Andre januar

Andre januar 1931 kom Frank L. Marocco til verda i Joliett i Illinois. Accordeon-spelande Frank Marocco starta den musikalske karriera si som syttanåring og har spela med eit utal amerikanske artistar, meste kjend er kan hende The Beach Boys. Hjå meg kan Marocco sitt arbeid høyrast på så ulike artistar som The Beach Boys si samleplate Summer Dreams (1993), og studioplate These Days, som Bon Jovi slepte i 1995. Marocco døyde i 2012. I 1946 vart Michael George Churchill fødd i engelske Ilkeston. Tangentmannen Chick Churchill er best kjend for å spele i Woodstock-legendene Ten Years After og kan i mi platehylle høyrast på legendene si sjette studioplate, Watt, som kom på marknaden så tidleg som i 1970. I 1954 kom John Barlow Jarvis til verda i Pasadena i solfylte California. Pianisten og komponisten Barlow Jarvis har hausta nominasjonar og utmerkingar på eiga hand, hjå meg kan han høyrast på countrylegenda George Jones si studioplate Walls Can Fall (1992), og på Steve Earle si studioplate Copperhead Road (1988), samt på utvalde spor på same Earle si samleplate The Collection, som kom på marknaden i 2002. I 1966 kom Niko Röhlcke til verda. Den svenske musikaren Röhlcke er for det meste oppteken med å skape filmmusikk, men spelar også i Weeping Willows og kan i mi platehylle høyrast på bandet si tredje studioplate, Into The Light frå 2002. I 1975 vart Børge Fjordheim fødd på Randaberg. Trommisen Fjordheim er ein av Morten Abel sine faste samarbeidspartnarar, i tillegg til at han spelar i ei rekkje andre band, og kan i mi platehylle høyrast på Abel si studioplate Here We Go Then, You And I frå 1999. I 1978 døyde Andrew Walter.