Ellevte september

Ellevte september 1943 kom trommeslagaren Michael Steven Hartman til verda i metropolen New York. Hartman nyttar til dagleg aliaset Mickey Hart og er best kjend for å ha helde takten for hippielegendene i Grateful Dead. Hart, som i dag turnerar med sitt eige Mickey Hart Band, spelte med The Dead i to periodar, fyrst frå september 1967 til februar 1971 og sidan frå 1974 til 1995. Hart sitt trommespel kan i mi platesamling høyrast på plata Dylan & The Dead, ei liveplate frå 1989 der den trufaste fanskaren, The Deadheads, fekk høve til å følgje heltane turnere saman med Bob Dylan. I 1947 vart Robert Adrian Catley fødd i Aldershot. Bob Catley si røyst har vore med å prega lydbildet i det engelske hardrockbandet Magnum frå starten og han kan hjå meg høyrast på platene Kingdom Of Madness (1978), Magnum II (1979) og Marauder frå 1980. I 1965 kom Richard Melville Hall til verda i Harlem i New York. Moby er ein multiinstrumentalist og DJ som har gjeve ut plater under mange ulike artistnamn. I mi platehylle kan du finne plata Play: The B-Sides frå 2000. Moby varma opp for Red Hot Cilli Peppers i Oslo Spektrum i 1996, ein konsert eg var heldig å få vere til stades på. I 1971 kom Richard Paul Ashcroft til verda i Wigan. Richard Ashcroft var vokalist i The Verve og kan hjå meg høyrast på plata Urban Hymns frå 1997. I 1986 var Toy Dolls og heldt konsert på Rockhouse i Derby. I 1987 vart den jamaicanske reggaeartisten Peter Tosh drepen i sin eigen heim, førtitre år gamal. I 1989 slepte Eurythmics si åttande studioplate, We Two Are One. I 1993 var dei engelske blueslegendene Bernie Marsden og Mick Moody i Hell i Trøndelag for å spele på Hell Blues Festival. Til å hjelpe seg på scena hadde dei to veteranane bassisten Peter Stroud, som har vore innom i Sheryl Crow sitt band, og trommeslagar John Trotter, som seinare var innom i legendariske Mannfred Mann’s Earth Band. Konserten vart seinare gjeven ut på plate med tittelen The Moody Marsden Band Unplugged Live In Hell. I 1995 nytta Blur høvet til å gje ut studioplate nummer fire, The Great Escape. I 2001 gav Bob Dylan ut plata Love And Theft, og Boz Scaggs slepte plata Dig. I 2007 døyde Joe Zawinul.