Tjuefemte mars

I 1942 vart Aretha Louise Franklin fødd i countrybyen Memphis i Tennessee. Soullegenda Aretha Franklin gjorde ein opptreden, med låten Think, i den udødelege filmen The Blues Brothers, som i høgste grad er med å heve standarden på filmen. Dama, som var tobarnsmor før ho fylte femten, hadde, då filmen vart spela inn, allereie markert seg med ei tilnærma endelaus rekkje legendariske soul-hits som har sikra ho legendestatus i musikkmiljøet. Hjå meg kan du høyre legenda si gjennomtrengjande røyst på plata Aretha frå 1980, i tillegg til samleplata The Very Best Of Aretha Franklin Vol 1. frå 1994.

Andre jubilantar
Stephen Kupka (1946)
Elton John (1947)
Bob Ezrin (1949)
Tim Scott McConnell (1958)
Per Hillestad (1959)
Jeff Healy (1966-2008)
Tore Jamne (1966)
Vicente Amigo (1967)

Tjuefjerde mars

I 1935 kom Carol Kaye til verda i Everett i den amerikanske delstaten Washington. Bassisten Kaye vert rekna som ei av verdas framste studiomusikarar og har bidratt på så mykje som over ti tusen ulike innspelingar. Hjå meg er Kaye kreditert for å spele bass på Buffalo Springfield si andre studioplate Buffalo Springfield Again frå 1967, på Neil Young si sjølvtittulterte solodebutplate frå 1968, på utvalde spor på samleplatene Summer Dreams (Beach Boys, 1993), Classics (J.J Cale, 1999, og Rhinestone Cowboy - De beste 1967-1990, som Glenn Campbell slepte laus på dei norske platekjøparane i 2002.

Andre jubilantar
Ellen Shipley (1949)
Nick Lowe (1949)
Dougie Thomson (1951)
Dave Douglas (1963)
Espen Stenhammer (1966)
Egil Hegerberg (1970)

Tjuetredje mars

I 1949 kom Richard T. Otcasek til verda i Baltimore i Maryland. Under artistnamnet Ric Ocasek var han i perioden 1976 til 1988 leiar av new wave-legendene The Cars, som hadde fleire storselgjande plater under hans leiarskap. Ocasek har sidan pleia ei mindre påakta solokarriere og er i dag ein mykje nytta produsent. Hjå meg kan Ocasek høyrast på studioplatene The Cars og Door To Door (1987), i tillegg til samleplata Greatest Hits, som kom på marknaden i 1985. Ocasek er også kreditert for diverse musikalske bidrag på platene Rock Steady (No Doubt) og Weezer – The Green Album, begge frå 2001.

Andre jubilantar
Ray Phiri (1947)
Phil Lanzon (1950)
Patrice Holloway (1951-2006)
Eivind Aarset (1961)
Damon Albarn (1968)
Abe Laboriel jr (1971)

Tjueandre mars

I 1944 vart studiomusikaren Christopher Stainton fødd i stålbyen Sheffield. Chris Stainton har spela tangentar for mange store engelske musikarar, og lista tel namn som Eric Clapton og Bryan Ferry. I mi platehylle kan Stainton sitt tangentspel høyrast på Ian Hunter si andre soloplate All American Alien Boys (1976), der han også trakterar bassen på songen Restless Youth, og på Joe Cocker sine studioplater Something To Say (1972) og Across From Midnight (1997), og konsertplata Joe Cocker – Live (1990), samt på utvalde spor på samleplata More Than This – The Best Of Bryan Ferry And Roxy Music (1995).

Andre jubilantar
Jon Hassell (1937)
Derek Watkins (1945-2013)
Randy Joe Hobbs (1948-1993)
Jay Dee Daugherty (1952)
Wally Badarou (1955)
Peter Puders (1959-2017)
John Otto (1977)

Tjuefyrste mars

I 1944 kom David Perry Lindley til verda i San Marino i California. Allsidige David Lindley, som tidvis er kreditert som Perry Lindley, er musikaren som alle andre musikarar liker å samarbeide med og hjå meg kan han hørast medan han trakterar diverse instrument på Jackson Browne si plate Late For The Sky (1974), medan han spelar saksofon på Warren Zevon si plate Sentimental Hygiene (1987), ei rekkje instrument på utvalde spor på samleplata Greatest Hits, som The Bangles slepte i 1990, mandolin og gitar for Ry Cooder på hans samleplate River Rescue – The Very Best Of Ry Cooder (1994), og , som om det ikkje var nok, både violin og mandolin for Iggy Pop på hans samleplate Nude & Rude – The Best of Iggy Pop (1996).

Andre jubilantar
Sonny Burke (1914-1980)
Rose Stone (1945)
Roger Hodgeson (1950)
Conrad Lozano (1951)
Andy Parker (1952)
Øyvind Ougaard (1957)
Dominic Miller (1960)
Slim Jim Phantom (1960)
Robert Sweet (1961)
Maxim Reality (1967)
Eric Ljunggren (1971)
Silas Utke Graae Gotaas (1979)

Tjuande mars

I 1951 vart James Lawrence Vaughan fødd i cowboy-byen Dallas i skytegale Texas. Gitaristen Jimmie Vaughan er ein eldre bror av den meir kjende Stevie Ray Vaughan, og er best kjend for tida han tente som gitarist i den texanske bluesgruppa The Fabulous Thunderbirds, eit band han var med å starte saman med Kim Wilson i 1974. Jimmie sitt gitarspel er minst like sofistikert som det broren kunne by på, og heime hjå meg kan det nytast på plata Hot Number frå 1987, i tillegg til plata Riding With The King, som var eit samarbeid mellom B.B. King og Eric Clapton og kom på marknaden i 2000. Jimmie Vaughan er også kreditert for å spele på utvalde spor på samleplatene The Best Of Stevie Ray Vaughan frå 2007, og Best Of Friends, som John Lee Hooker slepte i 1998.

Andre jubilantar
Sam Lay (1935)
Lee Perry (1936)
Micky Grome (1951)
Joakim Thåström (1957)
Owen If (1959)
Alex Kapranos (1973)
Joel Shearer (1973)
Chester Bannington (1976-2017)

Nittande mars

I 1953 vart Ricky Helton Wilson fødd i Athens i den amerikanske delstaten Georgia. Gitaristen Ricky Wilson vasr ein av grunnleggjarane av new wave bandet The B52s og var i tillegg broren til vokalist Cindy Wilson. Hjå meg høyrer du Wilson sitt gitarspel på studioplata Wild Planet frå 1980, i tillegg til samleplata The Best Of The B52’s-Dance This Mess Around frå 1990. Wilson døyde i 1985, etter eit ublidt møte med eit HIV-virus.

Andre jubilantar
Ruth Pointer (1946)
Derek Longmuier (1951)
Anne-Marie Giørtz (1958)
Terry Hall (1959)
James "Big Jim" Wright (1966)
Tom McRae (1969)
Øystein Kolset (1971)
Brant Bjork (1973)
Susanne Sundfør (1986)

Attande mars

I 1961 vart Grantzberg Vernon Hart fødd i South St. Paul i Minnesota. Grant Hart var trommis i bandet Hüsker Dü, som hjå meg kan høyrast på plata Candy Apple Grey frå 1986. Hart døyde i 2017. Andre jubilantar Bobby Lynch (1935-1982) Noel "Skully" Simms (1935-2017) Bobby Whitlock (1948) Vanessa L. Williams (1963) Courtney Pine (1964) Dyanna Lauren (1966) Jerry Cantrell (1966) Per "Texas" Johansson (1969) Queen Latifah (1970) Daniel "Hurricane" Gilbert (1974) Stuart Zender (1974) Lykke Li (1986)

Syttande mars

I 1941 vart Paul Lorin Kantner fødd i San Francisco i California. Paul Kantner gjorde etter kvart stor suksess med hippiebandet Jefferson Airplane og han kan hjå meg høyrast på konsertplata Somebody To Love-Live, og på David Crosby si solodebutplate If I Could Only Remember My Name frå 1971. Kantner døyde i 2016.

Andre jubilantar
Nat King Cole (1919-1965)
Bruno Glenmark (1938)
John Sebastian (1944)
Scott Gorham (1951)
Bjørn Eidsvåg (1954)
Adriana Kaegi (1957)
Michael Ivins (1963)
Billy Corgan (1967)
Melissa auf der Mar (1972)
Justin Hawkins (1975)

Sekstande mars

I 1970 kom Herbert Joakim Berg til verda i svenske Eskilstuna. Joakim Berg er vokalist og gitarist i det svenske bandet Kent og kan hjå meg høyrast på platene Kent (1995), Hagnesta Hill (1999), Du Och Jag Döden (2005), og Tillbaka Til Samtiden, som kom på marknaden i 2007.

Andre jubilantar
Sigmund Groven (1946)
Michael Bruce (1948)
Ray Benson (1951)
Stephen J:Lipson (1954)
Nancy Wilson (1954)
Flavor Flav (1959)
Damian LeGassick (1965)
Ronnie McCoury (1967)
Andy Dunlop (1972)

Femtande mars

I 1931 vart Dominic Joseph Fontana fødd i Shreveport i Louisiana. Trommisen D.J. Fontana har gjort seg merkt som ein viktig del av Elvis Presley sin rytmeseksjon og kan i mi platehylle høyrast på utvalde spor på samleplata 30 #1 Hits, som dødsbuet etter «kongen» slepte i 2002.

Andre jubilantar
Arif Mardin (1932-2006)
Charles Lloyd (1938)
Phil Lesh (1940)
Hughie Flint (1941)
Mike Love (1941)
Sly Stone (1943)
Ralph McDonald (1944-2011)
Ry Cooder (1947)
Howard Devoto (1952)
Dee Snider (1955)
Steve Marker (1959)
Nellee Hooper (1963)
John Curley 1965)
Joe Hahn (1977)
Young Buck (1981)

Fjortande mars

I 1964 vart Per Øyvind Houmb fødd i Trondheim. Prepple Houmb er vokalist i DumDum Boys og kan i mi platehylle høyrast på samleplata Schlägers frå 2001.

Andre jubilantar
Sonny Cohn (1925-2006)
Quincy Jones (1933)
Roger Powell (1949)
Stefano Pulga (1956)
Prepple Houmb (1964)

Trettande mars

I 1959 kom Gregory James Norton til verda i Rock Island i Illinois. Bassisten Greg Norton spelte i bandet Hüsker Dü og kan i mi platehylle høyrast på bandet si femte studioplate Candy Apple Grey (1986).

Andre jubilantar
Terry Cox (1937)
Erma Franklin (1938-2002)
David Kelly (1947)
Dave Mattacks (1948)
Adam Clayton (1960)
Anders Hernestam (1962)
Todd Hutt (1963)

Tolvte mars

I 1940 kom Alwyn Lopez Jarreau til verda i motorsykkelbyen Milwaukee i Wisconsin. Klassisk skolerte Al Jarreau vart gjerne omtala som Acrobat Of Scatt og har hatt ei profesjonell jazz-karriere som strekte seg over meir enn femti år. I mi platehylle kan Jarreau si fløyelsmjuke røyst høyrast på studioplata Al Fly Home frå 1978. Jarreau døyde i 2017.

Andre jubilantar
Wardell Quezergue (1930-2011)
Ron Tutt (1938)
Les Holroy (1948)
James Taylor (1948)
Bill Payne (1949)
Steve Harris (1956)
Marlon Jackson (1957)
Graham Coxon (1969)
Pete Doherty (1979)

Ellevte mars

I 1939 kom Leonardo Jimenez til verda i San Antonio i skytegale Texas. Accordionspelaren Flaco Jimenez har hatt ei sjølvstendig karriere i Tex-Mex-segmentet og har henta heim fleire høgthengande Grammy-prisar, men hjå meg høyrest han best som medlem av supergruppa Texas Tornados på studioplata Hangin’ On By A Tread (1992), og samleplata The Best Of Texas Tornados, samt på Tish Hinojosa si plate Homeland, som kom på marknaden i 1989, og samleplata More Than This – The Best Of Bryan Ferry And Roxy Music frå 1995. Jimenez har også spela med ein annan kjenning frå country-verda, Buck Owens, som også er å finne i mi platehylle.

Andre jubilantar
Svein-Erik Gaardvik (1938-1983)
Graham Lyle (1944)
Harvey Mandel (1945)
Katie Kissoon (1951)
Nina Hagen (1955)
Tim Kerr (1956)
Cameron McVey (1957)
Bruce Watson (1961)
Alex Rosén (1968)
Paul Turner (1968)
Rami Jaffee (1969)
DJ Lord (1975)

Tiande mars

I 1938 vart Norman Blake fødd i Chattanooga i Tennessee. Musikaren Blake si merittliste tel eit utal av country- og bluegrasband opp gjennom åra og i mi platesamling kan han høyrast som gitarist på Johnny Cash sine plater Orange Blossom Special frå 1965, America – A 200-Year Salute In Story And Song frå 1972, og American III: Solitary Man, som kom på marknaden i 2000. Blake er også kreditert for å spele på Bob Dylan si plate Nashville Skyline frå 1967, samt på Arkansas Traveller, som Michelle Shocked slepte i 1992.

Andre jubilantar
Hans Rotmo (1948)
Erik Stenstadvold (1948)
Ted McKenna (1950)
Gary Louris (1955)
Graham Broad (1957)
Mino Cinelu (1957)
Jeff Ament (1963)
Neneh Cherry (1964)
Dave Krusen (1966)
Trond Korsgaard (1966)
Timbaland (1972)
Johan Wohlert (1976)

Niande mars

I 1942 kom den walisiske musikaren John Davies Cale til verda i Garnant. John Cale var, saman med Lou Reed, grunnsteinen i det eksentriske amerikanske kunstrockbandet The Velvet Underground, eit band som oppstod i miljøet rundt den like eksentriske kunstnaren Andy Warhol sin kunstfabrikk i New York City på slutten av sekstitalet, og som var ei av dei viktigaste inspirasjonskjeldene for den amerikanske punkrøyrsla. Hjå meg kan Cale høyrast på samleplata The Best Of Velvet Underground: Words And Music Of Lou Reed.

Andre jubilantar
Robin Trower (1945)
Jim Cregan (1946)
Chris Thompson (1947)
Zakir Hussain (1951)
Peter Wishart (1962)
Ian Kirkham (1963)
Øyvind Storesund (1974)
Gest (1982)

Åttande mars

I 1957 vart Clive Burr fødd i London. Trommeslagaren Burr er best kjend for tida han heldt takten for Iron Maiden og han kan i mi platehylle høyrast på bandet sine tre fyrste studioplater, Iron Maiden (1980), Killers (1981) og The Number Of The Beast (1982). Burr fekk sparken frå Iron Maiden under turnéen som skulle promotere bandet si gjennombrottsplate, The Number Of The Beast. Burr døyde i 2013.

Andre jubilantar
Randy Waltman (1955)
Brian McGee (1959)
Adam Ficek (1974)
Gaz Coombes (1976)

Sjuande mars

I 1953 kom Kenny Aronoff til verda i Albany i New York. Trommeslagaren Aronoff er ein høgt skatta studiomusikar og CV’en inneheld namn som Alice Cooper og Johnny Cash. Hjå meg kan Aronoff sitt stødige arbeid høyrast på platene Big Daddy, som var John Mellencamp sitt bidrag til populærkulturen i 1989, The Fire Inside, som Bob Seger & The Silver Bullet Band slepte på marknaden i 1991, Bat Out Of Hell II: Back Into Hell og Bat Out Of Hell III: The Monster Is Loose, som var Meat Loaf sine bidrag til platemarknaden i 1993 og 2006, Your Little Secret, Skin og Lucky, som Melissa Etheridge slepte høvesvis i 1995, 2001 og 2004, Joe Cocker si plate Across From Midnight frå 1997, og Alanis Morissette si plate So-Called Chaos frå 2004.

Andre jubilantar
Peter Wolf (1946)
Ernie Isley (1952)
Frank Simes (1956)
Øyvind Brantsegg (1971)

Sjette mars

I 1946 vart David Jon Gilmour fødd i engelske Cambridge. Gitaristen David Gilmour slo seg saman med Pink Floyd i 1967 og vert rekna som ein av verdas framste gitaristar. Hjå meg høyrer du Gilmour sitt gitarspel på ei av verdas mestselgjande plater, Dark Side Of The Moon, som moderbandet Pink Floyd slepte i 1973, samt på utvalde spor på samleplata More Than This – The Best Of Bryan Ferry And Roxy Music, som kom på marknaden i 1995.

And
re jubilantar Red Callender (1926-1992)
Ben Keith (1937-2010)
Orbjørn Wiberg (1949-2009)
Brian Gibson (1951)
Madonna Wayne Gacy (1964)
Tuomo Lassila (1965)
Aslag Guttormsgard (1969)
Bubba Sparxxx (1977)

Femte mars

I 1948 vart Edmond Montague Grant fødd i Plaisance i Guyana. Songaren Eddy Grant slo gjennom med det engelske reggea-bandet The Equals i 1968 og har klatra til ujamne høgder på platelistene sidan. Grant driv i dag sitt eige plateselskap og produserar for andre artistar. Hjå meg finn du Grant si fjerde soloplate, Can’t Get Enought frå 1981.

Andre jubilantar
Richard Bell (1946-2007)
Richie Cannata (1948)
Roy Carter (1949)
Alan Clark (1952)
Mark E. Smith (1957-2018)
Andy Gibb (1958-1988)
John Shanks (1962)
Bertrand Cantat (1964)
John Frusciante (1970)
Luca Turilli (1972)
Ravn (1975)
Space Cowboy (1975)

Fjerde mars

I 1932 vart Miriam Zenzi Makeba fødd i Johannesburg. Den sørafrikanske songaren og menneskerettsforkjemparen Miriam Makeba sine merittar let seg ikkje summere i kortform, men stikkorda er Grammy, gullplater, President Kennedy og Nelson Mandela. Hjå meg kan du høyre Mama Africa på samleplata The Best Of Miriam Makeba And The Skylarks frå 1994. Makeba døyde i 2008.

Andre jubilantar
Bobby Shew (1941)
Bob Wooton (1942)
Bobby Womack (1944-2014)
Dieter Meier (1945)
Jan Garbarek (1947)
Chris Squire (1948-2015)
Mick Mars (1951)
Chris Rea (1951)
Søren Bundgaard (1956)
Jason Newstedt (1963)
Evan Dando (1968)
Fergal Lawler (1971)

Tredje mars

I 1923 kom Arthel Lane Watson til verda i Deep Gap i North Carolina. Gitaristen Doc Watson mista synet før han var året gamal, men det hindra han ikkje i å spele dugande bluegras-musikk heile livet. Hjå meg kan Watson sitt gitarspel høyrast på studioplata Arkansas Traveller, som Michelle Shocked slepte i 1992. Watson døyde i 2012.

Andre jubilantar
Tommy McCook (1927-1998)
Jimmy Garrison (1933-1976)
Jennifer Warnes (1947)
Snowy White (1948)
Robyn Hitchcock (1953)
John Lilley (1954)
Chris Hughes (1954)
Timo Tolkki (1966)
John Carter Cash (1970)

Andre mars

I 1948 vart William Rory Gallagher fødd i irske Ballyshannon. Gitaristen Rory Gallagher vart rekna som ein av Europa sine mest talentfulle gitaristar og har inspirert utallige unge kvinner og menn til å leika med strengane. Mi platehylle inneheld studioplata Calling Card frå 1976, og samleplata Big Guns. The Very Best Of, som vart kom på marknaden i 2005. Gallagher døyde av skrumplever i 1995.

Andre jubilantar
Lockjaw Davis (1922-1986)
Buell Neidlinger (1936)
Lou Reed (1942-2013)
Derek Watkins (1945-2013)
Larry Carlton (1948)
Ralph Schuckett (1948)
Steve Rucker (1954)
Mark Evans (1956)
Leif Nilsen (1961)
Jon Bon Jovi (1962)
Chris Martin (1977)

Fyrste mars

I 1944 kom Roger Harry Daltrey til verda bydelen Hammersmith i eit London som levde i konstant frykt for hardt bomberegn frå tyske bombefly. Songaren Roger Daltrey har vore frontfigur for The Who sidan byrjinga på fyrste halvleik av sekstitalet. Mod-ikona i The Who var med å setje ord på etterkrigstidas urbane arbeidarklasseungdom sine frustrasjonar og det var røysta til Daltrey som var best eigna til å framføre gitarist Pete Townsend sine smått surrealistiske metaforar. Hjå meg kan Daltrey høyrast på studioplatene A Quick One (1966), Tommy (1969), Who’s Next (1971), og Who Are You (1978), filmusikken The Kids Are Alright (1979), og samleplatene Odds & Sods (1974), The Who og My Generation The Very Best Of The Who (1996).

Andre jubilantar
Eddie Jones (1929-1997)
Benny Powell (1930-2010)
Alice Preves (1941-2006)
Bernhard Potschka (1952)
Mallia Franklin (1952-2010)
Thomas Anders (1963)
Dafydd Ieuan (1969)
Tara Eagan-Langley (1975)
Andreas Mjøs (1976)

Tjueåttande februar

I 1940 vart Joseph Alfred Souther fødd i Atlanta i Georgia. Gitaristen Joe South er kanskje best kjend for å plage radiolyttarar med songar som Games People Play, og som komponisten av countrysviska Rose Garden, men i mi platesamling kan han nytast som ein av Bob Dylan sine musikarar på Blonde On Blonde frå 1966, samt på utvalde spor på på samleplata The Very Best Of Aretha Franklin Vol. 1., som Aretha Franklin slepte i 1994. South døyde i 2012.

Andre jubilantar
Don Helms (1927-2008)
Wilfred Gibson (1942-2014)
Geoff Nichols (1948-2017)
Eddie Manion (1952)
Cindy Wilson (1957)
Ian Stanley (1957)
Ed Shearmur (1966)

Tjuesjuande februar

I 1951 kom Stephen Malcolm Ronald Nice til verda i London. Steve Harley har, saman med Cockney Rebel, produsert ei rekkje store hits opp gjennom tida, og er best kjend for Make Me Smile (Come Up And See Me), Sebastian og ein rimeleg bra versjon av George Harrison sin Here Comes The Sun. I mi platehylle er det meste av det best frå Steve Harley & Cockney Rebel samla på samleplata The Very Best Of Steve Harley & Cockney Rebel.

Andre jubilantar
Abe Most (1920-2002)
Carl Anderson (1945-2004)
Danny Rivera (1945)
Steve Harley (1951)
Neal Schon (1954)
Adrian Smith (1957)
Johnny van Zandt (1960)
Ewen Vernal (1964)
Noam Pickelny (1981)

Tjuesjette februar

I 1928 kom Antoine Dominique Domino Jr. til verda i New Orleans i Louisiana. Fats Domino var ein av pionerane innen rock n’roll og har spelt seg inn i alles hjarter med songar som Blueberry Hill og Ain’t That A Shame. Domino fekk heimen rasert av orkanen Katrina og sleit i lang tid med skral helse, men opptrådde likevel med ujamne mellomrom heilt fram til han døyde i 2017. Hjå meg finn du Domino sitt pianospel på ei samleplate mynta på den norske marknaden: De Beste Sangene.

Andre jubilantar
Johnny Cash (1932-2003)
Jonathan Cain (1950)
Gerry Leonard (1961/1962)
Gota Yashiki (1962)
Erykah Badu (1971)
Robin Jones (1973)

Tjuefemte februar

I 1919 vart Fred Katz fødd i New York City. Jazzmusikaren Katz har ei mangslungen karriere med cello og piano mellom hendene, og underviste i etnisk musikk ved California State University i Fullerton i meir enn tretti år. I mi platesamling kan Katz høyrast medan han spelar cello på Bob Dylan si smått fantastiske, og akk så undervurderte plate med filmmusikken til filmen Pat Garrett & Billy The Kid frå 1973. Katz døyde i 2013.

Andre jubilantar
Don Randi (1937)
George Harrison (1943-2001)
Doug Yule (1947)
Poncho Sampedro (1949)
Reggie Lucas (1953)
Stuart “Woody” Wood (1957)
Pia Maiocco (1962)
Brian Baker (1962)
Jon Sjøen (1973)
Sarah Jezebel Deva (1977)
Lovefoxx (1984)