Sekstande september

Sekstande september 1925 kom Riley B. King til verda i elvedelstaten Mississippi. B.B. King vert rekna som ein av verdas desidert framste gitaristar og har underheldt små og store bluesfans sidan han signerte kontrakt med RPM Records i 1949. Insatsen er etterkvart løna med fleire Grammy-prisar og ein plass i prestisjetunge Rock’n Roll Hall Of Fame. I 1946 vart trommeslagaren Kenneth Thommas Jones fødd i London. Kenney Jones si karriere omfattar band som Small Faces, Faces og The Who. Hjå meg kan han høyrast på Faces si plate Long Player frå 1971 og på Joan Armatrading si sjølvtittelerte plate frå 1976. I 1999 gav Tom Jones ut plata Reload, som inneheld megahiten Burning Down The House.