Andre august

Andre august 1937 vart Eric Garth Hudson fødd i Ontario. Garth Hudson vert rekna som mannen bak The Band sitt unike lydbilete og hjå meg kan tangentspelet hans høyrast på plata Islands frå 1977, bandet si siste studioplate med originalbestninga. I 1944 vart Naná Vasconcelos fødd i brazilianske Recife. Hjå meg kan perkusjonisten Vasconcelos høyrast på Jan Garbarek si plate Legend Of The Seven Dreams frå 1988. I 1948 kom Andrew Fairweather Low til verda i Ystrad Mynach i Wales. Grunnleggjaren av Amen Corner kan i mi platehylle høyrast medan han trakterar både gitar og munnspel på Eric Clapton si akustiske konsertplate Unplugged frå 1992, i tillegg til samarbeidsplata Riding With The King, som Clapton slepte saman med B.B. King i 2000. I 1951 vart Andrew Maurice Gold fødd i Burbank i California. Musikaren Andrew Gold kan i mi platehyhylle høyrast medan han spelar gitar for Bette Midler på plata Some People’s Lives frå 1990. Gold døyde i 2011. I 1953 kom Donnie Munro til verda på den skotske øya Skye, best kjend for wiskeyproduksjon. Munro song i Runrig frå 1974 til 1997 og hjå meg kan han høyrast på studioplatene The Highland Connection (1979), The Cutter And The Clan (1987) og The Big Wheel (1991), i tillegg til konsertplata Once In A Lifetime. I 1955 vart Bryan David Vig fødd i Wisconsin. Plateprodusenten Butch Vig sper på inntektene som trommeslagar for bandet Garbage. I 1957 døyde Joe Shulman. I 1972 spela Johnny Cash inn Little Green Fountain i Hendersonville. Resultatet kan høyrast på plata The Johnny Cash Childrens Album frå same år. I 1983 gav Jackson Browne ut si sjuande studioplate, Lawyers In Love. I 2003 spelte Linkin Park på Reliant Stadium i Houston i Texas. Godlyd frå denne konserten finn du på konsertplata Live In Texas, som kom på marknaden seinare same året.