i tillegg til samleplata Gratest Hits. Orr døydde i 2000. I skotske Arbroarth vart Morris David Brough Perth fødd. Morris Perth sitt bidrag til mi platehylle finn du på Marianne Faithfull si plate Broken English frå 1979, der han spelar perkusjon. Perth er også kreditert for å spele på utvalde spor på på samleplata More Than This This – The Best Of Bryan Ferry And Roxy Music, som Bryan Ferry og kompisane i Roxy Music slepte i 1995. Perth døydde i 2010. I 1950 vart Zachary Richard fødd i Lafayette i Louisiana. Cajun-musikaren Richard kan hjå meg høyrast med drivande accordionspel på Michelle Shocked si plate Captain Swing frå 1989, og på plata Backstreets Of Desire, som Willy DeVille slepte i 1992. I 1952 kom William Franklin Lee IV til verda i San Antonio i skytegale Texas. Bassisten Will Lee er best kjend for arbeidet han har gjort med CBS Orchestra, som spelte for pratemaskina Dave Letterman på hans The Late Show. Hjå meg kan Lee sitt bidrag høyrast på platene After Hours, som Gary Moore slepte i 1992, og Rockinghorse, som er eit av Alannah Myles sine bidrag til populærkulturen, også den frå 1992. I 1960 kom David ”Shuffle” Steele til verda på den engelske festivaløya Isle Of Wight. Steele har spela i fleire band og kan hjå meg høyrast som bassist hjå Fine Young Cannibals på debutplata med same namn frå 1985. I Richmond i Virginia vart Aimee Mann fødd. Mann gjorde seg fyrst merkt i bandet ‘Till Thuesday, men har etter kvart etablert seg med eiga solokarriere. Dama trakterar bass i godt lag og det er vel få ting som er meir sexy enn ein kvinneleg bassist. Hjå meg finn du Mann si soloplate Lost In Space frå 2002. Mann kan også høyrast med vokalhjelp på Rush si plate Hold Your Fire frå 1987. I Lincolnshire kom Steve Waterman til verda. Trompetisten Waterman sitt bidrag til mi platehylle finn du på Van Morrison si plate Enlightenment frå 1990. Waterman er også kreditert for å spele trompet på eit spor på Tom Jones si samarbeidsplate Reload frå 1999. I 1964 fekk familien Nielsen eit nytt bidrag då vetle Joachim kom til verda. Joachim ”Jokke” Nielsen var den notorisk rusa sjefen i bandet Jokke & Valentinerne, som gav ut fleire kritikarroste plater i perioden frå 1986 til 1994 og plukka med seg ein spelemannspris for plata Frelst i 1991. Jokke døydde av ein overdose heroin i 2000. I 1970 vart Neko Case fødd i Alexandra i den amerikanske delstaten Virginia. Case har gjeve ut ei rekkje soloplater, men hjå meg er det plata Electric Version, som The New Pornographers gav ut i 2003, hennar vokaliske bidrag kan høyrast. I 1972 kom Lance Bangs til verda i den californiske hovudstaden Sacramento. Produsenten Bangs er kreditert for noko så kurriøst som klapping på Foo Fighters si plate The Colour And The Shape frå 1997. Same dag slepte Mott The Hoople si femte studioplate, All The Young Dudes, med David Bowie som mentor og komponist for tittelsporet. Tittellåten er i dag signaturlåten for både eit nysamla Mott The Hoople og ein hardarbeidande Ian Hunter. I 1973 kom multiinstrumentalisten Gabrial McNair til verda. Gabe McNair har sitt eige band kalla Oslo, men er best kjend for arbeidet han har gjort med No Doubt, der han i mi platesamling høyrast medan han spelar keyboard og trombone på studioplatene Tragic Kingdom frå 1995, Return Of Saturn (2000) og Rock Steady (2001), i tillegg til samleplata Singles 1992-2003. McNair kan også høyrast medan han lagar blåselyd på Green Day si femte studioplate, Nimrod frå 1997, og på The Offspring si studioplate Americana frå 1998. I 1983 kunne Toy Dolls opplevast i levande live på Marples i stålbyen Sheffield. I 1985 var Toy Dolls i containerhamnebyen Rotterdam og spela for publikum i West Krubkade. I 1986 varma Iron Maiden opp til Somewhere On Tour med den siste av seks konsertar i Hammersmith Odeon. I 1987 slepte Rush plata Hold Your Fire.

07.09.2017

Sjuande september

Sjuande september 1922 kom Joseph Dwight Newman til verda i jazzbyen New Orleans i Louisiana. Trompetisten Joe Newman kan i mi platehylle høyrast medan han spelar for Count Basie på samleplata Atomic Swing. Newman døydde i 1992. I 1946 kom Alfa Anderson til verda i New York City. Songerinna Anderson er best kjend for å syngje i Chic, hjå meg kan ho høyrast med bakgrunnsvokal på samleplatene More Than This – The Best Of Bryan Ferry & Roxy Music (1995) og Sister Sledge (1996). I 1948 vart Dennis Thompson fødd i bilbyen Detroit i Michigan. Trommisen Thompson sitt taktfaste bidrag til rocken kan i mi platehylle høyrast på plata Back In The USA, som punklegendene MC5 slepte i 1970. I 1949 kom Gloria Fowles til verda i flyplassbyen Newark i New Jersey. Discodronninga Gloria Gaynor produserte ei rekke topphits i diskoen sin gullalder og vert kan hende best hugsa for homsefavoritten I Will Surivive, som toppa platelistene i 1979. Hjå meg finn du samleplata The Collection frå 1996, og der er dei fleste av godbitane frå dama si karriere representert. I 1951 vart Christine Ellen Hynde fødd i Parma, nei ikkje den italienske skinkebyen, men namnebroren i den amerikanske elvestaten Ohio. Chrissie Hynde er ei miljømedviten rockestjerne med sterke meiningar og har i ein mannsalder levert rock med sterke meiningar i bandet The Pretenders. Hjå meg kan Hynde høyrast på den akustiske konsertplata The Isle Of View frå 1995, i tillegg til at du kan høyre ho synge hjelpevokal for UB40 på deira versjon av Sony And Cher-slagaren I Got You Babe, som er henta frå samleplata The Best Of UB40 frå 1987, og i samarbeid med Tom Jones på hans studioplate Reload frå 1999. I New York City kom Mark Ware Isham til verda. Trompetisten Mark Isham kan i mi platehylle høyrast medan han spelar for Van Morrison på samleplata The Philospher’s Stone frå 1998, samt på Robbie Robertson si andre soloplate Storyville frå 1991. I 1953 kom Benjamin Montmorency Tench III til verda i Gainesville i pensjoniststaten Florida. Tangentmannen Benmont Tench er ei levande legende som i tillegg til at han var ein av grunnleggarane av bandet Tom Petty And The Heartbreakers har spelt med stort sett alt som kan krype og gå i musikkverda. Tench er ein av dei mest produktive musikarane i mi platehylle og du tangentspelet hans på Bob Dylan si tjuefyrste studioplate, Shot Of Love, som kom på marknaden i 1981, Mighty Like A Rose, som Elvis Costello slepte i 1991, i tillegg til Mick Jagger si soloplate Wandering Spirit frå 1993, Alanis Morissette sine plater Jagged Little Pill (1995) og Supposed Former Infatuation Junkie (1998), og Johnny Cash sine plater frå American-serien, Unchained frå 1996, American III: Solitary Man frå 2000 og American V: A Hundred Highways frå 2006. Tench er også kreditert for å spele på Reef si plate Glow frå 1997, samt på utvalde spor på den triple samleplata The Bootleg Series Vol 1-3, som Bob Dylan slepte i 1991, på The Jayhawks si plate Tomorrow The Green Gras (1995), Across The Borderline, som var Willie Nelson sitt bidrag til platemarknaden i 1993, Rufus Wainwright si sjølvtittulerte debutplate frå 1998, og på countryrockaren Ryan Adams si plate Gold frå 2001. I 1961 vart LeRoi Holloway Moore fødd i Durham i North Carolina. Saksofonisten LeRoi Moore var ein av grunnleggjarane av Dave Matthews Band og kan hjå meg høyrast på bandet si debutplate Under The Table And Dreaming frå 1994. Moore døydde etter ei bilulukke i 2008. I 1967 kom Eric Remschneider til verda. Cellisten Remschneider er best kjend for å spele på The Smashing Pumkins si plate Siamse Dream (1993)og det er nettopp denne som er hans bidrag til mi platehylle. Aretha Franklin nytta dagen til å sleppe singelen (You Make Me Feel Like) A Natural Woman. I 1969 vart Jean-Benoît Dunckel fødd i den kongelege landsbyen Versailles. Dunckel er ein halvdel av den franske electronicaduoen Air, som hjå meg kan høyrast på platene Talkie Walkie (2004) og Moon Safari (1998). I 1972 kom Harper James Simon til verda i New York City. Gitaristen og komponisten Harper Simon er son av meir meritterte Paul Simon og kan i mi platehylle høyrast med gitarspel på utvalde spor på pappa si studioplate Songs From The Capeman frå 1997. I 1978 døydde min favorittrommeslagar, Keith Moon, etter eit hardt og intenst liv i trommerytmane si teneste. Dødsårsaka skal ha vært at stakkars Keith vart kvelt av sitt eige oppkast etter ei ganske så overdriven bursdagsfeiring. Gratulerar med vel overstått. I 1983 var den evigunge samuraien med fortid i Velvet Underground, Lou Reed, og underheldt i idylliske Verona. Rolling Stones Mobile Unit var tilstades for å forevige hendinga og delar av konserten enda opp på ei konsertplate med tittelen Lou Reed In Concert frå 1996. Same kveld var Toy Dolls å høyre på Brannigan i den ein gong så stolte fotballbyen Leeds. I 1984 kunne Toy Dolls opplevast frå scenen i Stars and Stripes i Carlisle. I 1985 hadde Toy Dolls fôrflytta seg til De-Koog i Noordharwoude. I 1986 varma Iron Maiden opp til Somewhere On Tour med den femte av seks konsertar i frykta og berykta, men likevel så sagnomsnuste Hammersmith Odeon. I 1992 slepte Roger Waters plata Amused To Death. I 1997 gav Janet Jackson ut plata The Velvet Rope. Dette var hennar sjette studioplate. I 1998 slepte det skotske indiebandet Belle & Sebastian si tredje studioplate, The Boy With The Arab Strap. Same dag slepte Hole, med skandalepresseyndlingen Courtney Love i spissen, si tredje studioplate, Celebrity Skin, på plateselskapet Geffen. Den amerikanske versjonen kom dagen etter. I 2003 døydde Warren Zevon. I 2012 slepte Bob Dylan si trettifemte studioplate, Tempest.

06.09.2017

Sjette september

Sjette september 1941 vart Michael Waller fødd i London-bydelen Hammersmith. Trommeslagaren Micky Waller byrja å herje på dei britiske platelistene tidleg på sekstitalet med The Steampacket og The Jeff Beck Group. Hjå meg høyrest Waller på plata Smiler, som Rod Stewart slepte i 1974, og på Billy Bragg si plate Workers Playtime frå 1988. Waller døydde i 2008. I 1942 kom David Bargeron til verda i New York City. Dave Bargeron har vore fast inventar i blåserekkja i Blood Sweat & Tears, i tillegg til at han har spelt både trombone og tuba med fleire store namn, som mellom anna Mick Jagger, men hjå meg kan han høyrast medan han spelar på plata All American Alien Boy, som Ian Hunter gav ut i 1976, og på Paul Simon si plate Graceland frå 1986. I 1943 vart George Roger Waters fødd i Great Bookham i engelske Surrey. Roger Waters var ein av grunnleggjarane av Pink Floyd, eit band han forlèt i 1985. Waters har seinare gjeve ut tre soloalbum og ei sceneoppsetjing av meisterverket The Wall. Hjå meg kan ein høyre Waters på Pink Floyd si plate Dark Side Of The Moon frå 1973, ei av verdas mestselgjande plater, og på soloplata Amused To Death frå 1992. I 1948 kom Clydes Charles Smith til verda i Jersey City i New Jersey. Gitaristen Clydes Smith var ein av grunnleggjarane av Kool & The Gang og hjå meg kan arbeidet hans høyrast på samleplata Anthology – 20 Greatest Tracks frå1991. Smith døydde i 2006. I 1952 kom Steven P. Miller til verda i Fairborn i Ohio. Gitaristen Buddy Miller kan i mi platehylle høyrast på Lucinda Williams si femte studioplate Car Wheels On A Gravel Road frå 1998. I 1953 kom Herwig Rudolf Mitteregger til verda i austerrikske Mautern. Trommisen Herwig Mitteregger sitt bidrag til mi platesamling kan høyrast på Nina Hagen Band si plate Unbehagen frå 1979. I 1956 vart Sakari Jyrki Kuosmanen fødd i finske Helsinki. Saku Kuosmanen var ein av fleire songarar i Leningrad Cowboys og hjå meg kan han høyrast på plata som følgjer filmen Leningrad Cowboys Go America frå 1989. I 1957 var Elvis Presley i studio saman med gruppa The Jordanaires for å spele inn låta Don’t. I 1961 kom Scott Travis til verda i Norfolk i Virginia. Trommeslagaren Travis er best kjend for å halde takten for Judas Priest og hjå meg kan han høyrast på utvalde spor på samleplata Metal Works ’73-’93 frå 1993. I 1971 kom Dolores Mary Ellen O’Riordan til verda i irske Limerick. Dolores O’Riordan er vokalist i det irske bandet The Cranberries. Røysta til O’Riordan kan høyrast på platene Everybody Else Is Doing It, So Why Can’t We (1993) og To The Faithful Departed frå 1996, som begge er på plass i hylla, og ein skal ikkje sjå bort frå at det vert meir frå den kanten. I 1972 vart Eugene Hütz fødd i Kiev i Ukraina. Hütz, som også livnærer seg som komponist og skodespelar, er best kjend som frontmannen i det amerikanske punkrockbandet Gogol Bordello og kan i mi platesamling høyrast på EP-plata East Infection frå 2005, og studioplata Trans Continental Hustle frå 2010. I 1974 kom Nina Elisabet Persson til verda i svenske Örebro. Songerinna Nina Persson syng til dagleg i The Cardigans og kan i mi platehylle høyrast på kjempehiten Burning Down The House frå Tom Jones si plate Reload frå 1999. I 1978 filma AC/DC Sin City for ABC sitt program The Midnight Special. I 1980 kunne Toy Dolls opplevast i Newcastle, nærare bestemt i Old Hall Pub. Etter konserten tok trommeslagar Dean James ein pause som skulle vare fram til 1985. I 1984 såg dei frammøtte på Bier Kellar i Blackpool Toy Dolls underhalde frå scenen. I 1985 fekk publikum på Simplon i Gronningen eit gjensyn med Toy Dolls. I 1986 slepte Iron Maiden Wasted Years som fyrste singel frå plata Somewhere In Time. Singelen når attandeplass og bandet nyttar kvelden til å spele sin fjerde konsert på rad i Hammersmith Odeon som oppvarming for turneen Somewhere On Tour. I 1990 døydde Tom Fogerty. I 1994 døydde Nicky Hopkins og Bad Religion slepte sitt åttande studioalbum, Stranger Than Fiction. I 1997 døydde Roy Huskey Jr. I 2002 døydde Erma Franklin. I 2011 døydde Wardell Quezergue.

05.09.2017

Femte september

Femte september 1946 kom Farrokh Bulsara til verda på eksotiske Zanzibar i India-havet. Songaren Freddie Mercury gjorde stor suksess som vokalist i supergruppa Queen. Ingen Queen-plater i mi hylle enno, diverre. I mi platesamling er det som korist på songen You Nearly Did Me In, som Ian Hunter gav ut på plata All American Alien Boy i 1976, at Mercury kan høyrast. Freddie Mercury døydde i 1991. I Chapel Hill i North Carolina vart Loudon Snowdon Wainwright III fødd. Artisten Loudon Wainwright er kan hende like kjend for å vere far til dei meir kjende artistane Rufus Wainwright og Martha Wainwright, men gamlingen er såpass merittert at han har karra til seg Grammy-pris på eiga hand. Det hendte i 2010 for plata High Wide & Handsome: The Charlie Poole Project, og kategorien var Best Traditional Folk Album. Mi platehylle byr på plata Attempted Mustache, som kom på marknaden så tidleg som i 1973. I 1947 kom Melvyn Desmond Collins til verda på øya Isle Of Man i Irskesjøen. Saksofonisten Mel Collins er best kjend for å spele i King Crimson og The Alan Parson Project. Hjå meg kan Collins høyrast på Phil Lynott si soloplate The Phillip Lynott Album frå 1982. I 1952 vart Ricky Fataar fødd i hamnebyen Durban i Sør-Afrika. Trommeslagaren Fataar tok plass på trommstolen i The Beach Boys då Dennis Wilson pådrog seg ein handskade i 1972 og spelte med strandgutane fram til 1980. Hjå meg kan Fataar sitt taktfaste spel høyrast på The Beach Boys si tjuande studioplate, 15 Big Ones frå 1976, og på Ryan Adams si plate Love Is Hell frå 2004. I 1963 kom John Peter Alderete til verda i Los Angeles i California. Bassisten Juan Alderete spelar til dagleg i The Mars Volta og hjå meg kan han høyrast på plata The Bedlam In Goliath frå 2008. I 1968 vart Brad Wilk fødd i Portland i Oregon. Trommeslagaren Wilk heldt takten for Rage Against The Machine og Audioslave og kan høyrast på Rage Against The Machine sine studioplater Rage Against The Machine (1992), The Battle Of Los Angeles (1999) og Renegades (2000), i tillegg til studioplata Live At The Grand Olympic Auditorium (2003), og på Audioslave sine studioplater Out Of Exile (2005) og Revelations (2006). I 1973 kom Rose Arianna McGowan til verda i italienske Firenze. Songaren Rose McGowan har vore innom Marilyn Manson og hjå meg kan ho høyrast med vokal på songen Posthuman frå plata Mechanical Animals frå 1998. I 1975 gjorde Bob Seger & The Silver Bullet Band sin andre konsert på to dagar i Cobo Hall i bilbyen Detroit i Michigan. I 1977 døydde George Barnes. I 1978 kunne dei som var interessert kjøpe Skynyrd’s First And....Last, som Jacksonville, Florida sine store, langhåra heltar i sørstatsrockarane Lynyrd Skynyrd gav ut på denne dagen. I 1980 var dei hardtarbeidande pønkarane i Toy Dolls på plass i Gateshead. High Feel Club var namnet på staden der dei kunne opplevast denne kvelden. I 1984 kunne Toy Dolls opplevast i Bier Kellar i Leeds. I 1985 fekk dei frammøtte på Giganti i Appledoorn høyre godlyd frå energiske Toy Dolls. I 1986 varma Iron Maiden opp til Somewhere On Tour med den tredje av seks konsertar i legendariske Hammersmith Odeon. I 1987 var Toy Dolls i Winterhur for å spele på festival. I 1990 døydde Charlie Charles. I 1991 slepte NOFX si andre studioplate S&M Airlines, som var produsert av Brett Gurewitch. I 2006 slepte Audioslave si tredje studioplate Revelations, som er bandet si siste plate, så langt. I 2012 døydde Joe South.

04.09.2017

Fjerde september

Fjerde september 1920 kom Harold B. Jackson til verda i Wilmington i North Carolina. Harold «Shot» Jackson har livnært seg ved å spele eksotiske instrument som dobro og steel guitar og kan i mi platehylle høyrast på mellom anna Johnny Cash si plate Ride This Train frå 1960. Jackson døydde i 1991. I 1945 vart Daniel Wood Gatton fødd i Washington D.C. Gitaristen Daniel Gatton var kjend for å blande rockabilly, jazz og country på sin særeigne måte og er av fleire magazin rekna som ein av verdas beste gitaristar. Hjå meg kan Gatton sitt gitarspel høyrast på Chris Isaak si plate San Francisco Days frå 1993. Gatton tok sitt eige liv i 1994. I 1951 kom Martin Dale Chambers til verda i engelske Hereford. Trommisen Martin Chambers har tent til livets opphald som rytmehaldar for The Pretenders, og hjå meg kan han høyrast i taktfast arbeid på den akustiske konsertplata The Isle Of View frå 1995, og i samarbeid med Tom Jones på eit spor hans studioplate Reload frå 1999. I 1956 vart W.A.S.P.-sjef Blackie Lawless fødd som Steven Edward Duren på Staten Island i New York og vegen låg open for eit liv i skrekkrocken si teneste. Som livslang fan passar det at underteikna fekk sjå gamle heltar for andre gong i Bergen i oktober 2010, fyrste møte i 2005 gav absolutt meirsmak. Lawless sitt bidrag til mi platehylle er ei samleplate som heiter First Blood…Last Cuts og kom på marknadenen i 1993. I 1960 kom Kim Thayil til verda i Seattle i Washington. Gitaristen Thayil grunnla Soundgarden saman med Chris Cornell og kan hjå meg høyrast på studioplatene Badmotorfinger (1991) og Superunknown (1994). I 1965 kom Jesper Binzer til verda i København. Binzer er vokalist og gitarist i D-A-D og kan hjå meg høyrast på den kritikarroste plata Soft Dogs frå 2002. I 1970 kom Igor Graziano Cavalera til verda i Belo Horizonte i Brazil. Igor Cavalera var trommeslagar i Sepultura og kan hjå meg høyrast på plata Arise frå 1991. I 1972 kom Guto Daffyd Pryce til verda i Cardiff. Guto Pryce er bassist i det walisiske bandet Super Furry Animals, som har to bidrag til mi platehylle, studioplata Love Kraft (2005) og samleplata Songbook The Singles Vol. 1 (2004). I 1975 vart Mark Daniel Ronson fødd i den trendy bydelen Notting Hill i London. Mark Ronson er best kjend som plateprodusent, men spelar gjerne med for dei artistane han produserar og kan hjå meg høyrast med ulike instrument på Amy Winehouse si plate Back To Back frå 2006. Same kveld spelte Bob Seger & The Silver Bullet Band i Cobo Hall i bilbyen Detroit. Konserten kan høyrast på plata Live Bullet, som kom på marknaden i 1976. I 1981 slepte Bob Seger And The Silver Bullet Band konsertplata Nine Tonight. Same dag vart Beyoncé Giselle Knowles fødd i oljebyen Houston i skytegale Texas. Jentebandet Destiny’s Child sitt mest profilerte medlem, Beyoncé, sitt bidrag til mi platehylle høyrer du på Missy Elliott si plate Under Construction frå 2002. I 1982 stod Toy Dolls på scenen i Trade and Labour Club i Hebburn. I 1984 fekk fjernsynssjåarane høve til å oppleve AC/DC på BBC One. Programmet hadde tittelen Late Night In Concert og sjåarane fekk oppleve Guns For Hire og Dirty Deeds Done Dirt Cheap. Det er uvisst om dette opptaket er gjort syttande, eller attande november året før, det som er sikkert er at det vart spela inn i bilbyen Detroit i Michigan og at det i dag er tilgjengeleg på DVD-samlinga Plug Me In. I 1985 var Toy Dolls i Holland og spelte for fansen på De Boorderis i Zoetemeer. I 1986 varma Iron Maiden opp til Somewhere On Tour med den andre av seks konsertar i Hammersmith Odeon. I 1987 spelte R.E.M inn Last Date som fekk evig liv som B-side på It’s The End Of The World As We Know It (And I Feel Fine) og eller kan høyrast på samleplata Document. I 1990 kom Ministry si fyrste konsertplate, In Case You Didn’t Feel Like Showing Up. I 2006 slepte dødsbuet etter Freddie Mercury samleplata Lover Of Life, Singer of Songs, som var ei dobbelplate med det beste Mercury gjorde musikalsk når han ikkje arbeidde saman med resten av karane i Queen. I 2015 døydde Rico Rodiguez.

03.09.2017

Tredje september

Tredje september 1942 kom Alan Charles Jardine til verda i Lima i Ohio. Al Jardine vart, etter at familien flytta til Hawthorne i California, kompis med Wilson-brørne i The Beach Boys, og etter det var kursen som gitarstjerne staka ut. Hjå meg kan Jardine sine gitartriller høyrast på studioplata 15 Big Ones (1976), i tillegg til samleplatene Summer Dreams og Super Hits. I 1947 vart Eric Robin Bell fødd i nordirske Belfast. Gitaristen Eric Bell var ein av grunnleggjarane av Thin Lizzy og spela saman med Phil Lynnot på dei tre fyrste studioplatene bandet slepte. Hjå meg kan Bell sitt gitarspel høyrast på utvalde spor på samleplata Dedications, som kom på marknaden i 1991. I 1948 vart Don Brewer fødd i Flint i Michigan. Brewer si karriere omfattar både Grand Funk Railroad og Silver Bullet Band og i mi platesamling kan trommespelet hans høyrast på GFR-platene On Time og Grand Funk, begge frå 1969. I 1955 kom Stephen Philip Jones til verda i London. Steve Jones var originalbassist i Sex Pistol, men vart etter kvart erstatta av Sid Vicious. I mi platehylle kan Jones i tillegg høyrast som hjelpebassist for Joan Jett & The Blackhearts på plata I Love Rock ‘N Roll frå 1981. På andre sida av verda vart Robert George Hirst fødd i Camden i New South Wales. Trommeslagaren Rob Hirst var ein av grunnleggjarane av Midnight Oil i 1976, og han heldt ut med bandet til dei gav seg i 2002. Mi platehylle byr på studioplatene Diesel And Dust (1987) og Blue Sky Mining (1990), i tillegg til konsertplata Scream In Blue-Live frå 1992. I 1960 kom italienskætta Perry Archangelo Bamonte til verda i London. Gitaristen Perry Bamonte er best kjend for arbeidet han gjordre med The Cure og hjå meg høyrer du han på plata Wild Mood Swings frå 1996, ei plate han var med å delprodusere. I 1979 vart David Godfrey Chelsom Vogt fødd i Norge. Fiolinisten David Chelsom Vogt er i mi platehylle kreditert for både felespel og hånklapping på Seargant Petter si plate It’s A Record frå 2003. I 1986 varma Iron Maiden opp til Somewhere On Tour med den fyrste av seks konsertar i Hammersmith Odeon. I 1990 slepte George Michael si andre soloplate Listen Without Prejudice Vol. 1. I 1993 slepte Dream Theater konsertplata Live At The Marquee. I 2001 slepte Motorpsycho si niande studioplate, Phanerothyme. I 2010 slepte Imelda May si andre studioplate, Mayhem, på heimemarknaden i Irland, same dag som Mike Edwards døydde.

02.09.2017

Andre september

Andre september 1946 vart William Everett Preston fødd i oljebyen Houston i skytegale Texas. Tangentmannen Billy Preston har arbeida med så og seie alle dei store rockeartistane, som The Beatles, Bob Dylan, Little Richard, Eirc Burdon og Ray Charles. Hjå meg kan Preston høyrast medan han spelar piano for Mick Jagger på plata Wandering Spirit frå 1993. Preston døydde i 2006. I 1951 kom Michael Kaminski til verda i engelske Harrogate. Fiolinisten Mik Kaminski er best kjend for arbeidet han gjorde med Electric Light Orchestra og hjå meg kan han høyrast på samleplata Greatest Hits frå 1979. I 1952 kom Fritz McIntyre til verda i Brimingham. Tangentmannen McIntyre var ein av grunnleggjarane av Simply Red og kan hjå meg høyrast på plata Stars frå 1991. I 1956 festa Elvis Presley, men hjelp av The Jordanaires, Too Much til platerullane. I 1957 vart Steven Maxwell Porcaro fødd i Hartford i Connecticut. Tangentmannen Steve Porcaro er best kjend for å vere ein av grunnleggjarane av Toto, men hjå meg finn du arbeidet hans på andre artistar sine plater. Det vil seie Alice Cooper si plate From The Inside frå 1978, på Michael Jackson si plate Off The Wall, som kom på marknaden i 1979, og på Vagabond Heart, som Rod Stewart slepte i 1991. I 1958 kom Jerome Stanley Agustyniak til verda i Sloan i delstaten New York. Trommeslagaren Jerry Agustyniak held til dagleg takten for 10 000 Maniacs og hjå meg kan han høyrast på studioplatene The Wishing Chair (1985) og Blind Man’s Zoo (1989), i tillegg til konsertplata MTV Unplugged frå 1993. I 1977 vart Samuel Robert Rivers fødd i Jacksonville i pensjoniststaten Florida. Sam Rivers er bassist i rapmetallbandet Limp Bizkit og kan hjå meg høyrast på remixplata New Old Songs frå 2001. I 1983 spela Toy Dolls for trufaste fans på Feltham Football Club i London. I 1985 kunne Toy Dolls opplevast på Alabamahalle i München og dei frammøtte fekk sjå at Dean James var attende i bandet, klar for ein ny periode, som bassist denne gongen. I 1996 gav Suede ut plata Coming Up, dette var bandet si tredje studioplate. I 2001 døydde Jay Migliori.

01.09.2017

Fyrste september

Fyrste september 1925 kom Arthur Edward Pepper, Jr til verda i Gardena i California. Saksofonisten Art Pepper sitt vedunderlege spel kan høyrast på samleplata Best Of Chet Baker Plays frå 1992. Art Pepper døydde i 1982. I 1946 vart Barry Allan Crompton Gibb fødd i Douglas, hovudstaden i Isle Of Man, ein liten holme i Irskesjøen. Barry Gibb er kjend for at han, saman med brørne Robin og Maurice, starta pop- og discobandet Bee Gees på siste halvleiken av sekstitalet. Hjå meg kan Gibb si falsettrøyst høyrast på konsertplata One Night Only, spela inn i kasinometropolen Las Vegas og slept laus på platekjøparane i 1998. I 1948 vart Russell Kunkel fødd i stålbyen Pittsburgh i Pensylvania. Trommeslagaren Russ Kunkel er ein vidgjeten studiomusikar som hjå meg kan høyrast medan han held takten på Bob Dylan-plata Pat Garrett & Billy The Kid frå 1973, og på Neil Young si plate Zuma frå 1975, i tillegg til plata The Distance, som Bob Seger And The Silver Bullet Band slepte i 1982, og Jackson Browne si plate Lawyers In Love frå 1983. I 1955 kom Bruce D. Foxton til verda i engelske Woking. Bruce Foxton er best kjend for å ha spela bass i det engelske modbandet The Jam, og skal i dag ha skværa opp i det som han og sjefen sjølv, Paul Weller, var usams i, noko som gjev von om fruktbart samarbeid i framtida. Hjå meg kan Foxton sitt basspel høyrast på samleplata Beat Surrender frå 1993. I 1957 vart Gloría Maria Milagrosa Fajardo García de Estefan fødd i Havanna på Cuba. Songerinna Gloría Estefan har seld meir enn nitti millionar plater verda over og er grossist i Grammy- og Lation Awards. Hjå meg kan Estefan høyrast på si sjuande studioplate, Destiny frå 1996. I 1960 vart Richard Keith Lewis fødd i London. Cass er medlem av det engelske bandet Skunk Anansie og kan høyrast på platene Stoosh frå 1996, og Post Orgasmic Chill, som kom på marknaden i 1999. I 1963 vart Bryan Grant Phillips fødd i Stockton i California. Grant-Lee Phillips slo gjennom med gruppa Grant Lee Buffalo og plata Fuzzy i 1993, i dag turnerar han under eige namn, stundom aleine med gitaren, stundom med eige band. Hjå meg høyrer du Phillips på platene Fuzzy (1993), Mighty Joe Moon (1994) og Jubilee (1998). I Stockhom kom Eva Ann-Ida Schultz til verda. Gitaristen og songerinna Idde Schults sitt bidrag til mi platehylle er bakgrunnsvokal på Imperiet si plate Synd frå 1986. I 1969 platedebuterte Nick Drake med Five Leaves Left. I 1975 vart Omar Alfredo Rodríguez-López fødd i Bayamón i Puerto Rico. Multiinstrumentalisten Omar Rodríguez-López, med base i den mykje omskrivne grensebyen El Paso i skytegale Texas, spelar gitar i The Mars Volta, og er storebror til tangentmannen Marcel i same band. I mi platehylle kan Rodríguez-López høyrast på plata The Bedlam In Goliath frå 2008. I 1976 kom Scott Hoffman til verda i oljebyen Houston i skytegale Texas. Multuinstrumentalisten Babydaddy er best kjend for ville sprell i Scissor Sisters og kan i mi platehylle høyrast på bandet si sjølvtitulerte debutplate frå 2004. Frå 1984 hugsar mange dagen for at Motörhead slepte singelen Killed By Death/Under The Knife, andre var gjerne tilstades då Toy Dolls gjekk på scenen på Oddies i Oldham. I 1987 kom R.E.M. med plata Document. I 1989 gav Mano Negra ut plata Puta’s Fever. I 2001 platedebuterte Kaizers Orchestra med den storselgjande plata Ompa Til Du Dør.