Tjuefjerde oktober

Tjuefjerde oktober 1946 kom trommeslagaren Jerry Edmonton til verda som Gerald McCrohan i Oshawa i Canada. Edmonton heldt takten for verdas fyrste hardrockband, Steppenwolf, fram til 1976 og er mannen som held takten på Born To Be Wild. Edmonton døyde i ei bilulukke i California i 1993. I 1959 vart den australske gitaristen Rowland Stuart Howard fødd. Rowland S. Howard er best kjend for å spele med det australske bandet The Birthday Party. Howard døyde i 2009. I 1961 vart Rick Margitza fødd i bilbyen Detroit. Margitza er ein djevel på saksofonen og kan hjå meg høyrast når han spelar saman med jazzlegenda Miles Davis på plata Amandla frå 1989. I 1976 gav den irske gitarguden Rory Gallagher ut plata Calling Card. På denne plata var det Rod de’Ath som hadde teke plass bak trommesettet og heldt takten. I 1977 var The Who i Ramport Studios i Battersea for å spele inn New Song. Innspelinga vart fullførd eit par dagar seinare. I 1980 kunne dei frammøtte på W.M.C i Easington oppleve Toy Dolls frå scenen. Samstundes spelte Joachim Tåström og resten av Ebba Grön i Folkets Park i Huskvarna. Songane Pervers Politiker, Totalvägra, Det Måsta Vara Radion, Vad Skal Du Bli?, Tyst För Faen og Rock And Roll Music frå denne konserten kan alle høyrast på plata Ebba Grön Live frå 1998. I 1985 var det Rotefabrik i Zurich som fekk vitjing av Toy Dolls. I 1986 slepte Stryper plata To Hell With The Devil, og dei frammøtte på Hofstegrasse i Lustenac fekk høve til å nyte Toy Dolls sin musikk. I 1987 var Toy Dolls i Stuttgart for å spele på Rohde. I 1988 platedebuterte det franske alternativbandet Mano Negra med Patchanka. I 1995 gav The Smashing Pumpkins ut si tredje studioplate, Mellon Collie And The Infinite Sadness, som var ein dobbel CD. Ein ganske så kraftig dose Billy Corgan, med andre ord. Same dag slepte Ozzy Osbourne plata Ozzmosis og Pretenders ytte sitt bidrag til platemarknaden med konsertplata The Isle Of View. I 2000 slepte Moby samleplata Play: The B Sides.