Tjueåttande mars

Tjueåttande mars 1923 kom Thaddeus Joseph Jones til verda i Michigan. Trompetisten Thad Jones kan høyrast på samleplata Atomic Swing, som er meint å vise Count Basie sitt talent som bandleiar. Thad Jones døyde i 1986. I 1930 vart Eric Dixon fødd. Saxofonisten Eric Dixon var lenge ein del av Count Basie sitt band og kan høyrast på samleplata Atomic Swing. Dixon døyde i 1989. I 1941 vart Charlie Ray McCoy fødd i Oak Hill, West Virginia. Charles McCoy har gjeve ut halvanna dusin soloplater og er ein høgt skatta studiomusikar, best kjend for å spele munnspel. Han har sidan tidleg på 1960-talet spelt med mange kjende artistar, som mellom anna Roy Orbison og Elvis Presley. I mi platesamling kan Charlie høyrast på Johnny Cash-plata Orange Blossom Special frå 1965, og på platene Highway 61 Revisited (1965) og Blonde On Blonde (1966) av Bob Dylan. McCoy er også kreditert for å spele bass på Bob Dylan-plata John Wesley Harding frå 1967. I 1948 kom tangentfantomen John Evan til verda og fekk fullt namn John Spencer Evans. Han spelte keyboard i Jethro Tull frå 1970 til 1980, og kan hjå meg høyrast på platene Aqualung, Thick As A Brick, Too Old To Rock’n Roll, Too Young To Young To Die og Heavy Horses. I 1965 fekk verda ein gitarist i Steve Turner, som er kjend frå mellom anna banda Mudhoney og Green River. I mi platesamling kan Turner høyrast medan han spelar på supergruppa The Monkeywrench si debutplate Clean As A Broke-Dick Dog frå 1992. I 1970 var Janis Joplin i Columbia Studio D i Los Angeles og spelte inn songen One Night Stand saman med Paul Butterfield Blues Band. Innspelinga var produsert av Todd Rundgren og kan hjå meg høyrast på samleplata Farewell Song frå 1982. I 1972 spelte Elvis Presley inn Burning Love. Bakgrunnsvokalen var det J.D. Sumner og The Stamps som stod for. I 1976 kom David Brent Keuning til verda i Idaho. David Keuning er gitarist i bandet The Killers. I 1983 var Dingwalls i Newcastle vertskap for kveldens Toy Dolls-konsert. I 1987 var Toy Dolls i Brest for å spele i Salle Les Hes Pertides. I 1989 platedebuterte Alannah Myles med plata Alannah Myles. I 1991 kom den svenske superduoen Roxette med plata Joyride. Duoen si tredje studioplate har seld i meir ein tolv millionar eksemplar over heile verda.