Nittande mars

Nittande mars 1951 kom trommeslagaren Derek Longmuir til verda i Edinburgh. Longmuir var ein av grunnleggjarane av tyggigpopbandet Bay City Rollers. I 1953 vart Ricky Helton Wilson fødd i Athens i den amerikanske delstaten Georgia. Wilson spelte gitar i New Wave bandet The B52s og var broren til vokalist Cindy Wilson. Wilson døyde av HIV i 1985. I 1962 var Elvis Presley i studio og song inn She’s Not You. Med seg for å skape litt triveleg bakgrunnsmusikk var evigunge The Jordanaires. I 1969 kom Jeremy Thomas McRae Blackall til verda i engelske Essex. Tom McRae har levert fleire solide bidrag til musikkverda etter debuten i 2000. I 1971 slepte Jethro Tull plata Aqualung, der fansen, forutan tittelsporet, fekk høve til å stifte kjennskap med slagarar som Cross Eyed Mary og Locomotive Breath. I 1982 var dette ein tragisk dag, då mange hugsar at den unge og teknisk eminente Ozzy Osbourne-gitaristen Randy Rhoads døyde. Rhoads var i sine yngre dagar med å starte bandet Quiet Riot, og før han gjekk bort nådde han å skape grom gitarlyd på Ozzy-platene Blizzard Of Oz og Diary Of A Madman. Ozzy si liveplate Tribute (1987), der Rhoads også trakterte gitaren, kom på plass i platehyllene fem år seinare. I 1986 vart Susanne Aartun Sundfør fødd i Haugesund. Susanne platedebuterte i 2007 og kan i mi platehylle høyrast på plata The Brothel frå 2010. I 1987 gav Ozzy Osbourne ut konsertplata Tribute, ei samling gamle konsertopptak med Ozzy Osbourne sin favorittgitarist, avdøde Randy Rhoads, på gitar. I 2007 slepte BigBang si sjette studioplate, Too Much Yang.