Tjuande april

Tjuande april 1941 vart bassisten Timothy Lee Drummond fødd i Illinois. Tim Drummond har traktert bassen for fleire store artistar og hjå meg kan han høyrast på mellom anna Neil Young- platene Tonight’s The Night (1975), Zuma (1975), American Stars’N Bars (1977), Comes A Time (1978) og Hawks & Doves (The Old Homestead) frå 1980, og på Bob Dylan-plata Shot Of Love frå 1981. I 1948 kom Craig Frost til verda i den ein gong så staselege industribyen Flint i Michigan. Mange knyt tangentmannen Frost til Grand Funk Railroad, men hjå meg kan han høyrast som ein del av Bob Seger sitt Silver Bullet Band. I 1950 kom Walter Carl Becker til verda i Queens. Gitaristen Walter Becker var ein av grunnleggjarane av Steely Dan. Hjå meg kan Becker høyrast i fint samspel med kompisen Donald Fagen. I 1970 kunne The Wonder Of You kjøpast som singel. Artisten var Elvis Presley og songen fekk seks veker på fyrsteplassen på dei engelske listene. I USA vart niandeplassen høgaste plassering for underet. I 1971 vart Michael Edward Welsh fødd i Syracuse. Mickey Welsh overtok etter Matt Sharp som bassist i Weezer, men slutta etter eit sørgjeleg mentalt samanbrott i 2001. Dei neste ti åra ofra Welsh seg for biletkunsten. Welsh døyde i 2011. I 1972 fekk den fruktbare reggeaartisten Bob Marley ein son, Stephen Robert Nesta Marley. Med tilnamnet Raggamuffin har unge Marley gjort karriere på eiga hand og som ein del av broren Ziggy sitt band The Melody Makers. I 1993 gav Primus ut plata Porc Soda, som var bandet si tredje plate og inneheld den utstyrteleg morosame songen My Name Is Mud.