Fyrste september

Fyrste september 1925 kom Arthur Edward Pepper, Jr til verda i Gardena i California. Saksofonisten Art Pepper sitt vedunderlege spel kan høyrast på samleplata Best Of Chet Baker Plays. Art Pepper døyde i 1982. I 1948 vart trommeslagaren Russell Kunkels fødd i stålbyen Pittsburgh. Russ Kunkel er ein studiomusikar som hjå meg kan høyrast medan han held takten på Bob Dylan-plata Pat Garrett & Billy The Kid frå 1973, og på Neil Young si plate Zuma frå 1975. I 1955 kom Bruce Foxton til verda. Foxton er best kjend for å ha spela bass i det engelske modbandet The Jam. I 1960 vart Richard Keith Lewis fødd i London. Cass er medlem av det engelske bandet Skunk Anansie og kan høyrast på plata Stoosh frå 1996. I 1963 vart Grant-Lee Phillips fødd som Bryan Grant Phillips. Phillips slo gjennom med gruppa Grant Lee Buffalo og plata Fuzzy for ganske mange år sida. I dag turnerar han under eige namn, stundom aleine med gitaren, stundom med eige band. I 1969 platedebuterte Nick Drake med Five Lerves Left. Frå 1984 hugsar mange dagen for at Motörhead slepte singelen Killed By Death/Under The Knife, andre var gjerne tilstades då Toy Dolls gjekk på scenen på Oddies i Oldham. I 1987 kom R.E.M. med plata Document. I 1989 gav Mano Negra ut plata Puta’s Fever. I 2001 platedebuterte Kaizers Orchestra med den energiske Ompa Til Du Dør.