Sekstande oktober

Sekstande oktober 1938 kom Christa Päffen til verda i tyske Köln. Christa er best kjend som fotomodellen Nico, som også song saman med kunstrockarane i The Velvet Underground. Hjå meg kan Nico høyrast på samleplata The Best Of The Velvet Underground. Nico døyde i 1988. I 1943 vart Charles Frederick Turner fødd i Winnipeg. Fred Turner er bassist i bandet Bachman-Turner Overdrive og er representert med ei Best Of-plate i mi hylle. I 1944 kom Paul Durcan til verda i Dublin. Poeten Durcan er i mi platehylle kreditert for å snakke på Van Morrison si plate Enlightenment frå 1990. I 1945 kom Roger G Hawkins til verda i Mishawaka i Indiana. Trommeslagaren Roger Hawkins er den som held takten på Wilson Pickett sin originalversjon av Mustang Sally, og kan hjå meg høyrast medan han held takten for Bob Seger på plata Beautiful Loser frå 1975. I 1960 kom Robert Arthur Mould til verda i byen Malone i New York State. Bob Mould var gitarist, songar og låtskrivar i det amerikanske undergrundsbandet Hüsker Dü som herja alternativlistene i åra 1979-1988. I 1961 vart Bo Sigvard Sundström fødd i Piteå langt nord i Sverige. Bo Kasper er komponist og musikar og er drivkrafta i det svenske bandet Bo Kaspers Orkester. I 1962 kom Michael Peter Balzary til verda i den australske olympiabyen Melbourne. Som femåring emigrerte Balzary, saman med resten av familien, til USA. Under artistnamnet Flea har Balzary hamra basstakten i Red Hot Chili Peppers frå byrjinga av bandet si karriere i 1984. Flea er også involvert i bandet The Mars Voltas, som hjå meg er representert med plata The Bedlam In Goliath frå 2007. I i mi platehylle byr følgjande plater på Flea sitt basspel: Warren Zevon si plate Sentimental Hygiene frå 1987, på fleire spor på Mick Jagger si soloplate Wandering Spirit frå 1993, på sporet You Ougtha Know på Alanis Moristette sine plater Jagged Little Pill frå 1995, i tillegg til plata Under Rug Swept frå 2002, og på Johnny Cash si plate Unchained frå 1996. Som om ikkje det var nok kan Flea høyrast medan han spelar saksofon på Jane’s Addiction si plate Nothing’s Shoking frå 1988. I 1985 var Toy Dolls og underheldt i Zentralsaal i Hamburg. I 1986 var det Trondheim sin tur til å få vitjing av Toy Dolls. Den utvalde arrangørstaden heit Ritz. I 1987 var Toy Dolls i Reimes for å spele på Theatre De La Maison. I 1989 spela Toy Dolls på Spielboden i Dornbirn i Austerriket. I 1992 slepte Offspring si andre studioplate, Ignition. I 2000 platedebuterte Håkan Hellström med Känn Ingen Sorg För Mig Göteborg.