Attande april

Attande april 1939 vart Glen D. Hardin fødd i Wellington i Texas. Pianisten Glen Hardin kan i mi platehylle høyrast på Emmylou Harris si plate Pieces Of The Sky frå 1975. I 1946 kom bassisten Tommy Shannon til verda i Tucson i Arizona. Shannon har ei fortid i blueslegenda Johnny Winter sitt band, men hjå meg kan han høyrast medan han spelar i Stevie Ray Vaughan sitt band, Double Trouble, på platene Texas Flood (1983), In The Beginning (1992) og The Best Of Stevie Ray Vaughan. I 1949 vart Andrew Powell fødd i London. Powell spelar keyboard for Kate Bush på plata Lionheart frå 1978. I 1958 vart Leslie Thomas Pattinson fødd i engelske Lancashire. Bassisten Les Pattinson sitt bidrag til mi platesamling kan høyrast når han opptrer som medlem av Echo And The Bunnymen på samleplata Ballyho The Best Of Echo And The Bunnymen. I 1964 kom Carl Øyvind Apeland til verda. Bassisten Calle Apeland spelar til dagleg i Vamp og kan i mi platehylle høyrast på studioplatene God Morgen, Søster (1993) og Flua På Veggen frå 1998. I 1974 kom Mark Thomas Tremonti til verda i bilbyen Detriot i Michigan. Gitaristen Mark Tremonti spelar i Creed og har vore kåra til årets gitarist av magasinet Guitar World tre år på rad. Hjå meg kan Tremonti høyrast på plata Human Clay frå 1999. I 1975 slepte ZZ Top plata Fandango. Plata, som var bandet si fjerde, er ei blanding av konsertopptak frå ulike konsertar og studioinnspelingar, fordelt på dei to sidene på det som originalt var ei langspelplate. I 1976 vart Ted Sablay fødd i Fond Du Lac i Wisconsin. Tangentmannen Sablay er tett knytt til, men ikkje fullverdig medlem av The Killers og hjå meg kan du høyre han spele piano på bandet si andre studioplate, Sam’s Town frå 2006. I 1989 kom Pixies si andre studioplate, den fekk namnet Doolittle og selde nok til at bandet kunne innkassere gullplate for produktet i 1995. I 1990 var det på tide å oppsummere The Bangles si karriere med ei Greatest Hits-plate. I 1991 døyde Barry Rogers. I 1996 døyde Bernard Edwards. I 2001 døyde Billy Mitchell. I 2005 døyde Andrew Steele.