Fjortande februar

Fjortande februar 1939 vart Norman Christopher Pyne fødd i engelske Bridlington. Trombonisten Chris Pyne spelte fast i Frank Sinatra sitt band i mange år, hjå meg kan han høyrast på utvalde spor på samleplata More Than This – The Best Of Bryan Ferry & Roxy Music frå 1995. I 1943 kom Maceo Parker til verda i Kinston i North Carolina. Saxofonspelande Parker er best kjend for å spele med James Brown, men har også vore innom George Clinton sitt funkkollektiv Parliamnet, i tillegg til fleire studiooppdrag. I mi platehylle høyrer du lyden frå Parker sin saksofon på studioplatene Freakey Styley (Red Hot Chili Peppers)(1985), og Time’s Up (Living Colour)(1990), samt samleplatene Godfather of Soul (James Brown)(1998), More Than This – The Best Of Bryan Ferry & Roxy Music (1995) og Greatest Hits (George Clinton)(2000). I 1947 kom Arne Henry Sandum til verda. Bassisten Sandum spelar til dagleg i Hellbillies og i mi platehylle kan han høyrast på tre av bandet sine tidlegaste studioplater, Sylvspente Boots (1992), Lakafant (1995) og Drag (1996), i tillegg til konsertplata Live Laga frå 1997. I verdas mektigaste by, Washington D.C., vart Timothy Charles Buckley III fødd. Tim Buckley levde fort, kort og hektisk i det krevjande rampelyset, men rakk å spele inn ni studioplater før han sa takk for seg med ein overdose av lovlege og ulovlege rusgifter. Buckley etterlot seg sonen Jeff Buckley til å føre den musikalske arven vidare. Mi platehylle byr på Buckley senior sitt arbeid på studioplata Greetings From L.A. frå 1972. Buckley døyde i 1975. I 1950 kom Roger Fisher til verda i Seattle i Washington. Gitaristen Fisher er best kjend for å spele saman med Wilson-systrene i Heart og kan hjå meg høyrast på studioplata Little Queen frå 1977. Fisher skilde lag med Heart i 1980. I 1953 vart Carmine Rojas fødd i New York City i New York. Bassisten Rojas kan i mi platehylle høyrast på plata Never Let Me Down, som var David Bowie sitt bidrag til platehyllene i 1987, Tina Turner si plate Foreign Affair frå 1989, og på Vagabond Heart, som Rod Stewart slepte i 1991. I 1960 kom Jocelyn Pook til verda i engelske Solihull i West Midlands. Pook sitt fiolinspel kan i mi platehylle høyrast på To Bring You My Love, som var PJ Harvey sitt bidrag til populærkulturen i 1995, Pogues si studioplate Pogue Mahone (1996), og plata Songs From Northern Britain, som Teenage Fanclub slepte i 1997. I 1973 kom Tore Bratseth til verda. Vokalisten Stud Bronson er verdas mest ihuga fan av Twisted Sister og har base i Lysefjorden i Os Kommune sør for Bergen. Bronson kan treffast på butikken på Buena når han ikkje er ute og turnerar med The Batallion, eller stalkar idola sine. I mi platehylle står to av The Batallion sine studioplater, Stronghold Of Men (2008) og Head Up High (2010). I 1981 hadde Toy Dolls teke inn på hotell, og det var Norseman Hotel i Peterlee som fekk vitjing og det skulle ikkje vere naudsynt å påpeike at dei sjølve stod for underhaldninga. I 1985 var Toy Dolls attende i gamlelandet etter ein utanlandstur og drog for å spele på Guildhall i Cambridge. I 2002 døyde Mick Tucker av blodkreft. I 2009 døyde Louie Bellson. I 2010 døyde vokalist Doug Figer frå The Knack. The Knack er mest kjend for hiten My Sharona frå debutplata Get The Knack frå 1979.