Femte august

Femte august 1947 vart Richard Zehringer fødd i Fort Recovery i Ohio. Gitaristen Rick Derringer slo gjennom i gruppa McCoys, som er fint plassert i kategorien ”one-hit-wonders” etter kjempesuksessen med Hang On Sloopy i 1965, men i mi platehylle gjer han jobben som hjelpegitarist og produsent for Johnny Winter på plata And Live frå 1971. I australske Melbourne kom Gary Stephen Anderson til verda. Songaren Angry Anderson er frontmann i Rose Tattoo og kan i mi platehylle høyrast på samleplata The Best Of Rose Tattoo frå 2005. I 1948 kom David Hungate til verda. Den tidlegare bassisten for Toto, Hungate, kan hjå meg høyrast på Alice Cooper si plate From The Inside frå 1978, og på Rickie Lee Jones si plate The Magazine frå 1984. I 1955 vart Eddie Ojeda fødd i New York City. Ojeda, med kallenamnet Fingers, er gitarist i Twisted Sister og kan hjå meg høyrast på samleplata Big Hits And Nasty Cuts frå 1992. I 1959 kom George Ruthenberg til verda i Los Angeles i California. Gitaristen Pat Smear spelar til dagleg i Foo Fighters og kan hjå meg høyrast på plata The Colour And The Shape frå 1997. I 1961 kom fiolinisten Mark O’Connor til verda i Seattle i Washinton. O’Connor kan hjå meg høyrast saman med bandet Telluride på Nothing But A Child på Steve Earle si plate Copperhead Road frå 1988. I 1962 døyde Marilyn Monroe. I 1964 vart Adam Nathaniel Yauch fødd i bydelen Brooklyn i New York City. Adam «MCA» Yauch var ein av grunnleggjarane av rap-trioen Beastie Boys, som ærar platehylla mi med så mykje som sju titlar frå ei lang karriere. Budhisten Yauch vart diagnostisert med kreft i 2009 og døyde i 2012. I 1968 nytta gitaristen Luther Perkins dagen til å dra sitt siste sukk etter ei tids sjukdom. I 1977 kom Terje Winterstø Røthing til verda. Gitaristen Røthing spelar til dagleg i Kaizers Orchestra. I 1986 var Toy Dolls i skotske Ayr for å spele på Darlington Hotel. I 1992 døyde Jeff Porcaro. I 1993 døyde Randy Jo Hobbs.