Niande august

Niande august 1954 vart Pete Thomas fødd i stålbyen Sheffield. Trommeslagaren Thomas har samarbeida med Elvis Costello i ei årrekkje og kan hjå meg høyrast på plata Mighty Like A Rose frå 1991. I 1955 vart John Charles Morgan fødd i London. Trommeslagaren Charlie Morgan vart profesjonell musikare som attenåring, og hjå meg kan arbeidet hans høyrast på Kate Bush si plate Lionheart frå 1978, og på tittelsporet til Matt Bianco si plate Whose Side Are You On frå 1984. I tillegg har Morgan vore innom Tom Robinson Band og kan også høyrast medan han held takten på samleplata The Best Of Tom Robinson Band. I 1980 kunne Toy Dolls opplevast i Steels Club i Sunderland. I 1983 var Toy Dolls attende i i London for å spele på 100 Club. I 1984 starta Iron Maiden sin World Slavery Tour. Det var i seg sjølv ei stor hending, og i og med at det hendte i Polen, som den gong var trygt plassert på den andre sida av jernteppet i eit delt Europa, vart det ei historisk hending. I 1986 var det plateslepp frå Motörhead og produktet fekk namnet Orgasmatron. Sjølv venta eg nokre år før eg skaffa meg denne skatten, men no er plata trygt på plass i hylla. I 1987 kunne ein oppleve Toy Dolls på festival i Gronningen. I 1995 døyde Jerry Garcia. I 2003 døyde Bill Perkins.