Tjuande august

Tjuande august 1926 vart Frank Rosolino fødd i bilbyen Detroit i Michigan. Hjå meg kan Rosolino sitt trombonespel høyrast på Chet Baker si samleplate Best Of Chet Baker Plays 1992. Rosolino døyde i 1978. I 1934 kom Peter E. Kleinow til verda i South Bend i Indiana. Musikaren Sneaky Pete Kleinow har fått legendestatus som medlem av countryrock-legendene Flying Burrito Brothers, hjå meg kan han høyrast medan han spelar flatfele på songen Something To Believe In på Steve Miller Band si plate The Joker frå 1973. I 1941 kom David Anthony Brock til verda i engelske Isleworth. Hawkwindsjefen Dave Brock er den einaste av medlemmene av kultlegendene i Hawkwind som har vore med gjennom heile bandet si karriere. Hjå meg kan Brock høyrast på samleplata Sonic Boom Killers frå 1998. I 1946 vart Ian Clarke fødd i London. Trommisen Clarke spelte for Uriah Heep i perioden 1971-1972 og hjå meg kan han høyrast på plata Look At Yourself frå 1971. I 1947 kom David Andrew Lasley til verda i Branch i Michigan. Songaren David Lasley kan hjå meg høyrast som hjelpevokalist på Bette Midler si plate Some People’s Lives frå 1990. I 1948 vart songaren Robert Anthony Plant fødd i Birmingham. Songaren Robert Plant slo gjennom med Led Zeppelin i overgangen frå seksti-til syttitalet og har sidan pleia ei solokarriere av særs varierande kvalitet. Hjå meg kan Plant høyrast på studioplatene Led Zeppelin II (1969), Led Zeppelin III (1970), Led Zeppelin IV (1971), Presense (1976), og Coda (1982). I 1949 kom den irske bassisten Philip Parris Lynott til verda i engelske West Bromwich. Phil Lynott var leiar av det irske bandet Thin Lizzy der han også markerte seg som låtskrivar. Før han starta sitt eige band spelte Lynnot bass i mellom anna eit anna legendarisk irsk hard rock band, Skid Row. Hjå meg kan Lynott høyrast på samleplata Dedication, som oppsummerar den kortliva karrieren til Thin Lizzy på ein glitrande måte, i tillegg til soloplata The Phillip Lynott Album frå 1982. Lynnot døyde i 1986. I 1957 vart Eric Ambel fødd i Batavia i Illinois. Gitaristen Ambel sitt bidrag til mi platehylle kan høyrast på plata I Love Rock’n Roll, som Joan Jett & The Blackheart gav ut i 1981. I 1970 kom William Frederick Durst til verda i Gastonia i North Carolina. Fred Durst er mannen som syng fyrstestemma i bandet Limp Bizkit og kan hjå meg høyrast på plata New Old Songs frå 2001. I 1978 fekk svenske Helsingborg vitjing av Gasolin. Pas På Svinget I Solrød og Strengelengen er foreviga på band og kan høyrast på samleplata Derudaf – Forever frå 2004. I 1981 var det Doncaster som tok i mot Toy Dolls, det skal ha hendt i Halfway Hotell, same dag gjesta Ramones Santa Cruz Civic i California, USA. I 1983 var Wings Of A Dove Madness sitt bidrag til hitlistene. Resultatet vart ein respektabel andreplass. I 1988 toppa Iron Maiden plakaten på Monsters Of Rock og fekk spele framfor meir enn hundre tusen headbangers & hellraisers på Castle Donnington. I 1990 slepte Prince plata Grafitti Bridge, den tolvte studioplata hans. I 1995 døyde Red Rhodes. I 2009 døyde Larry Knechtel.