Fjortande februar

Fjortande februar 1947 kom Arne Henry Sandum til verda. Bassisten Sandum spelar til dagleg i Hellbillies og i mi platehylle kan han høyrast på tre av bandet sine tidlegaste studioplater, Sylvspente Boots (1992), Lakafant (1995) og Drag (1996), i tillegg til ei konsertplate, Live Laga, frå 1997. I Washington D.C. vart Timothy Charles Buckley III fødd. Tim Buckley levde fort, kort og hektisk i det krevjande rampelyset, men etterlot seg sonen Jeff Buckley til å føre den musikalske arven vidare. Mi platehylle byr Buckley senior på plata Greetings From L.A. frå 1972. Buckley døyde i 1975. I 1950 kom Roger Fisher til verda i Seattle i Washington. Gitaristen Fisher er best kjend for å spele saman med Wilson-systrene i Heart og kan hjå meg høyrast på plata Little Queen frå 1977. Fisher skilde lag med Heart i 1980. I 1953 vart Carmine Rojas fødd i New York City. Bassisten Rojas kan i mi platehylle høyrast på Vagabond Heart, som Rod Stewart slepte i 1991. I 1960 kom Jocelyn Pook til verda i engelske Birmingham. Pook sitt fiolinspel kan i mi platehylle høyrast på plata Songs From Northern Britain, som Teenage Fanclub slepte i 1997. I 1973 kom Tore Bratseth til verda. Vokalisten Stud Bronson er verdas mest ihuga fan av Twisted Sister og har base i Lysefjorden i Os Kommune sør for Bergen. Bronson kan treffast på butikken på Buena når han ikkje er ute og turnerar med The Batallion, eller stalkar idola sine. I mi platehylle står to av The Batallion sine plater, Stronghold Of Men (2008) og Head Up High (2010). I 1981 hadde Toy Dolls teke inn på hotell, og det var Norseman Hotel i Peterlee som fekk vitjing og det skulle ikkje vere naudsynt å påpeike at dei sjølve stod for underhaldninga. I 1985 var Toy Dolls attende i gamlelandet etter ein utanlandstur og drog for å spele på Guildhall i Cambridge. I 2002 døyde Mick Tucker av blodkreft. I 2009 døyde Lois Bellson. I 2010 døyde vokalist Doug Figer frå The Knack. The Knack er mest kjend for hiten My Sharona frå debutplata Get The Knack frå 1979.