Niande august

Niande august 1949 kom Timoth John Pearson Renwick til verda i universitetsbyen Cambridge. Tim Renwick kan høyrast medan han spelar gitar for David Bowie på plata Space Oddity frå 1969. I 1954 vart Pete Thomas fødd i stålbyen Sheffield. Trommeslagaren Thomas har samarbeida med Elvis Costello i ei årrekkje og kan hjå meg høyrast på plata Mighty Like A Rose frå 1991. I 1955 vart trommeslagaren John Charles Morgan fødd i London. Trommeslagaren Charlie Morgan vart profesjonell musikare som attenåring, og hjå meg kan arbeidet hans høyrast på Kate Bush si plate Lionheart frå 1978, og på tittelsporet til Matt Bianco si plate Whose Side Are You On frå 1984. I 1980 kunne Toy Dolls opplevast i Steels Club i Sunderland. I 1983 var Toy Dolls attende i 100 Club i London for å spele. I 1984 er dette datoen for starten av Iron Maiden sin World Slavery Tour. Det var i seg sjølv ei stor hending, i og med at det hendte i Polen som den gong var trygt plassert i den kommunistiske delen av eit delt Europa. I 1986 var det plateslepp for Orgasmatron frå Motörhead. Sjølv venta eg nokre år før eg skaffa meg denne skatten, men no er plata trygt på plass i hylla. I 1987 kunne ein oppleve Toy Dolls på festival i Gronningen. I 1995 døyde Grateful Dead-gitaristen Jerry Garcia. I 2003 døyde Bill Perkins.